ສຸດຍອດລ້ຽງຫມູ 4-5 ເດືອນ ສ້າງລາຍຮັບໃຫ້ຄອບຄົວໄດ້ 80-90 ລ້ານກີບ

0
133

ຟາມໝູບຸນລົບ ບ້ານປາກງາ​ ເມືອງງອຍ​ ແຂວງຫລວງພະບາງ​ ສ້າງຂຶ້ນໃນປີ 2019.​ ໂດຍການບໍລິຫານຈັດການຟາມຂອງ ທ່ານ​ ບຸນລົບ ສົມພາວັດ ຢູ່ບ້ານດອນເງິນ ເມືອງງອຍ​ ແຂວງຫລວງພະບາງ​ ທີ່ໄດ້ຫັນຈາກອາຊີບການແລ່ນລົດຂົນສົ່ງສິນຄ້າ ໄປຈີນໃນເມື່ອກ່ອນ ມາເຮັດຟາມລ້ຽງໝູ ໂດຍໄດ້ໃຊ້ທຶນຊື້ດິນ​ ຈຳນວນ​ 2​ ເຮັກຕາ,​ ມູນຄ່າ​ 120​ ລ້ານກີບ, ໂດຍໄດ້ສ້າງເຮືອນຫົ່ມເປັນບ່ອນລ້ຽງໝູ ຈຳນວນ​ 2 ຫລັງ, ທີ່ພັກຂອງພະນັກງານ ລວມມູນຄ່າການລົງທຶນ​ ທັງໝົດ 1 ຕື້ກວ່າ

ກີບ,​ ໝູທີ່ນຳມາລ້ຽງແມ່ນໄດ້ເຮັດສັນຍາກັບບໍລິສັດຊີພີ ເປັນຜູ້ສະໜອງໝູພັນ ຈຳນວນ​ 1.​300​ ໂຕຕໍ່ຊຸດ,​ ພ້ອມທັງອາຫານ​ ແລະເຕັກນິກການລ້ຽງ,​ ສ່ວນເຈົ້າຂອງຟາມມີໜ້າທີ່ບຳລຸງຮັກສາໃຫ້ໄດ້ຕາມເປົ້າໝາຍຂອງບໍລິສັດ,​ ຜ່ານການລ້ຽງມາຮອດປັດຈຸບັນ ໄດ້ຂາຍໝູແລ້ວ​ ຈຳນວນ 5​ຊຸດ,​ ຊຸດ1​ ໃຊ້ເວລາລ້ຽງ 4ເດືອນເຄິ່ງ

5ເດືອນ ສາມາດສ້າງລາຍຮັບໄດ້ ປະມານ​ 80-90 ກວ່າລ້ານກີບຕໍ່ຊຸດ.ສຳລັບເຕັກນິກການລ້ຽງ ໃນແຕ່ລະວັນທຸກໆມື້ກໍບໍ່ມີຫຍັງຫລາຍ ພຽງແຕ່ມີການໃຫ້ອາຫານ 1ເທື່ອໃນຕອນເຊົ້າ,​ ກວດກາສຸຂະພາບສັດລ້ຽງປົກກະຕິ ແລະທຳການສັກຢາວັກຊິນປ້ອງກັນພະຍາດ ຊຸດ1​ ຈຳນວນ​ 2ຄັ້ງ,​ ຫ່າງກັນ​ 1ເດືອນ​ ແລະອະນາໄມຄອກ

ໃຫ້ສະອາດຈາກເຊື່ອພະຍາດ.ຜ່ານການລ້ຽງມາຮອດປັດຈຸບັນເຫັນວ່າຊີວິດການເປັນຢູ່​ຂອງຄອບຄົວ​ ມີຊີວິການເປັນຢູ່ດີຂຶ້ນກວ່າແຕ່ກ່ອນ ມີລົດໃຫຍ່ຊົມໃຊ້ ສາມາດສົ່ງລູກໄປຮຽນຢູ່ ສປຈີນ​ 1ຄົນ, ໃນຈຳນວນລູກຂອງລາວ 2ຄົນ​ ແລະໃນແຜນການຕໍ່ໜ້າຖ້າມີເງື່ອນໄຂພຽງພໍດ້ານບຸກຄະລະກອນ ຍັງມີແຜນຈະຂະຫຍາຍເຮືອນຫົ່ມລ້ຽງໝູອີກຕື່ມ 1ຫລັງຕື່ມອີກ.

ທີ່ມາ: ຂ່າວສານຫຼວງພະບາງ