ຫົວໜ້າຫ້ອງວ່າການເມືອງຍົມມະລາດ ມອບເຄື່ອງບໍລິໂພກໃຫ້ສູນກັກກັນ ແລະ ຈຸດຮັບວັກຊິນ

0
89

ຫົວໜ້າຫ້ອງວ່າການເມືອງຍົມມະລາດ ມອບເຄື່ອງບໍລິໂພກໃຫ້ສູນກັກກັນ ແລະ ຈຸດຮັບວັກຊິນຂປລ. ແຫລ່ງຂ່າວຈາກແຂວງຄຳມ່ວນ ໃຫ້ຮູ້ວ່າ: ໃນວັນທີ 3 ມິຖຸນາ 2021 ນີ້, ທ່ານ ຈັນທະບູນ ວົງສຸດທິ ຫົວໜ້າຫ້ອງວ່າການເມືອງຍົມມະລາດ ໄດ້ຢ້ຽມຢາມ ແລະມອບເຄື່ອງບໍລິໂພກ ໃຫ້ສູນກັກກັນ ແລະ ຈຸດຮັບວັກຊິນ ໂດຍມີ

ຄະນະສະເພາະກິດປ້ອງກັນ, ຄວບຄຸມ ແລະ ສະກັດກັ້ນການລະບາດພະຍາດໂຄວິດ-19 ຂັ້ນເມືອງເຂົ້າຮ່ວມ. ທັງນີ້ ກໍເພື່ອເປັນການສືບຕໍ່ເພີ່ມທະວີຄວາມເຂັ້ມງວດ ໃນການຈັດຕັ້ງປະຕິບັດມາດຕະການສະກັດກັ້ນ, ຄວບຄຸມ ແລະ ປ້ອງກັນການລະບາດຂອງພະຍາດໂຄວິດ- 19 ແລະ ເພື່ອເປັນຂວັນກຳລັງໃຈໃຫ້ບັນດາເຈົ້າໜ້າທີ່

ແລະ ແຮງງານທີ່ຢູ່ໃນສູນກັກກັນ.ໃນໂອກາດນີ້, ທ່ານ ຈັນທະບູນ ວົງສຸດທິ ໄດ້ໂອ້ລົມເຈົ້າໜ້າທີ່ປະຈຳສູນ ພ້ອມທັງເນັ້ນໃຫ້ເອົາໃຈໃສ່ໃນການປະຕິບັດໜ້າທີ່ດ້ວຍ

ຄວາມຮັບຜິດຊອບສູງ ແລະ ຜູ້ຈຳກັດບໍລິເວນພາຍໃນສູນຕ້ອງຈຳກັດໂຕເອງໃຫ້ຄົບກຳນົດ 14 ວັນ ເພື່ອຮັບປະກັນວ່າຕົນບໍ່ໄດ້ຮັບເຊື້ອ. ຈາກນັ້ນ, ກໍໄດ້ມອບເຄື່ອງບໍລິໂພກຈຳນວນໜຶ່ງ ເປັນຕົ້ນ ແມ່ນປາແຫ້ງ 20 ຖົງ, ໝີ່ໄວໄວ 10 ແກັດ ແລະ ຜ້າອັດປາກ-ດັງ 10 ກັບໃຫ້ສູນກັກກັນ ແລະ ຈຸດຮັບວັກຊິນ ຂອງເມືອງ.

ຂ່າວ: ເມືອງຍົມມະລາດ