ເມືອງຫົງສາ ໄດ້ຮັບຜົນເສຍຫາຍຈາກໄພນ້ຳຖວ້ມ 191 ລ້ານກວ່າກີບ

0
74

ເມືອງຫົງສາ ໄດ້ຮັບຜົນເສຍຫາຍຈາກໄພນ້ຳຖວ້ມ 191 ລ້ານກວ່າກີບຂປລ. ຕາມການລາຍງານຂອງຄະນະກຳມະການປ້ອງກັນ ແລະ ຄວບຄຸມໄພພິບັດຂັ້ນເມືອງ ເມືອງຫົງສາ ແຂວງໄຊຍະບູລີ ໃນວັນທີ 18 ມິຖຸນາ 2021 ນີ້ວ່າ: ເນື່ອງຈາກມີຝົນຕົກຕິດຕໍ່ກັນຫລາຍວັນ ແລະ ຕົກໜັກຫລາຍຊົ່ວໂມງ ນັບແຕ່ວັນທີ 12-14

ມິຖຸນາ ຜ່ານມາ ເຮັດໃຫ້ແມ່ນຳ ແລະ ນ້ຳຫ້ວຍຫລາຍສາຍ ໄຫລເຂົ້າຖ້ວມບ້ານເຮືອນ ແລະ ເນື້ອ ທີ່ທຳການຜະລິດຂອງປະຊາຊົນ ຢູ່ເມືອງຫົງສາ ລວມເສຍຫາຍ ທັງໝົດ 191 ລ້ານກວ່າກີບ.ທົ່ວເມືອງຫົງສາ ມີ 10 ບ້ານທີ່ຖືກຜົນກະທົບ ໃນນັ້ນມີ: ບ້ານສີບຸນເຮືອງ, ຫ້ວຍຈ້ວງ, ໂພນສູງ, ໂພນໄຊ, ສີມຸງຄຸນ, ນາປຸ່ງ,

ບ້ານເມືອງຫານ, ວຽງແກ້ວ, ນາແກ່ນຄຳ ແລະ ບ້ານແທ່ນຄຳ, ເນື້ອທີ່ນາເສຍຫາຍທີ່ບໍ່ສາມາດເອົາຄືນໄດ້ 1,62 ເຮັກຕາ, ພືດຜັກເສຍຫານ 2 ເຮັກຕາກວ່າ

ແລະ ເຂົ້າໄຮ່ ເສຍຫາຍຈຳນວນໜຶ່ງ, ຄອງເໝືອງເບຕົງຂາດ 30 ແມັດ, ຊົົນລະປະທານຝາຍປະຖົມປະຖານ 1 ແຫ່ງ ແລະ ດິນເຈື່ອນທັບເຮືອນ 1 ຫລັງ ແລະ

ສັດລ້ຽງເສຍຫາຍຈຳນວນໜຶ່ງ.ຕໍ່ກັບເຫດການດັ່ງກ່າວ, ຄະນະກໍາມະການປ້ອງກັນ ແລະ ຄວບຄຸມໄພພິບັດຂັ້ນເມືອງ ໄດ້ສົມທົບກັບ ບັນດາຂະແໜງການທີ່ກ່ຽວ ກໍໄດ້ໃຫ້ການຊ່ວຍເຫລືອ ໂດຍນຳໃຊ້ທ່າແຮງທີ່ມີ ເພື່ອບັນເທົາທຸກແກ່ປະຊາຊົນທີ່ໄດ້ຮັບຜົນກະທົບ ທັງໄລຍະສຸເສີນ ແລະ ການຟື້ນຟູຫລັງໄພພິບັດ.

ພາບ-ຂ່າວ: ກິດຕິສັກ ບົວໄລ