ເມືອງສີສັດຕະນາກ ຂໍໃຫ້ຮ້ານດີມາກປິດບໍລິການຊົ່ວຄາວ ຍ້ອນກວດພົບພະນັກງານ ຕ ິ ດ ເ ຊ ື ້ ອ

0
23

ເມືອງສີສັດຕະນາກ ຂໍໃຫ້ຮ້ານດີມາກປິດບໍລິການຊົ່ວຄາວ ຍ້ອນກວດພົບພະນັກງານຕິດໂຄວິດ-19 ຄະນະສະເພາະກິດ ເມືອງ ສີສັດຕະນາກ ໄດ້ອອກແຈ້ງການ ຂໍຄວາມຮ່ວມມືກັບ ຮ້ານ ດີມາກ ທີ່ຕັ້ງຢູ່ບ້ານ ດົງປາລານທ່າ ເມືອງສີສັດຕະນາກ ໃຫ້ໂຈະຊົ່ວຄາວການເປີດບໍລິການ, ເນື່ອງຈາກວ່າຢູ່ພາຍໃນສູນການຄ້າດັ່ງກ່າວໄດ້ເກີດມີກໍລະນີຜູ້ຕິດເຊື້ອພະຍາດ ແລະ ຜູ້ສຳຜັດທີ່ເປັນກຸ່ມສ່ຽງຂອງພະນັກງານທີ່ມາເຮັດໜ້າທີບໍລິການໃຫ້ລູກຄ້າ ຢູ່ພາຍໃນສູນການຄ້າ

ໂດຍ, ໃຫ້ໂຈະຊົ່ວຄາວກ່ຽວກັບການເປີດບໍລິການສູນການຄ້າຕັ້ງແຕ່ວັນທີ 12 ຕຸລາ 2021 ເປັນຕົ້ນໄປ ຈົນກວ່າຈະມີແຈ້ງການປ່ຽນແປງ.ແລະ ໃຫ້ສືບຄົ້ນຫາຜູ້ຕິດເຊື້ອ ແລະ ຜູ້ພັດໃກ້ສິດຂອງພະນັກງານທີ່ມາໃຫ້ບໍລິການລູກຄ້າໂດຍໄວ, ພ້ອມທັງໃຫ້ຜູ້ທີ່ສໍາພັດໃກ້ສິດ ( C1 ) ໄປກວດຫາເຊື້ອພະຍາດໂຄວິຕ-19 ຢູ່ທີ່ສະຖານທີ່ກວດຫາເຊື້ອທີ່ທາງການໄດ້ກຳນົດໄວ້ພ້ອມທັງ, ໃຫ້ແຈ້ງປະຫວັດການເຄື່ອນໄຫວຂອງຜູ້ຕິດເຊື້ອໂດຍດ່ວນຕໍ່ເຈົ້າໜ້າທີ່ທີມງານລະບາດວິທະຍາຫ້ອງການສາທາລະນະສຸກເມືອງກໍ່ຄືພະແນກສາທາລະນະສຸກນະຄອນຫຼວງວຽງຈັນໂດຍດ່ວນ.