ຊົມເຊີຍ ! ນໍ້າດື່ມຫົວເສືອ ປະກອບສ່ວນ 50,000,000 ກີບ

    0
    67

    ຊົມເຊີຍ ! ນໍ້າດື່ມຫົວເສືອ ປະກອບສ່ວນ 50,000,000 ກີບ ຊຸກຍູ້ ໜ່ວຍກູ້ໄພມູນນິທິ ຊ່ວຍເຫຼືອຄົນທຸກຍາກ ແຫ່ງ ສປປລາວ ເພື່ອປະກອບສ່ວນເຂົ້າໃນວຽກງານທີ່ຈຳເປັນເພື່ອຮັບໃຊ້ສັງຄົມ ❤️

    ໃນຕອນເຊົ້າ ວັນທີ 2 ມິຖຸນາ 2021 ເວລາ 9.30 ນາທີ ​ຢູ່ທີ່ ໜ່ວຍກູ້ໄພມູນນິທິ ຊ່ວຍເຫຼືອຄົນທຸກຍາກ ແຫ່ງ ສປປລາວ ຈຸດປະຈໍາການ ໜອງໄຮ, ບໍລິສັດ ເບຍລາວ ຈໍາກັດ ໄດ້ມອບເງິນຊຸກຍູ້ ຈໍານວນ 50,000,000 ກີບ ໃຫ້ໜ່ວຍກູ້ໄພມູນນິທິ ຊ່ວຍເຫຼືອຄົນທຸກຍາກ ແຫ່ງ ສປປລາວ,​

    ໂດຍກ່າວມອບໂດຍ ທ່ານ ສິດທິໄຊ ເກດຕະວົງ,​ ຜູ້ອໍານວຍການຝ່າຍກິດຈະກໍາເພື່ອສັງຄົມ ແລະ ບໍລິຫານ ແລະ ກ່າວຮັບໂດຍ ທ່ານ ປ້າ ພູທອນ ພູມສະຫວັນ ແລະ ທ່ານ ນາງ ສີສະຫຼຽວ ທໍາມະເທວາ, ປະທານ ໜ່ວຍກູ້ໄພມູນນິທິ ຊ່ວຍເຫຼືອຄົນທຸກຍາກ ແຫ່ງ ສປປລາວ.

    ຈຸດປະສົງຂອງການມອບໃນເທື່ອນີ້ ແມ່ນເພື່ອປະກອບສ່ວນ ເຂົ້າໃນວຽກງານຊ່ວຍເຫຼືອສັງຄົມທີ່ຈຳເປັນ, ສຸກເສີນ ແລະ ວຽກງານກູ້ໄພຕ່າງໆ.

    ຕະຫຼອດໄລຍະທີ່ຜ່ານມາ, ບໍລິສັດ ເບຍລາວ ຈໍາກັດ ໂດຍສະເພາະແມ່ນ ຜະລິດຕະພັນ ນໍ້າດື່ມຫົວເສືອ ຍາມໃດກໍ່ ໃຫ້ການສົ່ງເສີມ ແລະ ຊຸກຍູ້ກິດຈະກຳ ເພື່ອສັງຄົມ ໂດຍຕະຫຼອດມາ.