19 ມິຖຸນາ ລາວມີຜູ້ ຕ ິ ດ ເ ຊ ື ້ ອ 3 ຄົນ ໃນນັ້ນ ນວ 2 ຄົນ ພ້ອມສະຖານທີ່ຄວາມສ່ຽງ ທີ່ ຜ ູ ້ ຕ ິ ດ ເ ຊ ື ້ ອເດີນທາງໄປ

0
121

ວັນທີ 19 ມິຖຸນາ 2021 ລາວ ພົບຜູ້ຕິດເຊື້ອ 3 ຄົນ ໃນນັ້ນ ຢູ່ນະຄອນຫຼວງວຽງຈັນ ມີ 2 ຄົນແລະ ແຂວງຈຳປາສັກ 1 ຄົນ ເຮັດໃຫ້ຕົວເລກສະສົມທົ່ວປະເທດ ມີຈຳນວນ ຕົວເລກຕິດເຊື້ອສະສົມທັງໝົດ 2,050 ຄົນ ຄົນ ແລະ ມີຕົວເລກສະສົມຜູ້ເສຍຊີວິດຈຳນວນ 3 ຄົນ.ໃນວັນທີ 19 ມິຖຸນາ 2021 ທ່ານ ດຣ. ສີສະຫວາດ ສຸດທານີລະໄຊ ຮອງຫົວໜ້າກົມ ຄວບຄຸມພະຍາດຕິດຕໍ່ ກະຊວງສາທາລະນະສຸກ, ຕາງໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 ຖະແຫຼງຂ່າວປະຈຳວັນ ທີ່ກະຊວງສາທາລະນະສຸກ.ທ່ານ ດຣ. ດຣ. ສີສະຫວາດ ສຸດທານີລະໄຊ ຮອງຫົວໜ້າກົມ

ຄວບຄຸມພະຍາດຕິດຕໍ່ ໄດ້ກ່າວວ່າ: ມາຮອດປະຈຸບັນ ການເຝົ້າລະວັງຢູ່ຕາມຈຸດຜ່ານແດນໃນຂອບເຂດທົ່ວປະເທດ ວັນທີ 18 ມິຖຸນາ 2021 ມີຜູ້ເດີນທາງເຂົ້າມາ ສປປ ລາວ ມີທັງໝົດ 2.611 ຄົນ ທຸກຄົນໄດ້ຜ່ານການວັດແທກອຸນຫະພູມ ແລະ ບໍ່ພົບຜູ້ມີອາການໄຂ້ ຫຼື ອາການຜິດປົກກະຕິ ແລະ ໄດ້ເຂົ້າຈຳກັດບໍລິເວນຕາມ
ສະຖານທີ່ທີ່ກຳນົດໄວ້. ປັດຈຸບັນ ທົ່ວປະເທດ ມີສູນຈຳກັດບໍລິເວນ ທີ່ຍັງເປີດຢູ່ 42 ສູນ ແລະ ມີຜູ້ຈຳກັດບໍລິເວນ 3,865 ຄົນ. ສຳລັບ ສປປ ລາວ ມາຮອດວັນທີ 18 ມິຖຸນາ 2021: ໄດ້ກວດວິເຄາະທັງໝົດ 1.486 ຄົນ, ໃນນັ້ນ ກວດພົບຜູ້ຕິດເຊື້ອທັງໝົດ 3 ຄົນ, ຈາກນະຄອນຫຼວງ 2 ຄົນ ແລະ ຈຳປາສັກ 1 ຄົນ. ສຳລັບນະຄອນຫຼວງວຽງຈັນ 2 ຄົນ ແມ່ນກໍລະນີຕິດເຊື້ອໃນຊຸມຊົນ ຈາກການສຳຜັດໃກ້ຊິດກັບຜູ້ຕິດເຊື້ອເກົ່າ, ສ່ວນ ແຂວງຈຳປາສັກ 1 ຄົນ ແມ່ນກວດພົບ

ຈາກແຮງງານລາວ ທີ່ກັບມາຈາກປະເທດໄທ ໂດຍຖືກຕ້ອງຕາມກົດໝາຍ ເຊິ່ງຖືວ່າ ເປັນກໍລະນີນຳເຂົ້າ, ດັ່ງນັ້ນ, ຕົວເລກຕິດເຊື້ອສະສົມທັງໝົດ 2.050 ຄົນ (ໃໝ່3); ເສຍຊີວິດສະສົມ 3 ຄົນ; ປິ່ນປົວຫາຍດີສະສົມ 1,935 ຄົນ (ໃໝ່ 4); ກຳລັງປິ່ນປົວ 112 ຄົນ.ທ່ານກ່າວວ່າ: ສະເພາະກ່ຽວກັບ 2 ຄົນ ທີ່ຕິດເຊື້ອໃໝ່ ໃນນະຄອນຫຼວງວຽງຈັນ, ດັ່ງຕໍ່ໄປນີ້: ຄົນທີ 1: ເພດຍິງ, ອາຍຸ 66 ປີ, ສັນຊາດລາວ, ອາຊີບ: ແມ່ເຮືອນ, ບ້ານຫ້ວຍເຕີຍ, ເມືອງໄຊທານີ, ນະຄອນຫຼວງວຽງຈັນ, ຜູ້ກ່ຽວມີ ໄອ, ເຈັບຄໍ, ຂີ້ກະເທີ່ ແລະ ເມື່ອຍ, ມີປະຫວັດສໍາຜັດໃກ້ສິດກັບຜູ້ຕິດເຊື້ອ, ໄປເກັບຕົວຢ່າງ ໃນວັນທີ 18 ມີຖຸນາ 2021 ຢູ່

ໂຮງໝໍມິດຕະພາບ ແລະ ຜົນກວດພົບເຊື້ອ ແລະ ຄົນທີ 2 ເພດຍິງ, ອາຍຸ 22 ປີ, ສັນຊາດລາວ, ອາຊີບ: ຫວ່າງງານ, ບ້ານໂພນສີນວນ, ເມືອງສີສັດຕະນາກ, ນະຄອນຫຼວງວຽງຈັນ, ຜູ້ກ່ຽວບໍ່ມີອາການຫຍັງ, ມີປະຫວັດສໍາຜັດໃກ້ສິດກັບຜູ້ຕິດເຊື້ອ, ໄປເກັບຕົວຢ່າງ ໃນວັນທີ 18 ມີຖຸນາ 2021 ຢູ່ບ້ານໂພນສີນວນ ແລະ ຜົນກວດພົບເຊື້ອ.ເຂດສ່ຽງ/ສະຖານທີ ທີ່ຜູ້ຕິດເຊື້ອໄດ້ເດີນທາງໄປ ວັນທີ 12/06/2021: ໄດ້ໄປເອົາຜົມອອກ ເພື່ອຈະຕໍ່ຜົມ ຢູ່ຮ້ານ LUCKY HAIR SALON ຕັ້ງຢູ່ບ້ານໂພນສີນວນ ວັນທີ 13/06/2021 ເວລາ 14:00-18:00 ໂມງ: ໄດ້ໄປຕໍ່ຜົມ ຢູ່ຮ້ານ LUCKY HAIR SALON ຕັ້ງຢູ່ບ້ານໂພນສີນວນ; ວັນທີ 14/06/2021 ເວລາ 15:30-17:30 ໂມງ: ຜູ້ກ່ຽວໄປກອງຄະດີ ຢູ່ບ້ານສົມສະຫງ່າ, ເມືອງໄຊເສດຖາ.

ສຳລັບສະຖານທີ່ ເກັບຕົວຢ່າງ ເພື່ອກວດຫາເຊື້ອ ພະຍາດໂຄວີດ-19 ມີດັ່ງນີ້:ສຳລັບນະຄອນຫຼວງວຽງຈັນ ມີ 5 ໂຮງໝໍສູນກາງ ແລະ ໂຮງໝໍ 103 ສູນກາງກອງທັບ, ຈຸດກວດນອກສະຖານທີ່ ຢູ່ ໂຮງຮຽນ ສີໂຄດ ໃຫ້ບໍລິການ ເກັບຕົວຢ່າງ 9-12 ໂມງ ທຸກມື້ (ວັນຈັນ ເຖີງ ວັນອາທິດ) ແລະ ຖ້າມີກໍລະນີບວກ (+) ໃໝ່ ຢູ່ບ້ານໃດ ຈະມີທີມງານເຄື່ອນທີ່ໄປເກັບຕົວຢ່າງຜູ້ສຳພັດໃກ້ຊິດ ໃນຈຸດ ທີ່ມີກໍລະນີຜູ້ຕິດເຊື້ອໃໝ່ ປະຈຸບັນ ຈຳນວນບ້ານແດງ ໃນນະຄອນຫຼວງວຽງຈັນ ແມ່ນມີ 15 ບ້ານ ໃນ 05 ເມືອງ. ບ້ານໃໝ່ທີ່ຖືກກຳນົດເປັນເຂດແດງ ມີ 1 ບ້ານ ຄື: ບ້ານໜອງດ້ວງ, ເມືອງສີໂຄດຕະບອງ.

ທ່ານກ່າວຕື່ມວ່າ: ທ່າອ່ຽງຂອງການແຜ່ລະບາດ ໃນ ສປປ ລາວ ເຮົາ ຍັງຄົງໜ້າເປັນຫ່ວງ, ຕ້ອງໄດ້ຕິດຕາມສະພາບການຢ່າງໃກ້ຊິດ ເນື່ອງຈາກຍັງສືບຕໍ່ມີລາຍງານກໍລະນີໃໝ່ເພິ່ມຂຶ້ນໃນແຕ່ລະວັນ; ປະຈຸບັນນີ້ ປະຊາຊົນບັນດາເຜົ່າ ໃຫ້ຄວາມສົນໃຈໃນການສັກວັກຊີນເປັນຈຳນວນຫຼວງຫຼາຍ, ບາງຈຸດບໍລິການສັກວັກຊີນ ສ່ວນໃຫຍ່ ກໍ່ເປັນລະບຽບຮຽບຮ້ອຍ ແຕ່ມີບາງຈຸດບໍລິການ ມີຄວາມແອອັດ ເພາະບໍ່ສາມາດຮັກສາໄລຍະຫ່າງ ເຊິ່ງມີຄວາມສ່ຽງສູງໃນການແຜ່ເຊື້ອໄປສູ່ຄົນອ້ອມຂ້າງ ແລະ ຜູ້ທີ່ມາໃຊ້ບໍລິການຢູ່ຈຸດດັ່ງກ່າວ. ດັ່ງນັ້ນ, ຈຶ່ງສະເໜີໃຫ້ ອຳນາດການປົກຄອງບ້ານ ແລະ ທຸກພາກສ່ວນວາງມາດຕະການ ໃນການຈັດແຖວໂດຍຮັກສາໄລຍະຫ່າງ ແລະ

ແຈ້ງໃຫ້ຮູ້ຈຳນວນບັດຄິວ ທີ່ສາມາດຮັບໄດ້ໃນແຕ່ລະຄັ້ງ (ເຊົ້າ-ແລງ), ສຳຄັນ ແມ່ນໃຫ້ແຍກລະຫວ່າງ ຜູ້ທີ່ມາສັກເຂັມທີ 2, ກຸ່ມຜູ້ສູງອາຍຸ ແລະ ຄົນທົ່ວໄປ ທີ່ມາສັກເຂັມທີ 1 ອອກຈາກກັນ ຫຼື ແຈ້ງໃຫ້ຮູ້ວ່າ ຈຸດໃດ ແມ່ນສຳລັບສັກເຂັມທີ 1 ແລະ 2 ເພື່ອບໍ່ໃຫ້ມີການສົນລະວົນ ດັ່ງທີ່ພວກເຮົາເຫັນໃນໄລຍະຜ່ານມາ; ສະນັ້ນ, ຂໍຮຽກຮ້ອງ ມາຍັງ ພໍ່ແມ່, ພີ່ນ້ອງ, ປະຊາຊົນ ແລະ ທຸກພາກສ່ວນໃນສັງຄົມ ເອົາໃຈໃສ່ປະຕິບັດມາດຕະການທີ່ຄະນະສະເພາະກິດວາງອອກ ຢ່າງເຄັ່ງຄັດ ແລະ ສະໝ່ຳສະເໝີ, ຮັກສາໄລຍະຫ່າງທາງສັງຄົມ, ສວມໃສ່ຜ້າປິດ-ດັງ, ໝັ່ນລ້າງມືເລື້ອຍໆ ດ້ວຍນ້ຳສະອາດໃສ່ສະບູ ຫຼື ເຈວເຫຼົ້າ 70 % ຂຶ້ນໄປ ເຊິ່ງການປະຕິບັດທັງໝົດນີ້ ກໍ່ແມ່ນເພື່ອປ້ອງກັນ ການແຜ່ລະບາດຂອງພະຍາດໂຄວິດ-19 ບໍ່ໃຫ້ຂະຫຍາຍເປັນວົງກວ້າງ.