ເມືອງທ່າປາງທອງ ຂາດເຂີນອຸປະກອນຮັບໃຊ້ ໃນສູນ ກ ັ ກ ກັ ນ ພ ະ ຍ າ ດ ໂ ຄ ວ ິ ດ

0
137

ຂປລ. ແຫລ່ງຂ່າວຈາກແຂວງສະຫວັນນະເຂດ ໃຫ້ຮູ້ວ່າ: ປັດຈຸບັນ, ຄະນະກໍາມະການປ້ອງກັນ ແລະ ຕ້ານການລະບາດຂອງພະບາດໂ ຄ ວ ິ ດ ທີ່ເຮັດໜ້າທີ່ສະກັດກັ້ນຢູ່ຈຸດກັກກັນ ແລະ ຜູ້ທີ່ມີຄວາມສ່ຽງທີ່ເຂົ້າກັກກັນຕົນເອງ ຢູ່ສູນກັກກັນ ເມືອງທ່າປາງທອງ ພົບຄວາມຫຍຸ້ງຍາກ ເຂາດເຂີນວັດຖຸສິ່ງຂອງທີ່ຈໍາເປັນ ເຊັ່ນ: ຜ້າອັດປາກ-ດັງ, ເຈວລ້າງມື, ສະບູ, ເຄື່ອງແທກອຸນຫະພູມ, ເຕັນນ້ອຍ, ນໍ້າດື່ມ ແລະ ອາຫານແຫ້ງອື່ນໆ.

ໂດຍເຫັນໄດ້ຄວາມຈຳເປັນດັ່ງກ່າວ, ຄະນະສະເພາະກິດຂັ້ນເມືອງ ທ່າປາງທອງ ຈຶ່ງໄດ້ເຮັດໜັງສືແຈ້ງມາຍັງອົງການຈັດຕັ້ງພາກລັດ-ເອກະຊົນ ອົງການຈັດຕັ້ງສາກົນ, ອົງການຈັດຕັ້ງສັງຄົມ, ບໍລິສັດ, ລັດວິສາຫະກິດ, ຜູ້ປະກອບການຫົວໜ່ວຍທຸລະກິດ ທຸກພາກສ່ວນ, ທະຫານ, ຕໍາຫລວດ, ພະນັກງານ-ລັດຖະກອນ, ພໍ່ແມ່

ປະຊາຊົນ ພາຍໃນ ແລະ ຕ່າງເມືອງ ໂດຍຂໍການປະກອບສ່ວນຊ່ວຍເຫລືອ ວັດຖຸສິ່ງຂອງທີ່ຈໍາເປັນ ໃຫ້ແກ່ຄະນະກໍາມະການປ້ອງກັນ ແລະ ຕ້ານພະບາດໂ ຄ ວ ິ ດ ທີ່ເຮັດໜ້າທີ່ສະກັດກັ້ນຢູ່ຈຸດກັກກັນແລະ ຜູ້ທີ່ມີຄວາມສ່ຽງທີ່ເຂົ້າກັກກັນຕົນເອງຢູ່ສູນກັກກັນຂອງເມືອງດັ່ງກ່າວ. ຖ້າຫາກພາກ ສ່ວນໃດຫາກ ມີຈຸດປະສົງຢາກຊ່ວຍເຫລືອ ກໍສາມາດປະກອບສ່ວນ ຊ່ວຍເຫລືອໄດ້ທີ່ກອງເລຂາຫ້ອງວ່າການປົກຄອງເມືອງທ່າປາງທອງເບີໂທ 041216020 ຫລື 02023878910.

ຜ່ານມາການຈັດຕັ້ງປະຕິບັດວຽກງານປ້ອງກັນ, ຄວບຄຸມສະກັດກັ້ນ ແລະ ແກ້ໄຂການລະບາດ ພະຍາດໂ ຄ ວ ິ ດ ຢູ່ເມືອງທ່າປາງທອງ ເຫັນໄດ້ວ່າມີຄວາມສະຫງົບປອດໄພ ບໍ່ມີການແພ່ເຊື້ອໃນຊຸມຊົນ ແລະ ບໍ່ມີການລະບາດ, ເບື້ອງແຮງງານຜູ້ກັກກັນ ແມ່ນໄດ້ປະຕິບັດຕາມລະບຽບຂັ້ນຕອນ. ສ່ວນການສັກວັກຊິນ ເຂັມທີ 1 ແລະ ເຂັມທີ 2 ສັກໄດ້ 38,5% ເຊິ່ງເມືອງທ່າປາງທອງ ໄດ້ຮັບວັກຊິນ 1.050 ໂດສ.