ປະກົດການນ້ຳບາກ ມີສີຂຽວເຂັ້ມ ເຮັດໃຫ້ປາຕາຍ ບໍ່ແມ່ນເກີດຈາກການປົນເປື້ອນ ຈາກສານເຄມີ

0
138

ປະກົດການນ້ຳບາກ ມີສີຂຽວເຂັ້ມ ເຮັດໃຫ້ປາຕາຍ ບໍ່ແມ່ນເກີດຈາກການປົນເປື້ອນ ຈາກສານເຄມີ ຂປລ. ເມື່ອທ້າຍເດືອນພຶດສະພາ ຫາ ຕົ້ນເດືອນມິຖຸນາ 2021 ນີ້, ສາຍນ້ຳບາກໄດ້ເກີດມີປະກົດການສີຂຽວເຂັ້ມ ແລະ ເຮັດໃຫ້ປາຕາຍຈຳນວນໜຶ່ງ, ຕໍ່ໍກັບສະພາບການທີ່ເກີດຂຶ້ນ ທ່ານ ສົມຫວັງ ພອນຄຳວົງສາ ເຈົ້າເມືອງນ້ຳບາກ ໄດ້ໃຫ້ສຳພາດວ່າ: ຈຸດເກີດປະກົດການທີ່ນ້ຳບາກມີສີຂຽວເຂັ້ມ ແມ່ນຢູ່ເຂດວັງກໍໄຮ ເມືອງໄຊ ແຂວງອຸດົມໄຊ, ເຊິ່ງນ້ຳບາກໄດ້ມີປະກົດການປ່ຽນສີ ແລະ ມີ

ຝອດສີຂາວ ຈາກນັ້ນ ໄດ້ໄຫລມາຕາມສາຍນ້ຳ ຜ່ານບັນດາບ້ານ ນັບແຕ່ເມືອງໄຊ ຫາເມືອງນ້ຳບາກ ແລະ ເມືອງງອຍ ເຮັດໃຫ້ປານ້ອຍຕາຍຈຳນວນໜຶ່ງ ເນື່ອງຈາກອຸນຫະພູມຂອງນ້ຳສູງປະມານ 34 ອົງສາ, ແຕ່ມາຮອດປັດຈຸບັນສະພາບຂອງນ້ຳບາກ ແມ່ນມີສະພາບປົກກະຕິແລ້ວ. ທ່ານເຈົ້າເມືອງນ້ຳບາກ ຍັງໃຫ້ຮູ້ຕື່ມວ່າ: ພາຍຫລັງເກີດສະພາບການທີ່ກ່າວມານັ້ນ, ອົງການປົກ ຄອງເມືອງ ໄດ້ອອກແຈ້ງການໃຫ້ປະຊາຊົນ ບໍ່ໃຫ້ຊົມໃຊ້ນ້ຳເປັນການຊົ່ວຄາວ, ພ້ອມທັງໄດ້ປະສານສົມທົບກັບ

ຂະແໜງການກ່ຽວຂ້ອງ ນັບທັງແຂວງ ແລະ ສູນກາງ ເພື່ອກວດກາສະພາບຕົວຈິງ ຕາມການສັງລວມເບື້ອງຕົ້ນ ແມ່ນອາດຈະບໍ່ເກີດຈາກການປົນເປື້ອນຂອງສານເຄມີ, ເນື່ອງຈາກຈຸດເກີດເຫດ ແມ່ນຢູ່ຫ່າງໄກສອກຫລີກ ແລະ ບໍ່ໃກ້ກັບໂຮງງານອຸດສາຫະກຳ. ໂອກາດນີ້, ທ່ານເຈົ້າເມືອງນໍ້າບາກ ໄດ້ຮຽກຮ້ອງໃຫ້ປະຊາຊົນ ຢ່າ

ພາກັນແຕກຕື່ນຈົນເກີນໄປ, ເຊິ່ງຄະນະນຳຂອງເມືອງ ຈະປະສານສົມທົບກັບທຸກພາກສ່ວນ ເພື່ອວິເຄາະວິໄຈ ສະພາບການທີ່ເກີດຂຶ້ນໃນໄລຍະຜ່ານມາ, ພ້ອມຈະຕິດຕາມສະພາບທີ່ຈະເກີດຂຶ້ນໃນຕໍ່ໜ້າ ເພື່ອວາງແຜນແກ້ໄຂໃຫ້ທັນເຫດການ.
ຂ່າວ: ອາພຸດເດດ