ສູນກັກກັນແຮງງານຜູ້ມີຄວາມສ່ຽງຈາກການຕິດໂຄ ວິ ດແຂວງບໍ່ແກ້ວ ມີຕຽງນອນແລ້ວ

    0
    29

    ໃນວັນທີ 24 ພຶດສະພານີ້, ຄະນະສະເພາະກິດແຂວງບໍ່ແກ້ວ ໄດ້ມີການຈັດສັນແບ່ງຕຽງນອນຢູ່ໂຮງໝໍພາກສະໜາມ ແຂວງບໍ່ແກ້ວ ໃຫ້ສູນກັກກັນ ແຮງງານ, ຜູ້ທີ່ມີຄວາມສ່ຽງຈາກການຕິດເຊື້ອພະຍາດໂຄວິດ

    ມົກກະຈອກ ເມືອງຫ້ວຍຊາຍ ແຂວງບໍ່ແກ້ວ ຈຳນວນ 30 ຊຸດ ໂດຍໄດ້ຮັບການປະກອບສ່ວນຈາກ ອົງການພຸດທະສາສະໜາສຳພັນລາວແຂວງບໍ່ແກ້ວ,ເຊິ່ງໃຊ້ກຳລັງແຮງງານຈາກຊາວໜຸ່ມຕະລຸມບອນ ແຂວງບໍ່ແກ້ວ.

    ທ່ານ ປທ ບຸນທັນ ສີມົນທາ ຫົວໜ້າສູນກັກກັນ ແຮງງານ, ຜູ້ທີ່ມີຄວາມສ່ຽງຈາກການຕິດເຊື້ອພະຍາດໂຄວິດ-19 ມົກກະຈອກໃຫ້ຮູ້ວ່າ:

    ສູນແຫ່ງນີ້ໄດ້ເລີ່ມເປີດນຳໃຊ້ແຕ່ວັນທີ 23 ມີນາ 2020 ເປັນຕົ້ນມາ. ສຳລັບປີ 2020 ມີການກັກກັນ ແຮງງານ, ຜູ້ທີ່ມີຄວາມສ່ຽງຈາກການຕິດເຊື້ອພະຍາດໂຄວິດ ທັງໝົດ 372 ຄົນ, ຍິງ 152 ຄົນ ຄົນຕ່າງປະເທດ11 ຄົນ.

    ໃນປີ 2021ໃນເດືອນ ມັງກອນ ມີການກັກກັນ ແຮງງານ, ຜູ້ທີ່ມີຄວາມສ່ຽງຈາກການຕິດເຊື້ອພະຍາດໂຄວິດ. ເດືອນມັງກອນທັງໝົດ 75 ຄົນຍິງ 26 ຄົນ ຕ່າງປະເທດ 3 ຄົນ,ຍິງ 2 ຄົນ, ເດືອນ ກຸມພາ ມີ 20 ຄົນ, ຍິງ10 ຕ່າງປະເທດ 2 ຄົນ, ເດືອນ ມີນາ ມີ 61ຄົນຍິງ 21ຄົນ,

    ຕ່າງປະເທດ 25 ຄົນ,ຍິງ 7 ຄົນ ເດືອນ ເມສາ ມີ 95 ຄົນຍິງ 52 ຄົນ ຕ່າງປະເທດ 45 ຄົນ,ຍິງ 25 ຄົນ.ແຕ່ລະຄົນແມ່ນກັກຕົວເອງຄົບກຳນົດຕາມທາງການວາງໄວ້.ມາຮອດປະຈຸບັນ ຍັງມີການກັກກັນ ແຮງງານ, ຜູ້ທີ່ມີຄວາມສ່ຽງຈາກການຕິດເຊື້ອພະຍາດໂຄວິດ ມົກກະຈອກ ທັງໝົດ 40 ກວ່າຄົນ.

    ສູນແຫ່ງນີ້ປະກອບມີອາຄານ 4 ຫຼັງ A,B,C,D ມີຄວາມປອດໄພສູງ ການເອົາຕຽງມາເຕີມແມ່ນການປັບປຸງ,ເພື່ອອຳນວຍຄວາມສະດວກໃນດ້ານຕ່າງໆ.

    ທັງນີ້ ກໍເພື່ອເປັນຮອງຮັບກັກກັນແຮງງານ ແລະ ກຸ່ມທີ່ມີຄວາມສ່ຽງຈາກການຕິດເຊື້ອຂອງພະຍາດໂຄວິດ ແລະ ຈາກການເຄື່ອນຍ້າຍຜູ້ກັກກັນອອກຈາກສູນກັກກັນ ພາຍໃນ ແລະ ຕ່າງປະເທດ.

    ເພື່ອສືບຕໍ່ມາກັກຕົວຢູ່ສູນແຫ່ງນີ້ ຕາມລະບຽບການ,ຕາມມາດຕະການຂອງຄະນະສະເພາະກິດ ໄດ້ກຳນົດໄວ້ ໃຫ້ຄົບ 14 ແລ້ວກັບຄືນສູ່ທ້ອງຖິ່ນ.

    ຂ່າວ: ຄຳພັນ ແກ້ວມະນີ