ພະຍາກອນອາກາດ ປະຈຳວັນທີ 1 ມີຖຸນາ 2021

0
61

ພະຍາກອນອາກາດ ປະຈຳວັນທີ 1 ມີຖຸນາ 2021, ເວລາ 12:00 ໂມງຄວາມກົດດັນຕໍ່າຂອງອາກາດຮ້ອນມີກໍາລັງແຮງໄດ້ແພ່ລົງປົກຄຸມ ຢູ່ທົ່ວທຸກພາກຂອງປະເທດລາວ ແລະ ສົມທົບກັບລົມມໍລະສຸມຕາເວັນຕົກສຽງໃຕ້ພັດປົກຄຸມ, ຊຶ່ງຈະເຮັດໃຫ້ອາກາດຮ້ອນ ຫາ ຮ້ອນເອົ້າຢູ່ຕື່ມອີກ ແລະ ຍັງຈະມີຝົນຕົກ ຟ້າຮ້ອງ ຟ້າ

ເຫລື້ອມ ໃນລະດັບຄ່ອຍພ້ອມມີລົມພັດແຮງຢູ່ຕາມທ້ອງຖິ່ນໃນແຕ່ລະພາກ.ລາຍງານຂໍ້ມູນການເກີດແຜ່ນດິນໄຫວ ໃນວັນທີ 1 ມີຖຸນາ 2021 ໄດ້ພົບສັນຍານການ
ເກີດແຜ່ນດິນໄຫວ ພາຍໃນປະເທດລາວ ຈໍານວນ 2 ຄັ້ງ ຢູ່ແຂວງໄຊຍະບູລີ, ຄັ້ງທີ 1 ເກີດຂຶ້ນໃນເວລາ 3 ໂມງ 30 ນາທີ ທີ່ເມືອງໄຊສະຖານ ໂດຍຈຸດສູນກາງຢູ່

ເສັ້ນຂະໜານທີ 19.48 ອົງສາເໜືອ ແລະ ເສັ້ນແວງທີ 101.5 ອົງສາຕາເວັນອອກ ດ້ວຍຄວາມສັ່ນສະເທືອນວັດແທກໄດ້ 2.0 ຣີກເຕີ ແລະ ມີຄວາມເລິກຫ່າງຈາກເທິງໜ້າດິນປະມານ 4 ກິໂລແມັດ. ຄັ້ງທີ 2 ເກີດຂຶ້ນເວລາ 4ໂມງ 54 ນາທີ ທີ່ບ້ານນາຂັນ ແຂວງໄຊຍະບູລີ, ຢູ່ເສັ້ນຂະໜານທີ 19.38 ອົງສາເໜືອ ແລະ ເສັ້ນແວງທີ 101.5 ອົງສາຕາເວັນອອກ ດ້ວຍຄວາມສັ່ນສະເທືອນວັດແທກໄດ້ 1.8 ຣີກເຕີ ແລະ ມີຄວາມເລິກຫ່າງຈາກເທິງໜ້າດິນປະມານ 3 ກິໂລແມັດ.