ນັກ​ຮົບ​ຊຸດ​ຂາວ 14 ສະຫາຍ ທີ່​ປິ່ນ​ປົວຜູ້​ຕິດ​ເຊື້ອ​ໂຄວິດ ຢູ່​ໂຮງ​ໝໍ​ສະ​ໜາມ​ຫ້ວ​ຍ​ຫົງ ສຳ​ເລັດ​ພາ​ລະ​ກິດ​ແລ້ວ

    0
    64

    ພ້ອມກັນຊົມເຊີຍແລະເຜີຍແຜ່ ແຊ ໄຊຊະນະ ຂອງນັກຮົບ 14 ສະຫາຍ ໃນການປາບໂຄວິດ ປົດປ່ອຍ ໄດ້ 100 ກວ່າຄົນ. ສະເນີຂັ້ນເທິງຍ້ອງຍໍ.


    ຫຼັງບຸນປີໃໝ່ລາວໜ້ອຍໜຶ່ງ, ທ່າມກາງສື່່ອອນໄລຈໍານວນບໍ່ໜ້ອຍພວມສາດເທສຽງປ້ອຍດ່າສາບແຊ່ງຢູ່ນັ້ນ, ນັກຮົບເສື້ອຂາວ 14 ສະຫາຍໄດ້ຍົກສູງຄວາມຮັບຜິດຊອບການເມືອງຂອງຕົນປະຕິບັດໜ້າທີ່ວິຊາສະເພາະ ປິ່ນປົວຄົນເຈັບ ແລະຄົນເຈັບຜູ້ສຸດທ້າຍໄດ້ອອກຈາກໂຮງໝໍໄປໃນວັນທີ 18/5/2021.
    25 ວັນແຫ່ງໄຊຊະນະ ພາຍໃຕ້ການໜີບຮັດຂອງການລະບາດພະຍາດໂຄວິດຮອບສອງ, ເພື່ອຮັບໃຊ້ປະຊາຊົນໃຫ້ທົ່ວເຖິງແລະຮັບປະກັນ ລັດຖະບານຈຶ່ງໄດ້ເປີດໂຮງຫມໍພາກສະຫນາມຂຶ້ນ, ໂຮງໝໍພາກສະໜາມຫ້ວຍຫົງ ເປີດວັນທີ 25/4/21ໂດຍໃຊ້ສະຖານທີ່ຂອງສະຫະພັນບານເຕະລາວ. ຄະນະ ປະກອບດ້ວຍທ່ານຫມໍ 3 ທ່ານ, ພະຍາບານ 8 ທ່ານ, ອານາໄມ 2 ທ່ານ, ຄົນຂັບລົດ 1 ທ່ານ.
    ຕະຫຼອດໄລຍະ 25 ວັນ ຂອງການປະຕິບັດງານທີ່ຫນັກຫນ່ວງຂຸ້ນຂ້ຽວ ແບະເສຍສະຫລະ ໄດ້ປົວຄົນເຈັບຫາຍດີ ຈໍານວນ 144 ຄົນ ໃນນັ້ນ ສົ່ງຕໍ່ໂຮງຫມໍອື່ນ 6 ຄົນ. ໃນວັນທີ 19/5/21 ໂຮງຫມໍສະຫນາມຫວ້ຍຫົງປິ່ນປົວຄົນເຈັບໂຄວິດ ໄດ້ປິດລົງຢ່າງເປັນທາງການແລ້ວ.

    ການກັບຄືນສູ່ຄອບຄົວ ທີ່ລູກນ້ອຍຄອງຖ້າສະຫລອງວັນເດັກ ຍັງຂຶ້ນກັບການປະຕິບັດຂອງພົນລະເມືອງຄົນເຈັບໄດ້ກັບຄືນສູ່ອ້ອມກອດຂອງຄອບຄົວ ພ້ອມກັນ ທໍາມາຫາກິນ ເບີກບານມ່ວນຊື່ນແລະອົບອຸ່ນ, ແຕ່ ນັກຮົບເສື້ອຂາວ14 ສະຫາຍຍັງຕ້ອງໄດ້ກັກຕົວຕໍ່ອີກ 14 ວັນດ້ວຍການຜ່ານການ ກວດຕົວຢ່າງຄືນຖ້າເປັນລົບຈຶ່ງຈະສາມາດກັບໄປຫາຄອບຄົວໄດ້ປົກກະຕິ.


    ຄາດວ່າຈະອອກຈາກບ່ອນກັກໂຕວັນທີ 1/6/21 ນີ້ ວັນທີ 1/6 ແມ່ນວັນເດັກ ມີລູກນ້ອຍ 5 ທ້າວແລະນາງ ລໍຖ້າ ພໍ່ແມ່ມາຮ່ວມວັນເດັກ. ຖ້າສະພາບການບໍ່ເຄັ່ງຄຶງຄືນມາອີກວິ້ງວອນທຸກຄົນ ພ້ອມກັນປະຕິບັດ ຖ້າບໍ່ເຫັນແກ່ຕົນເອງ ກໍ່ໃຫ້ເຫັນແກ່ ແພດຫມໍ… ພວກເພີ່ນຈະໄດ້ກັບເຮືອນຫລືບໍ່ ຂຶ້ນກັບ ການປະພຶດຂອງພວກເຮົາແຕ່ລະຄົນ.
    3 ສະເຫນີຂັ້ນເທິງກ່ຽວຂ້ອງ ຍ້ອງຍໍເປັນແຕລະໄລຍະແຕ່ລະບັ້ນໄປໂລດ
    ອີກປະການຫນື່ງ ເມື່ອສໍາເລັດແ່ຕ່ລະບັ້ນຮົບ ກໍ່ຄວນສະຫຼຸບຕີລາຄາ ຍອ້ງຍໍຜົນງານ ປະດັບຫຼຽນກາຫຼຽນໄຊ ແລະ ມອບໃບຍ້ອງຍໍ ໃຫ້ ບັນດານັກຮົບພວກເຮົາເປັນແ່ລະໄລຍະ. ມັນແມ່ນນໍ້າໃຈເສຍສະຫລະອັນສູງສົ່ງ ແລະເອົາຊີວິດເຂ້າສ່ຽງ ບໍ່ຕ່າງຫຍັງກັບບັ້ນຮົບຕີສັດຕູໃນສົງຄາມ.

    .

    ວິທະຍຸໂທລະພາບ ແລະສື່ຄວນ ຈັດລາຍການສໍາພາດ ບັນດານັກຮົບດ້ວຍ
    ຂອບໃຈ ຂໍ້ມູນ ຮູບ ຂອງທ່ານ ດຣ.ນາງສົມອາພອນຈັນກອງສິນ