ນະຄອນຫຼວງວຽງຈັນມີແຜນສືບຕໍ່ສັກວັກຊິນປ້ອງກັນພະຍາດໂຄວິດ ເປັນແຕ່ລະໄລຍະ

    0
    179

    ປັດຈຸບັນການສັກຢາວັກຊິນໃນນະຄອນຫຼວງວຽງຈັນແມ່ນເປັນທີ່ຕ້ອງການຂອງປະຊາຊົນເປັນຈຳນວນຫຼາຍຜ່ານມາເຮັດໃຫ້ບາງຈຸດໃຫ້ບໍລິການສັກວັກຊິນມີຄວາມແອອັດ,ສັບສົນຫຼາຍ ແລະ ເກີດມີຫາງສຽງໃນສັງຄົມເນື່ອງຈາກວ່າຢູ່ນະຄອນຫຼວງວຽງຈັນຍັງມີການແຜ່ລະບາດຂອງພະຍາດໂຄວິດ-19 ຢູ່ພາຍໃນຊຸມຊົນແລະ ມີແຜນສືບຕໍ່ສັກວັກຊິນໃຫ້ປະຊາຊົນເປັນແຕ່ລະໄລຍະ.

    ທ່ານ ບຸນທະວີ ເດດບັນດິດ ຮອງຫົວໜ້າພະແນກສາທາລະນະສຸກນະຄອນຫຼວງວຽງຈັນ ໄດ້ໃຫ້ສຳພາດຕໍ່ສື່ມວນຊົນຜ່ານລາຍການ ຮອບເມືອງເລື່ອງໂຄວິດ-19 ທີ່ໂທລະພາບ ແຫ່ງຊາດລາວ ເມືອວັນທີ 18 ມິຖຸນາ ຜ່ານມາ ກ່ຽວກັບວຽກງານການໃຫ້ວັກຊິນປ້ອງກັນພະຍາດໂຄວິດ-19ໃນນະຄອນຫຼວງວຽງຈັນວ່າ: ການຈັດຕັ້ງປະຕິບັດສັກວັກຊິນຮອບທີ2ເຂັມທີ1ແມ່ນໄດ້ເລີ່ມແຕ່ວັນທີ15-25ມິຖຸນາ2021ນີ້ ຊຶ່ງຈະມີແຜນສັກວັກຊິນໃຫ້ປະຊາຊົນເປັນແຕ່ະໄລຍະ,ປັດຈຸບັນແມ່ນມີວັກຊິນ 3 ຊະນິດຄື:

    ຊີໂນຟາມ(Sinopharm),ແອັດສຕາຊີເນກາ(AstraZeneca)ແລະໄຟເຊີ(Pfizer),ໂດຍສະເພາະແມ່ນວັກຊິນPfiZerປະຊາຊົນໃຫ້ຄວາມສົນໃຈຢາກສັກຢາຊະນິດນີ້ເຮັດໃຫ້ເກີດມີບາງຈຸດໃຫ້ບໍລິການຢູ່ໃນນະຄອນຫຼວງວຽງຈັນແອອັດແລະສັບສົນຜ່ານມາ,ຢາຊະນິດນີ້ແມ່ນສັກໃຫ້ກຸ່ມຄົນສູງອາຍຸ 60 ປີຂຶ້ນໄປແລະ ຜູ້ມີພະຍາດຊ້ຳເຮື້ອ.

    ສຳລັບການກະກຽມໃຫ້ວັກຊິນປ້ອງກັນໂຄວິດ-19ໃນເບື້ອງຕົ້ນໄດ້ມີແຈ້ງການລົງຫາບ້ານເພື່ອຂຶ້ນບັນຊີກຸ່ມເປົ້າໝາຍດັ່ງກ່າວເພື່ອໃຫ້ປະຊາຊົນໄດ້ເຂົ້າເຖິງການບໍລິການ ແລະ ມີການຈັດສັນໃຫ້ໄປຕາມຈຸດທີ່ທາງພະແນກສາທາລະນະສຸກກຳນົດໄວ້ໃນນະຄອນຫຼວງວຽງຈັນຊຶ່ງມີຈຸດໃຫ້ບໍລິການວັກຊິນ 24 ຈຸດ ໃນ 9 ຕົວເມືອງ ແລະ ມີຄວາມພ້ອມໃນດ້ານຕ່າງໆ,ການສະໜອງໃຫ້ຢາວັກຊິນປ້ອງກັນໂຄວິດ-19 ປະຊາຊົນນະຄອນຫຼວງວຽງຈັນ ສັກໄປແລ້ວເຂັມທີ 1 ໄດ້ 260.000ຄົນ,ຊຶ່ງຕັ້ງເປົ້າໝາຍໄວ້ 80%ເປັນຢ່າງຕ່ຳ,ຜູ້ທີ່ມີ ອາຍຸ 18 ຂຶ້ນໄປໃຫ້ໄດ້ 600.000 ກວ່າໂດສແລະຖ້າຫາກສັກວັກຊິນSinopharmແລະPfiZerສຳເລັດຈະໄດ້ເພີ່ມອີກ 53.000 ຄົນໃນນະຄອນຫຼວງວຽງຈັນ ແລະ ມີແຜນສັກວັກຊິນຊີໂນຟາມຕໍ່ຈາກໄລຍະກ່ອນສືບຕໍ່ສັກໄປເລື້ອຍໆ,ຖ້າຫາກສັກໄດ້ໝົດທັງວັກຊິນAstrazenecaຈະໄດ້ຢູ່ 500.000 ຄົນ ແລະ ປັດຈຸບັນເປັນໂອກາດດີແກ່ສັງຄົມຢາວັກຊິນSinoPharm ແມ່ນໄດ້ຖືກຄົ້ນຄ້ວາຈາກ ສປຈີນໄດ້ສັກໃຫ້ຜູ້ມີອາຍຸ 18 ປີຂຶ້ນໄປ,ຜູ້ສູງອາຍຸ ແລະ ຜູ້ມີພະຍາດຊ້ຳເຮື້ອມາແລ້ວບໍ່ມີຜົນຂ້າງຄຽງແລະຜິດປົກກະຕິຫຍັງ,ສະນັ້ນອົງການອະນາໄມໂລກແລະກະຊວງສາທາລະນາສຸກຈຶ່ງເຫັນດີໃຫ້ຜູ້ມີອາຍຸ18 ຂຶ້ນໄປ,ຜູ້ສູງອາຍຸ 60 ປີ ຂຶ້ນໄປແລະ ມີພະຍາດຊ້ຳເຮື້ອສາມາດເຂົ້າຮັບສັກຢາວັກຊິນຊະນິດດັ່ງກ່າວໄດ້ເຊັ່ນກັນ.

    ສະນັ້ນຮຽກຮ້ອງມາຍັງປະຊາຊົນຈົ່ງຮິບຮ້ອນຕື່ນຕົວເຂົ້າຫາການບໍລິການສັກຢາວັກຊິນປ້ອງກັນພະຍາດໂຄວິດ-19ຕາມສະຖານທີທີ່ກຳນົດໄວ້,ທ່ານໄດ້ຮັບການສັກຢາຄົບ 2 ເຂັມເທົ່ານັ້ນຈຶ່ງສາມາດມີພູມຄຸມກັນໄດ້ຖ້າທ່ານມີພູມຄຸ້ມກັນທາງແພດໝໍກໍມີຄວາມອຸ່ນໃຈແລະທ່ານຈະມີຄວາມປອດໄພຈາກການຕິດເຊື້ອພະຍາດໂຄວິດ-19.

    ທ່ານກ່າວອີກວ່າ:ຖ້າຫາກບ່ອນໃດຈຸດໃດການບໍລິການໃຫ້ວັກຊິນມີຄົນແອອັດແລະສັບສົນຫຼາຍໃຫ້ຫຼີກລ້ຽງສາກ່ອນແລະຮຽກຮ້ອງໃຫ້ປະຊາຊົນຖ້າບໍ່ຈຳເປັນບໍ່ຄວນອອກຈາກບ້ານເຮືອນ,ຖ້າອອກຈາກບ້ານເຮືອນຕ້ອງປະຕິບັດມາດຕະການປ້ອງກັນໂຄວິດ19ຢ່າງເຂັ້ມງວດ,ໃສ່ຜ້າປິດປາກດັງ,ໃຊ້ເຈວລ້າງມື,ລ້າງມືດ້ວຍນ້ຳສະອາດແລະຮັກສາໄລະຫ່າງ1-2 ແມັດຂຶ້ນໄປ. (ຂ່າວ-ພາບ: ວັນເພັງ)