ອົງການປົກຄອງແຂວງບໍລິຄຳໄຊ ມອບຊີມັງ 60 ໂຕນ ໃຫ້ໂຄງການເສັ້ນທາງເບຕົງຮ່ວມໃຈ 3 ບ້ານເທສະບານເມືອງບໍລິຄັນ

0
86

ອົງການປົກຄອງແຂວງບໍລິຄຳໄຊ ມອບຊີມັງ 60 ໂຕນໃຫ້ໂຄງການເສັ້ນທາງເບຕົງຮ່ວມໃຈ 3 ບ້ານເທສະບານເມືອງບໍລິຄັນຂປລ. ແຫລ່ງຂ່າວຈາກແຂວງບໍລິຄຳໄຊ ໃຫ້ຮູ້ວ່າ: ເມື່ອບໍ່ດົນມານີ້, ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ພ້ອມຄະນະ ໄດ້ຕາງໜ້າໃຫ້ຄະນະພັກ, ຄະນະປົກຄອງແຂວງ ມອບຊີມັງຈຳນວນ 60

ໂຕນ ມູນຄ່າ 37 ລ້ານກວ່າກີບ ໃຫ້ອຳນາດການປົກຄອງບ້ານນາແຫນ, ວັດທາດ ແລະ ບ້ານ ໂພນມຸງຄຸນ ເມືອງບໍລິຄັນ ເພື່ອປະກອບສ່ວນເຂົ້າໃນໂຄງການກໍ່ສ້າງເສັ້ນທາງເບຕົງຮ່ວມໃຈ 3 ບ້ານເທສະບານເມືອງບໍລິຄັນໂຄງການກໍ່ສ້າງເສັ້ນທາງເບຕົງຮ່ວມໃຈ 3 ບ້ານເທສະບານເມືອງບໍລິຄັນຄື: ບ້ານນາແຫນ, ວັດທາດ ແລະ

ບ້ານໂພນມຸງຄຸນ ໄດ້ເລີ່ມຕົ້ນຈັດຕັ້ງປະຕິບັດມາຕັ້ງແຕ່ວັນທີ 4 ມິຖຸນາ 2021 ໂດຍແມ່ນທຶນສົມທົບລະຫວ່າງອົງການປົກເມືອງ, ພໍ່ແມ່ປະຊົນ ແລະ ທຸກພາກສ່ວນໃນສັງຄົມ, ເຊິ່ງມີໄລຍະທາງທັງໝົດ 1.600 ແມັດ, ກວ້າງ 6 ແມັດ ແລະ ມີຄວາມໜາ 15 ຊັງຕີແມັດ. ໃນນັ້ນ, ບ້ານນາແຫນ ໄລຍະທາງຍາວ 390

ແມັດ, ບ້ານ ວັດທາດ 290 ແມັດ ແລະ ບ້ານໂພນມຸງຄຸນ 920 ແມັດ. ສຳລັບການຈັດຕັ້ງປະຕິບັດ ບັນດາໜ້າວຽກ ແມ່ນມີພະນັກງານກອງກໍ່ສ້າງຮາກຖານປະຈຳກກຸ່ມເທສະບານ ແລະ ພະນັກງານວິຊາການຫ້ອງການ ໂຍທາທິການ ແລະ ຂົນສົ່ງເມືອງຊຸກຍູ້, ຕິດຕາມ ທາງດ້ານເຕັກນິກວິຊາການ, ສ່ວນແຮງງານການກໍ່ສ້າງ

ແມ່ນປະຊາຊົນພາຍໃນບ້ານ, ມາຮອດປັດຈຸບັນ ບ້ານນາແຫນ ສາມາດສ້າງສໍາເລັດ 100 ກວ່າແມັດ, ບ້ານວັດທາດ ແລະ ບ້ານ ໂພນມຸງຄຸນ ຈະໄດ້ເລີ່ມລົງມືປະຕິບັດໃນກາງເດືອນ ມິຖຸນາ 2021 ນີ້.
ຂ່າວ-ພາບ: ສາຍສະໝອນ