ຂໍ້ມູນການເຄື່ອນໄຫວ ກໍລະນີ ຕ ິ ດ ເຊ ື ້ ອ ໃໝ່ 7 ຄົນ ຢູ່ນະຄອນຫລວງວຽງຈັນ

0
205

ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ພ້ອມດ້ວຍ ທ່ານດຣ. ພອນປະດິດ ສັງໄຊຍະລາດ ຫົວໜ້າສູນວິເຄາະ ແລະ ລະບາດວິທະຍາ ກະຊວງສາທາລະນະສຸກ ໄດ້ຮ່ວມຖະແຫຼງຂ່າວປະຈຳວັນທີ 28 ມິຖຸນາ 2021.ທ່ານ ດຣ. ຣັດຕະນະໄຊ ເພັດສຸວັນ ກ່າວວ່າ: ວັນທີ 27 ມິຖຸນາ 2021 ໄດ້ກວດວິເຄາະທັງໝົດ 1.129 ຄົນ ກວດພົບຜູ້ຕິດເຊື້ອທັງໝົດ 26 ຄົນ, ຈາກນະຄອນຫຼວງ 7 ຄົນ, ຈຳປາສັກ 8 ຄົນ, ສະຫວັນນະເຂດ 4 ຄົນ, ແຂວງວຽງຈັນ 4

ຄົນ, ຫຼວງນ້ຳທາ 2 ຄົນ ແລະ ໄຊຍະບູລີ 1 ຄົນ.ສຳລັບ ນະຄອນຫຼວງວຽງຈັນ 7 ຄົນ, ແຂວງວຽງຈັນ 4 ຄົນ, ຫຼວງນ້ຳທາ 2 ຄົນ ແລະ ໄຊຍະບູລີ 1 ຄົນ ແມ່ນກໍລະນີຕິດເຊື້ອໃນຊຸມຊົນ. ສ່ວນ ແຂວງສະຫວັນນະເຂດ 4 ຄົນ ແລະ ຈຳປາສັກ 8 ຄົນ ແມ່ນກວດພົບຈາກແຮງງານລາວ ທີ່ກັບມາຈາກປະເທດເພື່ອນບ້ານ ໂດຍຖືກຕ້ອງຕາມກົດໝາຍ ເຊິ່ງຖືວ່າ ເປັນກໍລະນີນຳເຂົ້າ.ທ່ານດຣ. ພອນປະດິດ ສັງໄຊຍະລາດ ຫົວໜ້າສູນວິເຄາະ ແລະ ລະບາດວິທະຍາ ກ່າວ່າ: ຂໍ້ມູນ ແລະ ປະຫວັດການເຄື່ອນໄຫວ ກໍລະນີຕິດເຊື້ອໂຄວິດ-19 ໃໝ່ 7 ຄົນ ຢູ່ນະຄອນຫລວງວຽງຈັນ ມີດັາງນີ້:

ກໍລະນີທີ1:ເພດຍິງ ອາຍຸ 53 ປີ, ອາຊີບແມ່ເຮືອນ ຢູ່ບ້ານສີເກີດ ເມືອງນາຊາຍທອງ ແມ່ຜູ້ຕິດເຊື້ອວັນທີ 27 ມິຖຸນາ ວັນທີ17 ມິຖຸນາ ໄປຊື້ນົມຢູ່ຮ້ານ J-mart ແລະ ໄປຊື້ເຄື່ອນຢູ່ຕະຫລາດຂົວດິນ ມີອາການໄຂ້ ກິນຢາໃສ່ແຕ່ບໍ່ດີຂຶ້ນ , ກໍລະນີທີ 2: ເພດຊາຍ ອາຍຸ 3 ປີ ຢູ່ບ້ານສີເກີດ ເມືອງນາຊາຍທອງ ລູກຂອງຜູ້ຕິດເຊື້ອວັນທີ 27 ມິຖຸນາ ບໍ່ມີອາການສະແດງ ໄປບ້ານໂພນເງິນ ເມືອງໂພນໂຮງ ກັບແມ່

ກໍລະນີທີ3:ເພດຍິງ ອາຍຸ 19 ປີ ອາຊີບນັກສຶກສາ ຢູ່ບ້ານສີເກີດ ນາຊາຍທອງ ຫລານສາວຂອງຜູ້ຕິດເຊື້ອວັນທີ 27 ມິຖຸນາ ມີອາການໄຂ້ ຊື້ຢາມາກິນເອງ ໄປເຮັດບົດຢູ່ເຮືອນອາຈານ ບ້ານດອນກອຍ ເມືອງໄຊເສດຖາ ພ້ອມຫມູ່ສອງຄົນ, ກໍລະນີທີ 4: ເພດຍິງ ອາຍຸ 7 ປີ, ອາຊີບນັກຮຽນ ຢູ່ບ້ານສີເກີດ ເມືອງນາຊາຍທອງ ຫລານສາວຂອງຜູ້ຕິດເຊື້ອ ວັນທີ 27 ມິຖຸນາ ວັນທີ 26 ມິຖຸນາ ໄປບ້ານຫົວຊ້າງ ເມືອງນາຊາຍທອງ

ກໍລະນີທີ 5:ເພດຍິງ ອາຍຸ 38 ປີ, ອາຊີບປະຊາຊົນ ຢູ່ບ້ານໂນນສະອາດ ເມືອງໄຊທານີ ວັນທີ 23 ມິຖຸນາ ກິນເຂົ້າຊຸມແຊວກັບຄອບຄົວມີ 8 ຄົນ ວັນທີ 24 ມິຖຸນາ ໄປຕະຫລາດໂນນສະອາດ ເວລາ 8-8:30ໂມງວັນທີ 26 ມິຖຸນາ ໄປຕະຫລາດດົງຫມາກຄາຍ, ເວລາ 14-16 ໂມງ ໄປຕຳຢູ່ທາງເຂົ້າວັດທ່າງ່ອນ ນໍາໝູ່ອີກ 4 ຄົນ

ກໍລະນີທີ6:ເພດຊາຍ ອາຍຸ 67 ປີ ຢູ່ບ້ານໂນນສະອາດ ເມືອງໄຊທານີ ແຕ່ບໍ່ມີອາການຫຍັງ ວັນທີ 25 ມິຖຸນາ ໄປສັກຢາ ແລະ ໃສ່ເລືອດຢູ່ຄລີນິກຫລັກ4 ກໍລະນີທີ7:ເພດຊາຍ ອາຍຸ 7 ປີ ອາຊີບນັກຮຽນ ຢູ່ບ້ານໂນນສະອາດ ເມືອງໄຊທານີ