ສາເຫດໄຟໄໝ້ ຢູ່ເຂດເສດຖະກິດກວມລວມໄຊເສດຖາເສຍຫາຍໜັກ

0
220

ຈາກເຫດການໄຟໄໝ້ ບໍລີສັດທຽນໄທ ລາວອຸດສາຫະກໍາຈໍາກັດ ຕັ້ງຢູ່ບ້ານນາໂນ ເມືອງໄຊເສດຖາ ນະຄອນຫຼວງວຽງຈັນ, ເມື່ອວັນທີ 24 ມິຖຸນາ 2021 ເວລາ 09:00 ໂມງຜ່ານມາ ເຈົ້າໜ້າທີ່ ພະແນກຕໍາຫຼວດສະກັດກັ້ນ ແລະ ຕ້ານອັກຄີໄພ ປກສ ນວໄດ້ຮັບແຈ້ງຈື່ງຮີບຮ້ອນ ປະສານສົມທົບກັບພາກສ່ວນທີ່ກ່ຽວຂ້ອງ ນໍາ

ລົດພາຫະນະມອດໄຟ ທັງໝົດຈໍານວນ 14 ຄັນ, ພ້ອມດ້ວຍພະນັກງານ 50 ກວ່າສະຫາຍ ໂດຍໃຊ້ເວລາ 15 ຊົ່ວໂມງ ຈື່ງສາມາດຄວບຄຸມໄຟໄວ້ໄດ້ ແລະ ອີງຕາມຜົນຂອງການສືບສວນ-ສອບສວນເກັບກໍາຂໍ້ມູນຈາກສະຖານທີ່ເກີດເຫດຕົວຈິງ ຂອງເຈົ້າໜ້າທີ່ ພະແນກຕໍາຫຼວດສະກັດກັ້ນ ແລະ ຕ້ານອັກຄີໄພ ປກສ ນະຄອນຫຼວງ

ວຽງຈັນ, ຈຶ່ງສາມາດຮູ້ໄດ້ວ່າ: ສາເຫດທີ່ແທ້ຈິງຂອງການເກີດອັກຄີໄພ ຄັ້ງນີ້ ແມ່ນເກີດມາຈາກໄຟຟ້າຊ໋ອດເຄື່ອງຈັກໄໝ້ໄຍຜ້າ ແລ້ວລາມໃສ່ສາງເຄື່ອງບັນຈຸວັດສະດຸ, ສົ່ງຜົນເສຍຫາຍມີຕຶກ C ສອງຕຶກກ້ວາງຍາວເທົ່າກັນ 40×15 ແມັດ ແຕ່ບໍ່ສາມາດປະເມີນມູນຄ່າເສຍຫາຍໄດ້.ຜ່ານການເກັບກໍາຂໍ້ມູນ ແລະ ສືບສວນ-ສອບສວນ

ເອົາຄໍາໃຫ້ການຂອງຜູ້ຮັບຜິດຊອບບໍລີສັດທຽນໄທ ລາວອຸດສາຫະກໍາຈໍາກັດ ທ້າວ ຫວາງ ຢວນເຮົ້າ ໄດ້ໃຫ້ການຕໍ່ເຈົ້າໜ້າທີ່ວ່າ: ບໍລິສັດດັ່ງກ່າວແມ່ນຢູ່ໃນຄວາມຮັບຜິດຊອບຂອງຕົນ ສັນຍາສໍາປະທານ 20 ປີ ເຊິ່ງຕົນໄດ້ສ້າງຕັ້ງແຕ່ປີ 2019 ຈົນເຖິງປັດຈຸບັນ,ໄດ້ດໍາເນີນທຸລະກິດ ເປັນໂຮງງານຕັດຫຍິບແຜ່ນພົມ ໂຮງງານດັ່ງ

ກ່າວມີລັກສະນະແອ້ມ ແລະ ມຸງດ້ວຍແຜ່ນອາລູຊິງ ເປັນຕຶກ C ສອງຕຶກ. ໄຟໄໝ້ຍ້ອນຊ່າງໄຟກໍາລັງສະຕາດເຄື່ອງຈັກ ເປີດແບັກເກີຂຶ້ນ ແລະ ໄດ້ກົດປຸ່ມສະຕາດ
ເຄື່ອງຈັກປັ່ນ ຈາກນັ້ນ ໄດ້ມີການຊ໋ອດເຄື່ອງຈັກແລ້ວເກີດໄຟໄໝ້ໄຍຜ້າ ແລ້ວລາມໃສ່ສາງເຄື່ອງບັນຈຸວັດສະດຸ, ພະນັກງານຈຶ່ງໄດ້ຊ່ວຍກັນມອດໄຟ ແຕ່ບໍ່ສາມາດຄວບຄຸມໄດ້ ຈຶ່ງໄດ້ປະສານຫາເຈົ້າໜ້າທີ່ກ່ອນທີ່ຈະດັບມອດໄດ້.