ສັງຄົມມັນໜ້າຢູ່ກໍແບບນີ້ແລ ຄົນມີຊ່ວຍຜູ້ຍັງທຸກ

    0
    79

    ສັງຄົມໂຊຊຽວຊ່ວຍໄດ້ຫຼາຍເລີຍ ເຖິງແມ່ນຈະມີຫຼາຍຄົນທີ່ເກືອບຈະແນມຫາທາງອອກບໍເຫັນ ແຕ່ເມືື່ອເຖິງເວລາກໍ່ຈະມາອາດສະວິນຂີ່ມ້າຂາວມາຊ່ວຍຈົນໄດ້ ເຮັດໃຫ້ສັງຄົມໜ້າຢູ່ຂຶ້ນອີກຫຼາຍ.

    ຄົນເຮົາຢ່າທໍ້ ເມື່ອທຸກຕ້ອງທົນຊົນສູ້ກັບບັນຫາບໍດີບໍ່ເດັ່ນກໍ່ບໍ່ອົດຢູ່ອົດກິນຍ້ອນ ຖ້າໂຊກເຂົ້າຂ້າງກໍ່ຈະມີຄົນໃຈບຸນຊ່ວຍຍ້ອນຄວາມເຫັນໃຈ ຂໍຢ່າໄປຫາກິນທາງລັດບົນຄວາມທຸກຄົນອື່ນແບບນັ້ນບໍ່ຍືນນານແທ້.

    ເບິ່ງແຕ່ຊາຍຄົນນີ້ສອງວັນກ່ອນມີຊາວເນັດເຫັນຂີ່ລົດຖີບສວມຊຸດຂອງຟຸດແພນດ້າສົ່ງອາຫານທ່າມກາງແສງແດດ ເອົາມືມຸດໜ້າບໍ່ຮູ້ວ່າກຳລັງຮ້ອງໄຫ້ໃນຊາຕາກຳ ຫຼື ຮ້ອນແຮງກຳລັງເຊັດເຫື່ອ ພຽງແຕ່ເລື່ອງລາວນີ້ຖືກແຊອອກໄປກໍ່ມີອີກຄົນໃຈດີພາໄປຊື້ລົດໃໝ່ໃຫ້ທັນທີ ເຖິງບໍ່ແມ່ນພີ່ນ້ອງຄົນຮູ້ຈັກກໍ່ຕາມ.

    ຕາມຂ່າວໃຫ້ຮູ້ວ່າສຳລັບຊາຍຄົນນັ້ນແມ່ນແຕ່ລົດຖີບຄັນນັ້ນກໍ່ບໍແມ່ນຂອງລາວຢືມໝູ່ມາສົ່ງ ຫຼັງຜູ້ໃຈບຸນຈົກເງິນຊື້ລົດຈັກໃຫ້ກໍຈະໄດ້ປະກອບອາຊີບສົ່ງອາຫານຢ່າງສະບາຍໃຈຮອດໄວ ແລະບໍ່ຕ້ອງຢືມຄົນອື່ນອີກ.

    ຂໍໃຫ້ທຸກຄົນເບິ່ງກໍລະນີນີ້ເປັນຕົວຢ່າງຢ່າທໍ້ແທ້ຍາມຕົກທຸກໄດ້ຍາກ ຄົນເຮົາບໍ່ມີໃຜໂຊກຮ້າຍຕະຫຼອດໄປ ແລະບໍ່ມີໃຜໂຊກດີຕະຫຼອດການ ຂໍພຽງດຸໝັ່ນທຳມາຫາກິນຊີວິດນີ້ບໍ່ຮັ່ງມີກໍ່ຢູ່ໄດ້ຢ່າງແນ່ນອນ.