ແຂວງຊຽງແຕງ ຣາຊະອານາຈັກກໍາປູເຈຍ ມອບເຄື່ອງ ຊ່ວຍເຫລືອໃຫ້ ແຂວງຈໍາປາສັກ ເພື່ອຕ້ານພ ະ ຍ າ ດ ໂ ຄ ວ ິ ດ

0
110

ແຂວງຊຽງແຕງ ຣາຊະອານາຈັກກໍາປູເຈຍ ມອບເຄື່ອງ ຊ່ວຍເຫລືອໃຫ້ ແຂວງຈໍາປາສັກ ເພື່ອຕ້ານ ພ ະ ຍ າ ດ ໂ ຄ ວ ິ ດ ຂປລ. ແຂວງຊຽງແຕງ ຣາຊະອານາຈັກກໍາປູເຈຍ ມອບເຄື່ອງອຸປະໂພກ-ບໍລິໂພກ, ອຸປະກອນການແພດ ໃຫ້ແຂວງຈໍາປາສັກ ເພື່ອຮັບໃຊ້ເຂົ້າໃນວຽກງານສະກັດກັ້ນ ແລະ ແກ້ໄຂ ການລະບາດຂອງພ ະ ຍ າ ດ ໂ ຄ ວ ິ ດ ມູນຄ່າ 128 ລ້ານກວ່າກີບ.ພິທີ ມອບ-ຮັບ ດັ່ງກ່າວ, ໄດ້ມີຂຶ້ນໃນວັນທີ 9 ມິຖຸນາ 2021 ທີ່ດ່ານສາກົນໜອງນົກຂຽນ ແຂວງຈຳປາສັກ ສປປ ລາວ – ດ່ານສາກົນ ຕະປຽງກຣຽນ ແຂວງຊຽງແຕງ ຣາຊະອານາຈັກກໍາປູເຈຍ. ຝ່າຍແຂວງຊຽງແຕງ ຣາຊະອານາຈັກກໍາປູເຈຍ ນຳໂດຍ

ທ່ານ ມົມ ຊາເຣືອນ ເຈົ້າແຂວງຊຽງເເຕງ ພ້ອມດ້ວຍຄະນະ, ແຂວງຈຳປາສັກ ສປປ ລາວ ນຳໂດຍ ທ່ານ ວິໄລວົງ ບຸດດາຄຳ ເຈົ້າແຂວງຈໍາປາສັກ, ມີ ທ່ານຮອງເຈົ້າແຂວງ, ທ່ານກົງສຸນໃຫຍ່ແຫ່ງ ແຫ່ງ ສປປ ລາວ ປະຈຳແຂວງຊຽງແຕງ ຣາຊະອານາ ຈັກກໍາປູເຈຍ, ທ່ານກົງສຸນໃຫຍ່ ແຫ່ງ ຣາຊະອານາຈັກກໍາປູເຈຍ ປະຈໍາແຂວງຈໍາປາສັກ, ມີ ຄະນະຄຸ້ມຄອງດ່ານ, ຄະນະຜູ້ແທນ, ພະແນກການທີ່ກ່ຽວຂ້ອງຂອງສອງຝ່າຍ ເຂົ້າຮ່ວມ.ເຄື່ອງທີ່ນໍາມາມອບໃນຄັ້ງນີ້, ປະກອບມີ ເຂົ້າສານ ຈຳນວນ 5 ໂຕນ, ປາກະປ໋ອງ 30 ແກັດ, ໝີ່ສຳເລັດຮູບ 300 ແກັດ, ຜ້າອັດປາກ-ດັງ 30ແກັດ, ເຫລົ້າ90 300 ຂວດ (15 ແກັດ) ແລະ ນ້ຳຢາລ້າງປາກ 1.000 ຂວດ (50 ແກັດ) ລວມມູນຄ່າ 128 ລ້ານກວ່າກີບ.

ໃນໂອກາດດັ່ງກ່າວ, ທ່ານ ມົມ ຊາເຣືອນ ເຈົ້າແຂວງຊຽງເເຕງ ໄດ້ກ່າວຈຸດປະສົງ ແລະ ຄວາມຕັ້ງໃຈຂອງອົງການປົກຄອງແຂວງຊຽງແຕງ ທີ່ເຫັນໄດ້ຄວາມສຳຄັນ ລະຫ່ວາງ ສອງປະເທດ ເວົ້າລວມ, ເວົ້າສະເພາະ ແມ່ນແຂວງຊຽງແຕງ ກັບ ແຂວງຈຳປາສັກ ທີ່ມີສາຍພົວພັນຊ່ວຍເຫລືອເຊິ່ງກັນ ແລະ ກັນ ໃນຍາມທຸກຍາກ.
ໂອກາດນີ້, ທ່ານ ວິໄລວົງ ບຸດດາຄຳ ຕາງໜ້າໃຫ້ອົງການປົກຄອງ ແລະ ປະຊາຊົນລາວ ບັນດາ ເຜົ່າຊາວແຂວງຈຳປາສັກ ສະແດງຄວາມຂອບໃຈ ແລະ ຕີລາຄາສູງຕໍ່ນໍ້າໃຈ ໃນການປະກອບສ່ວນຊ່ວຍ ເຫລືອແບ່ງເບົາ ໃນຍາມປະສົບຄວາມຫຍຸ້ງຍາກລຳບາກ. ທັງເປັນການເພີ່ມທະວີການຮ່ວມມື, ສາຍພົວພັນການທູດ ກໍ່ຄື 65 ປີ (15/6/1956-15/6/2021) ຂອງການສ້າງສາຍພົວພັນການທູດລະຫວ່າງ ລາວ ແລະ ກຳປູເຈຍ ທີ່ຈະມາເຖິງນີ້ ໃຫ້ແໜ້ນແຟ້ນຍິ່ງໆຂຶ້ນ.
ຂ່າວ-ຮູບ: ທັດຊະນະ