ກອງບັນຊາການທະຫານແຂວງວຽງຈັນ ມອບເຄື່ອງຮັບໃຊ້ການແພດໃຫ້ແກ່ ຄະນະສະເພາະກິດ ລວມມູນຄ່າ 45 ກວ່າລ້ານກີບ

    0
    211

    ວັນທີ 27 ພຶດສະພາ 2021 ນີ້, ຄະນະພັກ-ຄະນະບັນຊາ ກອງບັນຊາການທະຫານແຂວງວຽງຈັນ ໄດ້ມອບເຄື່ອງຮັບໃຊ້ ການແພດໃຫ້ແກ່ ຄະນະສະເພາະກິດຂັ້ນຂອງຕົນ ເພື່ອນຳໄປແຈກຢາຍໃຫ້ບັນດາກົມກອງທີ່ຂຶ້ນກັບກອງບັນຊາການທະຫານແຂວງວຽງຈັນ.

    ໂດຍການກ່າວມອບຂອງ ສະຫາຍ ພົນຈັດຕະວາ ບຸນມາ ວົງດາລາແສນ ຫົວໜ້າການທະຫານ ກອງບັນຊາການທະຫານແຂວງວຽງຈັນ ແລະ ກ່າວຮັບໂດຍ ສະຫາຍ ສູນທອນ ແກ້ວແສງຈັນ ຫົວໜ້າພະແນກເສນາຮັກກອງບັນຊາການທະຫານແຂວງ. ເຄື່ອງທີ່ນຳມາມອບໃນຄັ້ງນີ້ ແມ່ນໄດ້ມາຈາກການຊ່ວຍເຫລືອຈາກຫຼາຍພາກສ່ວນເປັນຕົ້ນແມ່ນ ກົມທະຫານຊາຍແດນ ກົມໃຫຍ່ເສນາທິການກອງທັບ, ບັນດາບໍລິສັດຫ້າງຮ້ານຕ່າງໆ ສົມທົບກັບທຶນຮອນກອງບັນຊາການຈໍານວນໜຶ່ງ ໃນນັ້ນປະກອບມີ: ຊຸດ PPE ຈໍານວນ 100 ຊຸດ, ຜ້າອັດປາກ-ດັງ, ເຈວລ້າງມື, ນໍ້າຢາຂ້າເຊື້ອ, ເຄື່ອງວັດອຸນຫະພູມ ແລະ ເຄື່ອງບໍລິໂພກຈໍານວນໜຶ່ງ ລວມມູນຄ່າທັງໝົດ 45.813.000 ກີບ.

    ໂດຍ: ສາຍຄໍາ ພອນມະນີ.