ຂອບ​ໃຈ​ເດີ້ ແຂວງບິ່ງເຢືອງ ແລະ ດົ່ງທາບ ຫວຽດນາມ ມອບ 730 ລ້ານດົງ ໃຫ້ແຂວງຈໍາປາສັກ ສະກັດກັ້ນ ແລະ ປ້ອງກັນໂຄວິດ-19

    0
    120

    ແຂວງບິ່ງເຢືອງ ແລະ ແຂວງດົ່ງທາບ ສສ ຫວຽດນາມ ມອບເງິນ 730 ລ້ານດົງ ໃຫ້ແກ່ ແຂວງຈໍາປາສັກ ເພື່ອປະກອບສ່ວນເຂົ້າໃນການສະກັດກັ້ນ ແລະ ປ້ອງກັນ ການແຜ່ລະບາດຂອງພະຍາດໂຄວິດ-19.

    ພິທີມອບ-ຮັບໃນຄັ້ງນີ້ ມີຂື້ນໃນວັນທີ 25 ມີຖຸນາ 2021, ທີ່ ດ່ານສາກົນພູເກືອ ແຂວງອັດຕະປື. ແຂວງຈຳປາສັກ ໄດ້ຮັບການຊ່ວຍເຫຼືອ ຈາກ ແຂວງບິ່ງເຢືອງ ຈໍານວນ 680.000.000 ດົ້ງ ແລະ ຈາກ ແຂວງດົ່ງທາບ ຈໍານວນ 50.000000 ດົ່ງ. ລວມມູນຄ່າການຊ່ວຍເຫຼືອ ທັງໝົດ 730.000.000 ດົ່ງ. ຕາງໜ້າໃຫ້ ສອງແຂວງ ກ່າວມອບໂດຍ ທ່ານ ນາງ ພິມພາ ແກ້ວມີໄຊ ກົງສຸນໃຫຍ່ ແຫ່ງ ສປປ ລາວ ທີ່ນະຄອນໂຮ່ຈິມິນ, ສສ ຫວຽດນາມ.

    ຕາງໜ້າໃຫ້ແຂວງຈຳປາສັກ ກ່າວຮັບ ການຊ່ວຍເຫຼືອດັ່ງກ່າວ ໂດຍ ທ່ານ ວັນນະສັກ ຊາດຕະກຸນ ຫົວໜ້າພະແນກການຕ່າງປະເທດ ແຂວງຈຳປາສັກ ໂດຍມີພາກສ່ວນທີ່ກ່ຽວຂ້ອງ ເຂົ້າຮ່ວມ.

    ໂອກາດນີ້, ທ່ານ ວັນນະສັກ ຊາດຕະກຸນ ຕາງໜ້າໃຫ້ອົງການປົກຄອງແຂວງຈຳປາສັກ ໄດ້ກ່າວສະແດງຄວາມຂອບໃຈ ຜ່ານກົງສຸນໃຫຍ່ ແຫ່ງ ສປປ ລາວ ທີ່ນະຄອນໂຮ່ຈິມິນ, ສສ ຫວຽດນາມ ເຖິງ ແຂວງບິ່ງເຢືອງ ແລະ ແຂວງດົ່ງທາບ ທີ່ມອບເງິນຊ່ວຍເຫຼືອເຂົ້າໃນການສະກັດກັ້ນ ແລະ ປ້ອງກັນ ການແຜ່ລະບາດຂອງພະຍາດໂຄວິດ-19 ເປັນການປະກອບສ່ວນ ເສີມສ້າງ ມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຂອງສອງພັກ ສອງລັດ ປະຊາຊົນສອງຊາດ ລາວ- ຫວຽດນາມ ເວັ້າລວມ, ເວົ້າສະເພາະແມ່ນ ແຂວງບິ່ງເຢືອງ ແລະ ແຂວງດົ່ງທາບ ສສ ຫວຽດນາມ ກັບແຂວງ ຈຳປາສັກ.

    ຂ່າວ: ທັດຊະນະ