ສັກວັກຊິນສອງເຂັມ ບໍ່ແມ່ນຈະຢູ່ໂດຍປອດໂຄວິດເດີ້

    0
    76

    ເຂົ້າໃຈໃໝ່ວັກຊິນບໍແມ່ນປ້ອງກັນໄດ້ 100% ແຕ່ເປັນພຽງການສ້າງພູມຄຸ້ມກັນໃຫ້ກັບຮ່າງກາຍ ເມື່ອຕິດເຊື້ອຈະບໍ່ຮຸນແຮງຫຼາຍ ກົງກັນຂ້າມຖ້າບໍ່ໄດ້ສັກວັກຊິນຖ້າເຊື້ອພະຍາດເຂົ້າໄປໃນຮ່າງກາຍຄົນປ່ວຍຈະມີອາການໜັກກວ່າ ໂດຍສະເພາະຜູ້ທີ່ມີພະຍາດປະຈຳໂຕ ແລະຄົນທີ່ມີອາຍຸຫຼາຍແລ້ວ ດັ່ງນັ້ນ ທຸກຄົນໃຫ້ມີຄວາມເຂົ້າໃຈໃໝ່ກ່ຽວກັບວັກຊິນ.

    ທີ່ຕ້ອງຍົກເອົາບັນຫານີ້ຂຶ້ນມາກໍເພາະມີກໍລະນີຂອງຜູ້ທີ່ໄດ້ຮັບການສັກວັກຊີນເຂັມທີ 2 ຄົບເປັນທີ່ຮຽບຮ້ອຍແລ້ວແຕ່ປະກົດວ່າຕິດໂຄວິດຜົນກວດເປັນບວກ.


    ຕໍ່ກັບການສັກວັກຊິນແມ່ນແພດໝໍໄດ້ໃຫ້ຂໍ້ມູນມາຢ່າງຕໍ່ເນື່ອງກ່ຽວກັບສັບພະຄຸນຂອງມັນ ເຖິງຈະສັກເຂັມ 2 ແລ້ວ ກໍ່ຍັງມີໂອກາດຮັບເຊື້ອ ແລະ ຕິດເຊື້ອໄດ້ຄືກັນກັບຜູ້ບໍໄດ້ສັກວັກຊິນ ຂໍ້ແຕກຕ່າງຄືຜູ້ສັກວັກຊິນແລ້ວຈະມີພູມຄຸ້ມກັນໃນຮ່າງກາຍ ແລະສາມາດປົວຫາຍໄວຂຶ້ນຖ້າທຽບໃສ່ຜູ້ບໍເຄີຍຮັບວັກຊິນ.
    ແນວໃດກໍ່ຕາມປະຊາຊົນຫຼາຍຄົນຍັງເຂົ້າໃຈຄາດເຄື່ອນກ່ຽວກັບການສັກວັກຊີນວ່າສັກແລ້ວຈະບໍ່ຕິດໂຄວິດ-19 ເຊິ່ງນັ້ນບໍ່ເປັນຄວາມຈີງ, ທຸກຄົນແມ່ນມີໂອກາດຕິດເຊື້ອໂຄວິດ-19 ໄດ້ ສັກວັກຊິນແລ້ວຍັງຕ້ອງປະຕິບັດມາດຕະການປ້ອງກັນ, ນຳໃຊ້ການໃຊ້ຊີວິດປົກກະຕິແບບໃໝ່ຄືກັບຄົນອື່ນໆ ຖ້າຖືເບົາ ເລີນເລີ້ ໄປສຳຜັດກັບເຊື້ອກໍ່ຍັງມີໂອກາດຕິດເຊື້ອໂຄວິດ-19ໄດ້ຢ່າງຫຼີກລ່ຽງບໍໄດ້.