ທະຫານແຂວງໄຊຍະບູລີ ລົງຊ່ວຍເຫລືອປະຊາຊົນ ທີ່ໄດ້ຮັບຜົນກະທົບຈາກໄພນ້ຳຖ້ວມຢ່າງຮີບດ່ວນ

0
60

ທະຫານແຂວງໄຊຍະບູລີ ລົງຊ່ວຍເຫລືອປະຊາຊົນທີ່ໄດ້ຮັບຜົນກະທົບຈາກໄພນ້ຳຖ້ວມຢ່າງຮີບດ່ວນຂປລ. ໃນວັນທີ 13-14 ມິຖຸນາ 2021 ໄດ້ເກີດມີຝົນຕົກໜັກຫລາຍຊົ່ວໂມງຕິດຕໍ່ກັນ ໄດ້ເຮັດໃຫ້ແມ່ນໍ້າຮຸ່ງ ບວກກັບນໍ້າຫ້ວຍຮ່ອງຄອງບຶງ ແລະ ສາຍນໍ້າຕ່າງໆ ໄຫລເຂົ້າຖ້ວມຕົວເມືອງໄຊຍະບູລີ, ເປັນຕົ້ນແມ່ນ ເຂົ້າຖ້ວມ

ບ້ານເຮືອນ, ຮ້ານຄ້າ, ຕະຫລາດ, ໂຮງຮຽນ ແລະ ພື້ນທີ່ທຳການຜະລິດ ຂອງພໍ່ແມ່ປະຊາຊົນ ທົ່ວເມືອງໄຊຍະບູລີ.ຕໍ່ກັບສະພາບການດັ່ງກ່າວ, ກອງບັນຊາການທະຫານ ແຂວງ ໄຊຍະບູລີ ໄດ້ນໍາເອົາກຳລັງອ້າຍນ້ອງຂອງຕົນ 400 ສະຫາຍ, ກອງພົນທະຫານຮາບທີ 2 ຈໍານວນ 300 ສະຫາຍ, ກອງບັນຊາການ ປກສ ແຂວງ

350 ສະຫາຍ, ຊາວໝຸ່ມອົງການອ້ອມຂ້າງແຂວງ 360 ສະຫາຍ, ລົງໃຫ້ການຊ່ວຍເຫລືອພໍ່ແມ່ປະຊາຊົນແຕ່ລະບ້ານ ທີ່ໄດ້ຮັບຜົນກະທົບໃນເບື້ອງຕົ້ນຢ່າງຮີບດ່ວນ, ໂດຍການຂົນ ເຄື່ອງຂອງຕ່າງໆ ອອກຈາກເຮືອນໄປໄວ້ທີ່ສູງ, ໂດຍສະເພາະແມ່ນລົດລາງພາຫະນະ, ເຄື່ອງໃຊ້ໄຟຟ້າ, ສັດລ້ຽງ ແລະ ອື່ນໆ ທີ່ມີຄວາມຈໍາເປັນ. ນອກ

ນັ້ນ, ຍັງຊ່ວຍພໍ່ແມ່ປະຊາຊົນຂົນດິນຊາຍ ໃສ່ເປົາລຽນໃສ່ໜ້າບ້ານ ເພື່ອປ້ອງກັນບໍ່ໃຫ້ນໍ້າໄຫລເຂົ້າຖ້ວມເຮືອນ.ມາຮອດປັດຈຸບັນ ກໍາລັງ ປກຊ-ປກສ ແລະ ພາກສ່ວນຕ່າງໆ ຍັງສືບຕໍ່ຊ່ວຍເຫລືອຄອບຄົວພໍ່ແມ່ປະຊາຊົນ ມ້ຽນມັດເຄື່ອງຂອງ, ອະນາໄມເຮືອນຊານບ້ານຊອງ, ສະຖານທີ່ຕ່າງໆ ເພື່ອໃຫ້ກັບເຂົ້າສູ່ພາບປົກກະຕິ.

ຂໍ້ມູນ-ພາບ: ເວບໄຊ ກປທ