6 ກໍລະກົດ ຕ ິ ດ ເ ຊ ື ້ ອ 56 ຄົນ ພ້ອມຂໍໃຫ້ທຸກຄົນເລັ່ງໃຊ້ແອັບ ລາວ ສູ້ສູ້ ເພື່ອຕິດຕາມ ແລະ ຮັບບໍລິການ ວຽກງານໂຄວິດ

0
189

ໃນວັນທີ 6 ກໍລະກົດ ປີ 2021 ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມ ຄວບຄຸມພະຍາດຕິດຕໍ່ ກະຊວງສາທາລະນະສຸກ ຕາງໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19, ພ້ອມດ້ວຍ ທ່ານ ທະວີສັກ ມະໂນທຳ ຫົວໜ້າສູນບໍລິຫານລັດດ້ວຍເອເລັກໂຕນິກ, ກະຊວງເຕັກໂນໂລຢີ ແລະ ການສື່ສານ ຈະມາຮ່ວມຖະແຫຼງຂ່າວ ກ່ຽວກັບການນຳໃຊ້ແອບ “ລາວ ສູ້ສູ້” ຖະແຫຼງຂ່າວປະຈຳວັນ ທີ່ກະຊວງສາທາລະນະສຸກ.ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມ ຄວບຄຸມພະຍາດຕິດຕໍ່ ກ່າວວ່າ: ສະພາບການລະບາດພະຍາດໂຄວິດ-19 ຢູ່ ສປປ ລາວ ມາຮອດ

ປະຈຸບັນຕົວເລກສະສົມຜູ້ຕິດເຊື້ອໃນ ສປປ ລາວ ມີທັງໝົດ 2.356 ຄົນ, ມີຕົວເລກສະສົມຜູ້ເສຍຊີວິດ 3 ຄົນ, ທົ່ວປະເທດມີສູນຈໍາກັດບໍລິເວນທີ່ເປີດນໍາໃຊ້ຢູ່ທັງໝົດ 50 ສູນ, ມີຜູ້ຈໍາກັດບໍລິເວນທັງໝົດ 3.763 ຄົນ, ຍັງມີຜູ້ຕິດເຊື້ອຍັງນອນປິ່ນປົວ 249 ຄົນ. ຜ່ານການວຽກງານວິເຄາະ ໃນວັນທີ 5 ກໍລະກົດ 2021 ທົ່ວປະເທດ ໄດ້ມີການເກັບຕົວຢ່າງມາກວດຊອກຫາເຊື້ອ ໂຄວິດ-19 ທັງໝົດ 1.559 ຕົວຢ່າງ, ໃນນັ້ນ ກວດພົບຜູ້ຕິດເຊື້ອໃໝ່ 56 ກໍລະນີ, ມາຮອດວັນທີ 5 ກໍລະກົດ 2021 ໄດ້ກວດວິເຄາະທັງໝົດ 1.559 ຄົນ, ໃນນັ້ນ ກວດພົບຜູ້ຕິດເຊື້ອໃໝ່ ທັງໝົດ 56 ຄົນ, ຈາກ ນະຄອນຫຼວງວຽງຈັນ 3 ຄົນ, ສະຫວັນນະເຂດ

7 ຄົນ, ຈຳປາສັກ 45 ຄົນ ແລະ ແຂວງວຽງຈັນ 1 ຄົນ. ໃນນັ້ນ ກໍລະນີນຳເຂົ້າມີ 54 ຄົນ ຈາກ ສະຫວັນນະເຂດ 7 ຄົນ, ຈຳປາສັກ 44 ຄົນ ແລະ ນະຄອນຫຼວງ 3 ຄົນ ເຊິ່ງກວດພົບຈາກແຮງງານລາວ ທີ່ກັບມາແຕ່ປະເທດເພື່ອນບ້ານ ໂດຍຖືກຕ້ອງຕາມກົດໝາຍ;ການຕິດເຊື້ອໃນຊຸມຊົນມີ 2 ຄົນ ຈາກ ແຂວງວຽງຈັນ 1 ຄົນ ແລະ ຈຳປາສັກ 1 ຄົນ ທີ່ມີປະຫວັດສຳຜັດໃກ້ຊິດ ນຳຜູ້ຕິດເຊື້ອເກົ່າ; ການເຝົ້າລະວັງຢູ່ຕາມຈຸດຜ່ານແດນ ໃນຂອບເຂດທົ່ວປະເທດ ວັນທີ 5 ກໍລະກົດ ມີຜູ້ເດີນທາງເຂົ້າມາ ຕາມຈຸດຜ່ານດ່ານຕ່າງໆ ໃນສປປ ລາວ ທັງໝົດ 2.533 ຄົນ ເຊິ່ງທັງໝົດ ແມ່ນຖືກເກັບຕົວຢ່າງກວດຊອກຫາເຊື້ອ ແລະ ເຂ້ົ້າໄປຈຳກັດບໍລິເວນຢູ່ສູນທີ່ຄະນະສະເພາະກິດກຳນົດໄວ້ 14 ວັນ.

ສຳລັບສະຖານທີ່ ເກັບຕົວຢ່າງ ເພື່ອກວດຫາເຊື້ອ ພະຍາດໂຄວີດ-19 ມີດັ່ງນີ້: ສຳລັບນະຄອນຫຼວງວຽງຈັນ ມີ 5 ໂຮງໝໍສູນກາງ ແລະ ໂຮງໝໍ 103 ສູນກາງກອງທັບ; ຈຸດກວດນອກສະຖານທີ່ ຢູ່ ໂຮງຮຽນ ສີໂຄດ ໃຫ້ບໍລິການ ເກັບຕົວຢ່າງ 9-12 ໂມງ ທຸກມື້ (ວັນຈັນ ເຖີງ ວັນອາທິດ); ແລະ ຖ້າມີກໍລະນີບວກ (+) ໃໝ່ ຢູ່ບ້ານໃດ ຈະມີທີມງານເຄື່ອນທີ່ໄປເກັບຕົວຢ່າງຜູ້ສຳຜັດໃກ້ຊິດ ໃນຈຸດ ທີ່ມີກໍລະນີຜູ້ຕິດເຊື້ອໃໝ່; ປະຈຸບັນ ຈຳນວນບ້ານແດງ ໃນນະຄອນຫຼວງວຽງຈັນ ແມ່ນມີ 9 ບ້ານ ໃນ 5 ເມືອງ ຄື: ເມືອງຈັນທະບູລີ, ໄຊທານີ, ສີໂຄດຕະບອງ, ໄຊເສດຖາ ແລະ ນາຊາຍທອງ. ປະຈຸບັນ ຈຳນວນບ້ານແດງ ໃນນະຄອນຫຼວງວຽງຈັນ ແມ່ນມີ 9 ບ້ານ ໃນ 5 ເມືອງ ຄື: ເມືອງຈັນທະບູລີ, ໄຊທານີ, ສີໂຄດຕະບອງ, ໄຊເສດຖາ ແລະ ນາຊາຍທອງ.

ທ່ານກ່າວຕື່ມວ່າ: ປະຈຸບັນ ຜູ້ຊ່ຽວຊານໃນທົ່ວໂລກ ກຳລັງເຝົ້າລະວັງ ຕິດຕາມ ການພັດທະນາຂອງເຊື້ອໂຄວິດ-19 ຢ່າງໃກ້ຊິດ ເຊິ່ງສາຍພັນ ທີ່ຜູ້ຊ່ຽວຊານ ໃຫ້ຄວາມກັງວົນຫຼາຍທີ່ສຸດ ໃນຕອນນີ້ແມ່ນ ມີ ຢູ່ 4 ສາຍພັນ ຄື: ສາຍພັນ ອານຟ້າ ກວດພົບຄັ້ງທຳອິດຢູ່ ອັງກິດ; ສາຍພັນ ເບຕ້າ ກວດພົບຄັ້ງທຳອິດຢູ່ ອາຟຣິກກາໃຕ້; ສາຍພັນ ກາມມ້າ ກວດພົບຄັ້ງທຳອິດຢູ່ ບຣາຊິວ; ສາຍພັນ ເດວຕ້າ ກວດພົບຄັ້ງທຳອິດຢູ່ ອິນເດຍ. ເຊິ່ງສາຍພັນດັ່ງກ່າວ ອົງການອະນາໄມໂລກ ຈັດໃຫ້ຢູ່ໃນກຸ່ມ “ສາຍພັນທີ່ໜ້າເປັນຫ່ວງ” ເນື່ອງຈາກເປັນບັນຫາທາງດ້ານສາທາລະນະສຸກ ເພາະສາຍພັນດັ່ງກ່າວ ສາມາດຕິດຕໍ່ໄດ້ງ່າຍ, ໄວກວ່າເກົ່າ ແລະ ເຮັດໃຫ້ມີອາການຮຸນແຮງໄດ້. ສຳລັບ ສາຍພັນ ເດວຕ້າ ນັ້ນ ແມ່ນມີອັດຕາການແຜ່ເຊື້ອສູງກວ່າ ສາຍພັນອານຟ້າ ເຖິງ 60 %, ປະຈຸບັນ ສາຍພັນເດວຕ້າ ໄດ້ແຜ່ລະບາດໄປຫຼາຍກວ່າ 90 ປະເທດໃນທົ່ວໂລກ.

ສ່ວນ ສາຍພັນທີ່ຖືກຈັດຢູ່ໃນກຸ່ມ “ສາຍພັນທີ່ຄວນເຝົ້າລະວັງ” ໄດ້ແກ່ ແອັບໄຊລອນ, ຊີຕາ, ອີຕາ, ເຕຕ້າ, ໄອໂອຕ້າ, ກັບປ້າ ແລະ ລຳດ້າ. ສຳລັບ ສາຍພັນ ກັບປ້າ ທີ່ກວດພົບເຫັນຢູ່ ສປປ ລາວ ເຮົານັ້ນ ແມ່ນເປັນສາຍພັນທີ່ບໍ່ຮຸນແຮງ ແລະ ບໍ່ທັນຖືກຮັບຮອງຈາກອົງການອະນາໄມໂລກເທື່ອ ແຕ່ກໍ່ຍັງໄດ້ເຝົ້າລະວັງ ແລະ ຕິດຕາມ; ການລະບາດຂອງພະຍາດໂຄວິດ-19 ໃນຮອບໃໝ່ນີ້ ສັງເກດເຫັນວ່າ ຢູ່ທົ່ວໂລກ ແມ່ນເພິ່ມຂຶ້ນເລັກນ້ອຍ ແຕ່ບັນດາປະເທດອ້ອມຂ້າງ ທີ່ມີຊາຍແດນຕິດຈອດກັບ ສປປ ລາວເຮົາ ຍັງສືບຕໍ່ມີການລະບາດພາຍໃນຊຸມຊົນຢ່າງຕໍ່ເນື່ອງ ບາງປະເທດ ມີລາຍງານຜູ້ຕິດເຊື້ອໃໝ່ສູງເຖິງ 6 ພັນກວ່າຄົນ ໃນມື້ດຽວ ແລະ ກວດພົບເຫັນສາຍພັນເດວຕ້າ ສູງກວ່າ 50% ຂອງຜູ້ຕິດເຊື້ອໃໝ່ ເຊິ່ງມີຄວາມສ່ຽງສູງ ທີ່ຜູ້ເດີນທາງຈາກປະເທດດັ່ງກ່າວ ຈະນຳເອົາເຊື້ອໂຄວິດ-19 ສາຍພັນໃໝ່ນີ້ ເຂົ້າມາແຜ່ລະບາດໃນປະເທດຂອງພວກເຮົາໄດ້, ຕໍ່ກັບສະພາບການດັ່ງກ່າວ, ຈຶ່ງຂໍຮຽກຮ້ອງມາຍັງ ອຳນາດການປົກຄອງທ້ອງຖິ່ນທຸກຂັ້ນ ຈົ່ງເຂັ້ມງວດໃນການກວດກາ, ລາດຕະເວນ ຮັບປະກັນບໍ່ໃຫ້ມີຜູ້ລັກລອບເຂົ້າມາ ສປປ ລາວ ຕາມຊ່ອງທາງທຳມະຊາດ, ຖ້າຫາກທ່ານພົບເຫັນບຸກຄົນດັ່ງກ່າວ ໃຫ້ຮີບຮ້ອນລາຍງານແກ່ເຈົ້າໜ້າທີ່ກ່ຽວຂ້ອງ ເພື່ອຈະໄດ້ນຳພວກກ່ຽວເຂົ້າໄປຈຳກັດບໍລິເວນ 14 ວັນ ຢູ່ສູນທີ່ຄະນະສະເພາະກິດກຳນົດໄວ້ ພ້ອມທັງ ເກັບຕົວຢ່າງກວດຊອກຫາເຊື້ອ ແລະ ສາຍພັນ ຢ່າງທັນການ.

ດ້ານ ທ່ານ ທະວີສັກ ມະໂນທຳ ຫົວໜ້າສູນບໍລິຫານລັດດ້ວຍເອເລັກໂຕນິກ, ກະຊວງເຕັກໂນໂລຢີ ແລະ ການສື່ສານ ໄດ້ກ່ຽວກັບການນຳໃຊ້ແອັບ “ລາວ ສູ້ສູ້” ບາງຕອນວ່າ: ເພື່ອຕອບຕ້ານ ການແຜ່ລະບາດຂອງພະຍາດ Covid-19, ກະຊວງ ເຕັກໂນໂລຊີ ແລະ ການສື່ສານ ໄດ້ຮ່ວມມືກັບ ກະຊວງສາທາລະນະສຸກ ແລະ ບໍລິສັດ ເອັສບີເລັບ 856 ຈໍາກັດ ເຊິ່ງເປັນນັກພັດທະນາໂປຣແກຣມ ຄົນລາວ ຊ່ວຍກັນພັດທະນາເຄື່ອງມື ເພື່ອຕອບຕ້ານ ການລະບາດຊອງພະຍາດ Covid-19 ຊຶ່ງພວກເຮົາເອີ້ນບໍລິການນີ້ວ່າ “ລາວ ສູ້ສູ້” ໂດຍການນຳໃຊ້ຜ່ານລະບົບໂປຣແກຣມ LaoKYC ຊຶ່ງເປັນການໜູນໃຊ້ເຕັກໂນໂລຊີທີ່ທັນສະໄໝເຂົ້າມາຊ່ວຍ ເພື່ອສ້າງຄວາມແນ່ນອນ, ຊັດເຈນ ແລະ ອຳນວຍຄວາມສະດວກໃຫ້ແກ່ຄະນະແພດໝໍໄດ້ ໃນການຕິດຕາມການເດີນທາງ ຫຼື ການເຄື່ອນໄຫວຂອງຜູ້ຕິດເຊື້ອ ແລະ ຜູ້ມີຄວາມສ່ຽງ ໄດ້ຢ່າງຖືກຕ້ອງ ແລະ ຊັດເຈນ.

ເຊິ່ງ ແອັບ “ລາວ ສູ້ສູ້” ແມ່ນພັດທະນາເປັນເຄື່ອງມືນີ້ເຂົ້າມາຊ່ວຍເພື່ອເຮັດໜ້າທີີ່ ໃນການລາຍງານອາການຂອງຕົນເອງໃນເວລາກັກຕົວຢູ່ບ້ານ ຫຼື ສະຖານທີີ່ກັກຕົວເຊັ່ນ ອຸນນະພູມຮ່າງກາຍອາການໄຂ້, ໄອ, ເມື່ອຍ, ແລະ ອື່ນໆ ຫຼື ທີ່ເອີ້ນວ່າ iFeel (ອາການຂ້ອຍ); ຕິດຕາມການເດີນທາງຂອງຄົນເພື່ອໃຫ້ຮູ້ວ່າໄປສະຖານທີ່ໃດໂດຍການສະແກນ QR Code ແລະ ລະບົບຈະແຈ້ງເຕືອນ ຖ້າມີກຸ່ມສ່ຽງໄປສະຖານທີີ່ດັ່ງກ່າວ ຫຼື ທີ່ເອີ້ນວ່າ iGo (ໄປໃສ); ເບິີ່ງການເຄື່ອນໄຫວຂອງເຮົາເອງ ເພື່ອລາຍງານແພດໝໍ ຫຼື ທີ່ເອີ້ນວ່າ Timeline (ການເຄື່ອນໄຫວ); ໃຊ້ໃນການ ລົງທະບຽນ ແລະ ຈອງຄິວສັກວັກຊິນລ່ວງໜ້າ ຫຼື ທີ່ເອີ້ນວ່າ iVac (ສັກວັກຊິນ) ເຊິ່ງຈະຊ່ວຍຈອງຄິວທ່ານກ່ອນມາຮັບວັກຊິນ ເພື່ອລົດຄວາມແອອັດຂອງປະຊາຊົນທີ່ຕ້ອງການມາຮັບວັກຊິນ; ໃຊ້ໃນການ ລົງທະບຽນ ແລະ ຈອງຄິວເຂົ້າກວດເຊື້ອ ໂຄວິດ-19 ຫຼື ທີ່ເອີ້ນວ່າ iTest (ໄປກວດ) ນີ້ກໍ່ເພື່ອ ຊ່ວຍລົດຄວາມແອອັດໃນການເຂົ້າມາກວດຫາເຊື້ອ ໂຄວິດ-19 ຂອງກຸ່ມສຳພັດໃກ້ຊິດໄດ້ເຊັ່ນກັ, ເຊິ່ງການບໍລິການແອັບດັ່ງກ່າວນີ້ແມ່ນເປີດໃຫ້ບໍລິການຟຣີໂດຍບໍ່ເສຍຄ່າ.