ເມືອງເຊບັ້ງໄຟ ເຂັ້ມງວດໃນການປ້ອງກັນ ແລະ ສະກັດກັ້ນການ ລະ ບ າ ດ ຂ ອ ງ ພ ະ ຍ າ ດ ໂ ຄ ວ ິ ດ

0
64

ຂປລ. ແຫລ່ງຂ່າວຈາກແຂວງຄຳມ່ວນ ໃຫ້ຮູ້ວ່າ: ປັດຈຸບັນ ແຂວງຄຳມ່ວນ ຍັງສືບຕໍ່ເຂັ້ມງວດການປະຕິບັດມາດຕະການ ໃນການປ້ອງກັນ ແລະ ສະກັດກັ້ນການລະບາດຂອງພະຍາດ ໂ ຄ ວ ິ ດ ໂດຍມີການປ້ອງກັນເວນຍາມຕະຫລອດ 24 ຊົ່ວໂມງຢູ່ຕາມຈຸດເຂດເຊື່ອມຕໍ່ກັບເມືອງໜອງບົກ, ທ່າແຂກ, ມະຫາໄຊ ແລະ ເມືອງໄຊບົວທອງ ແລະ ຈຸດເສັ້ນທາງເລກທີ 13 ໃຕ້ແມ່ນໄດ້ແຕ່ງຕັ້ງຄະນະກໍາມະການປະຈໍາກວດກາ 24 ຊົ່ວໂມງ ໂດຍອີງໃສ່ມາດຕະການໃນການກວດກາຢ່າງເຂັ້ມງວດ.ທ່ານ ທອງໄຊ ມັງໜໍ່ເມກ ເຈົ້າເມືອງເຊບັ້ງໄຟ, ທັງເປັນຫົວໜ້າຄະນະສະເພາະກິດຂັ້ນເມືອງ ໄດ້ໃຫ້ສຳພາກຕໍ່ສື່ມວນຊົນແຂວງ ເມື່ອບໍ່ດົນຜ່ານມານີ້ວ່າ: ໃນໄລຍະຜ່ານມາ ການຈັດຕັ້ງປະຕິບັດຜັນຂະຫຍາຍຄຳສັ່ງຂອງທ່ານນາຍົກ, ຄໍາສັ່ງຂອງທ່ານເຈົ້າແຂວງ ກໍຄື ເມືອງພວກເຮົາແມ່ນໄດ້ແຕ່ງຕັ້ງ ແລະ ມອບຄວາມຮັບຜິດຊອບໃຫ້ຄະນະປະຈຳ ຄະນະພັກເມືອງ ລົງເຄື່ອນໄຫວສົມທົບກັບຫ້ອງການທີ່ກ່ຽວຂ້ອງ ໂດຍສະເພາະຂົງເຂດ ປກສ, ປກຊ ແລະ ຫ້ອງຖະແຫລງຂ່າວ

ວັດທະນະທຳ ແລະ ທ່ອງທ່ຽວເມືອງ ໃນການເຜີຍແຜ່ຜັນຂະຫຍາຍແຈ້ງການທີ່ຂັ້ນເທິງວາງອອກໃຫ້ພໍ່ແມ່ປະຊາຊົນພາຍໃນ 45 ບ້ານຂອງເມືອງເຊບັ້ງໄຟໄດ້ຮັບຮູ້, ເຂົ້າໃຈຢ່າງທົ່ວເຖິງ ແລະ ໄດ້ມອບໃຫ້ອໍານາດການປົກຄອງບ້ານ ປກສ, ປກຊ ຂັ້ນບ້ານປ້ອງກັນເວນຍາມຕະຫລອດ 24 ຊົ່ວໂມງຢູ່ຕາມຈຸດເຂດເຊື່ອມຕໍ່ກັບເມືອງໜອງບົກ, ທ່າແຂກ, ມະຫາໄຊ ແລະ ເມືອງ ໄຊບົວທອງ ນັບແຕ່ມີແຈ້ງການປິດແຂວງຈົນມາຮອດວັນທີ 20 ພຶດສະພາ ຖືໄດ້ວ່າສຳເລັດເມືອງຂອງພວກເຮົາຢູ່ໃນສະພາບປົກກະຕິ.ປັດຈຸບັນ ເມືອງເຊບັ້ງໄຟ ຍັງສືບຕໍ່ ເພີ່ມທະວີຄວາມເຂັ້ມງວດໃນການຈັດຕັ້ງປະຕິບັດມາດຕະການສະກັດກັ້ນຄວບຄຸມ ແລະ ການແຜ່ລະບາດຂອງພະຍາດ ໂ ຄ ວ ິ ດ.ຈົນຮອດວັນທີ 31 ພຶດສະພາ ຕາມແຈ້ງການຂອງທ່ານເຈົ້າແຂວງເລກທີ 4 ເນື່ອງຈາກເມືອງເຊບັ້ງໄຟ ມີຊາຍແດນເຊື່ອມຕໍ່ຕິດກັບ ເມືອງໄຊບູລີ, ເມືອງອາດສະພອນ ແຂວງສະຫວັນນະເຂດ ເຊິ່ງເປັນແຂວງທີ່ມີຄວາມສ່ຽງ. ສະເພາະຈຸດເສັ້ນທາງເລກທີ 13 ໃຕ້ແມ່ນໄດ້ແຕ່ງຕັ້ງຄະນະກຳມະການປະຈຳກວດ

ກາ 24 ຊົ່ວໂມງ ໂດຍອີງໃສ່ມາດຕະການໃນການກວດກາຢ່າງເຂັ້ມງວດ ກໍລະນີລົດໂດຍສານຂົນສົ່ງສິນຄ້າແມ່ນໄດ້ປ່ອຍປົກກະຕິ, ລົດບຸກຄົນຕ່າງໆ ແມ່ນຕ້ອງໄດ້ມີເອກະສານຈາກແຂວງຕົ້ນທາງ, ມີໃບອະຍະຍາດຈາກຄະນະສະເພາະກິດ ຖືໄດ້ວ່າເມືອງເຊບັ້ງໄຟແມ່ນເຂັ້ມງວດໃນການກວດກາຄົນເຂົ້າ – ອອກ.
ໃນໂອກາດນີ້, ທ່ານ ເຈົ້າເມືອງເຊບັ້ງໄຟ ຍັງໄດ້ຮຽກຮ້ອງມາຍັງພໍ່ແມ່ປປະຊາຊົນ, ຜູ້ປະກອບການນຳໃຊ້ພາຫະນະຜ່ານເສັ້ນທາງເມືອງເຊບັ້ງໄຟ ກໍຄື ເສັ້ນທາງເລກທີ 13 ແມ່ນໃຫ້ມີສະຕິນຳກັນ ປ້ອງກັນໂຕເອງ ໂດຍປະຕິບັດຕາມລະບຽບຂອງຄະນະສະເພາະກິດວາງອອກຢ່າງເຂັ້ມງວດ, ການໄປ-ມາ ຕ້ອງມີເອກະສານຖືກຕ້ອງ ແລະ ໃຫ້ຄວາມຮ່ວມມື ເພື່ອໃຫ້ທາງເຈົ້າໜ້າທີ່ສະດວກໃນການກວດກາ ເພື່ອເຮັດແນວໃດໃຫ້ເມືອງຂອງພວກເຮົາປອດພະຍາດ ກໍຄື ແຂວງຄໍາມ່ວນ ແລະ ປະເທດເຮົາໃຫ້ພົ້ນຈາກພະຍາດໂ ຄ ວ ິ ດ.