ເກີດເຫດໄຟໄໝ້ ລົດບັນທຸກ ກາງທາງດ່ວນ ນະຄອນຫຼວງວຽງຈັນ-ວັງວຽງ

0
150

ສະພາບເຫດການ:ໃນຕອນທ່ຽງຂອງວັນທີ 3 ມີຖຸນາ 2021 ເວລາປະມານ 12:00ໂມງ. ຢູ່ຈຸດກິໂລແມັດທີ ZK18+000 ຈາກທາງສະຖານີບ້ານບົວໄປຫາສະຖານີນາຊອນຂອງທາງດ່ວນນະຄອນຫຼວງວຽງຈັນ-ວັງວຽງ, ມີລົດບັນທຸກຄັນໜຶ່ງໄດ້ເກີດໄຟໄໝ້, ເຊິ່ງກີດຂວາງຊ່ອງທາງສຸກເສີນ ແລະ ຊ່ອງທາງສັນຈອນທົ່ວໄປ, ເນື່ອງດ້ວຍ

ເຫດໄຟໄໝ້ໃນຄັ້ງນີ້ໄດ້ກໍ່ໃຫ້ເກີດຄວັນໄຟປົກຄຸມຂ້ອນຂ້າງໜາແໜ້ນ, ຈຶ່ງເຮັດໃຫ້ລົດທີ່ຕາມຫຼັງມາບໍ່ສາມາດສັນຈອນໄດ້. ພາຍຫຼັງທີ່ພະນັກງານຄຸ້ມຄອງທາງດ່ວນ

ນະຄອນຫຼວງວຽງຈັນ-ວັງວຽງ ໄດ້ຮັບແຈ້ງເຫດດັ່ງກ່າວກໍ່ໄດ້ນຳເອົາອຸປະກອນດັບເພີງໄປຍັງສະຖານທີ່ເກີດເຫດທັນທີ່, ເພື່ອຊ່ວຍເຫຼືອໃນການດັບເພີງຄັ້້ງນີ້, ພ້ອມທັງຊ່ວຍເຫຼືອຜູ້ປະສົບເຫດ, ໃນເວລາດຽວກັນນັ້ນ, ກໍ່ຮັບປະກັນຄວາມປອດໄພຂອງຜູ້ຂັບຂີ່ອື່ນທີ່ສັນຈອນໄປມາ. ປະຈຸບັນ, ເຈົ້າໜ້າທີ່ດັບເພີງ ແລະ ເຈົ້າໜ້າທີ່ປະຖົມ

ພະຍາບານໄດ້ໄປຮອດຈຸດເກີດເຫດແລ້ວ, ຕອນນີ້ຍັງບໍ່ທັນໄດ້ຮັບລາຍງານວ່າມີຄົນບາດເຈັບ ຫຼື ຄົນເສຍຊີວິດ. ໃນຕໍ່ໜ້າທາງດ່ວນ ນະຄອນຫຼວງວຽງຈັນ-ວັງວຽງ ຈະຕັ້ງໜ້າໃຫ້ຄວາມຮ່ວມມືໃນການສືບສວນຫາສາເຫດຂອງອຸປະຕິເຫດໃນຄັ້ງນີ້.