ສຶກສາອົບຮົມເຈົ້າຂອງຮ້ານກິນດື່ມ 2 ຮ້ານ ຢູ່ໂພນຕ້ອງຈອມມະນີ ລະເມີດມາດຕະການ

0
122

ວັນທີ 1 ກໍລະກົດ 2021 ນີ້ ປກສ ກຸ່ມ IV ໂພນຕ້ອງຈອມມະນີ ສົມທົບກັບອຳນາດການປົກຄອງບ້ານໂພນຕ້ອງຈອມມະນີ, ບ້ານຮ່ອງໄກ່ແກ້ວ ອອກກວດກາພົບເຫັນຮ້ານກິນດື່ມຈຳນວນ 2 ຮ້ານ ເປີດບໍລິການໃຫ້ລູກຄ້ານັ່ງກິນໃນຮ້ານພ້ອມທັງຂາຍເຄື່ອງດື່ມທີ່ມີທາດເຫຼົ້າ ມີລູກຄ້ານັ່ງກິນດື່ມຈຳນວນ 3 ໂຕະ ຮ້ານອາຫານຕົ້ນ

ຮັກ ຕັ້ງຢູ່ບ້ານຮ່ອງໄກ່ແກ້ວ ກວດກາພາຍໃນຮ້ານພົບເຫັນລູກຄ້າເຂົ້າມາໃຊ້ບໍລິການນັ່ງກິນດື່ມ ຈຳນວນ 4 ໂຕະ ທັງ 2 ຮ້ານແມ່ນຢູ່ເມືອງຈັນທະບູລີ ນວ.
ດັ່ງນັ້ນ, ເຈົ້າໜ້າທີ່ຈຶ່ງໄດ້ນຳເຈົ້າຂອງຮ້ານມາສຶກສາອົບຮົມກ່າວເຕືອນພ້ອມທັງເຮັດບົດບັນທຶກໃຫ້ຢຸດເຊົາ.ໂດຍອີງຕາມແຈ້ງການເລກທີ 014/ສພກ.ນວ ໃນຂໍ້ 2.9

ທີ່ກຳນົດໄວ້ວ່າ: ຫ້າມຈັດງານລ້ຽງສ້າງສັນ ຫຼື ຊຸມແຊວທຸກຮູບແບບ ຢູ່ທຸກສະຖານທີ່ຜູ້ລະເມີດຈະຖືກປັບໄໝ ຫຼື ດຳເນີນຄະດີຕາມລະບຽບກົດໝາຍຢ່າງເຂັ້ມງວດ ແລະ ເດັດຂາດ ແລະ ໃນຂໍ້ 2.10 ກຳນົດໄວ້ວ່າ: ການເປີດຮ້ານອາຫານ, ຮ້ານກາເຟ ທີ່ຢູ່ນອກເຂດ/ບ້ານແດງ ແມ່ນບໍ່ໃຫ້ກາຍ 22:00 ໂມງ ບໍ່ໃຫ້ບໍລິການ

ເຄື່ອງດື່ມທີ່ມີທາດເຫຼົ້າ, ຕ້ອງປະຕິບັດມາດຕະການ ຈັດບ່ອນນັ່ງໃຫ້ຫ່າງກັນ 01 ແມັດຂຶ້ນໄປ, ວັດແທກອຸນຫະພູມ, ລ້າງມືຂ້າເຊື້ອ, ໃສ່ຜ້າອັດປາກ-ດັງ.ຖ້າຫາກທ່ານພົບເຫັນການລະເມີດມາດຕະການ ທ່ານສາມາດແຈ້ງເຈົ້າໜ້າທີ່ບ່ອນທີ່ໃກ້ທີ່ສຸດ ຫຼື ແຈ້ງທາງເບີວອດແອັບ 02028899774