ການລັກລອບເຂົ້າລາວ ຈາກປະເທດໃກ້ຄຽງທີ່ການ ລ ະ ບ າ ດ ຂອງ ພ ະ ຍ າ ດ ໂ ຄ ວ ິ ດ ເປັນປັດໃຈສ່ຽງ ອາດມີການລະບາດຮອບໃໝ່ໃນລາວ

0
121

ສູນຂ່າວສານ​ການ​ແພດ​ສຸຂະ​ສຶກສາ​ ລາຍງານວ່າ: ຜົນຂອງການປະເມີນຄວາມສ່ຽງສະພາບການລະບາດຂອງພະຍາດໂຄວິດ-19 ໃນ ສປປ ລາວ ຈາກຄະນະສະເພາະກິດເຫັນວ່າ ຍັງມີສິ່ງທ້າທາຍຫຼາຍອັນທີ່ເຮັດໃຫ້ປະເທດເຮົາຍັງມີຄວາມສ່ຽງສູງ ເຖິງວ່າການລະບາດພາຍໃນປະເທດມີທ່າອ່ຽງຫຼຸດລົງກໍຕາມ.

ປັດໄຈໜຶ່ງແມ່ນການລັກລອບເຂົ້າ ສປປ ລາວ ຈາກປະເທດເພື່ອນບ້ານທີ່ມີຊາຍແດນຕິດຈອດກັບປະເທດຂອງເຮົາ. ປະເທດເພື່ອນບ້ານຍັງສືບຕໍ່ມີການລະບາດໃນຊຸມຊົນເປັນວົງກ້ວາງ ແລະ ມີການຢັ້ງຢືນການພົບໄວຣັສສາຍພັນຕ່າງໆເຊິ່ງເຮັດໃຫ້ພະຍາດໂຄວິດ-19 ສາມາດແຜ່ລາມໄດ້ໄວ, ມີຜູ້ຕິດເຊື້ອ ແລະ ຜູ້ເສຍຊີວິດ

ຈຳນວນຫຼາຍ. ຄະນະສະເພາະກິດໄດ້ຕິດຕາມສະຖານະການທັງພາຍໃນ ແລະ ຕ່າງປະເທດຢ່າງໃກ້ຊິດ ເພື່ອສຸມກຳລັງແກ້ໄຂການລະບາດພາຍໃນປະເທດຂອງເຮົາ ແລະ ເພື່ອປ້ອງກັນບໍ່ໃຫ້ເກີດມີການລະບາດຮອບໃໝ່ອີກ. ການມີສ່ວນຮ່ວມຂອງທຸກຄົນໃນສັງຄົມ, ທຸກສາຂາອາຊີບ, ທຸກເພດ ແລະ ທຸກໄວ ໃນການສະກັດກັ້ນ ແລະ

ລາຍງານການລັກລອບເຂົ້າປະເທດທີ່ຜິດກົດໝາຍຂອງບຸກຄົນໃດໜຶ່ງ ຫຼື ກຸ່ມຄົນໃດໜຶ່ງຕໍ່ເຈົ້າໜ້າທີ່ ເປັນອີກໜຶ່ງທາງທີ່ຈະຊ່ວຍຫຼຸດຜ່ອນຄວາມສ່ຽງຕໍ່ການເກີດການລະບາດຮອບໃໝ່ໃນປະເທດເຮົາໄດ້.ເພື່ອເຮັດໃຫ້ມີການສູນເສຍໜ້ອຍທີ່ສຸດ ແລະ ເຮັດໃຫ້ປະເທດຂອງເຮົາໄດ້ກັບຄືນມາສູ່ສະພາບປົກກະຕິໂດຍໄວ ທຸກພາກສ່ວນຕ້ອງຮ່ວມແຮງຮ່ວມໃຈກັນ