ຄົນຫ້ອງແຖວບໍ່ຢຸດຊຸມແຊວເລື່ອງລາວໂຄວິດບານປາຍແນ່ນອນ

    0
    26

    ກ່ອນໜ້ານີ້ໃຜກໍວ່າໂຄວິດຕິດແຕ່ຄົນໄຮໂຊ ເພາະຄົນໄຮໂຊມັກເລາະມັກມີການຄົບຄ້າສະມາຄົມກັບຄົນໝູ່ມາກຈິ່ງຕິດຈາກກຸ່ມນັ້ນເປັນຫຼັກ ແຕ່ຕອນນີ້ປ່ຽນໄປແລ້ວ ໂຄວິດເລີ່ມລາມມາສູ່ຄົນຫ້ອງແຖວແລ້ວ ແລະຍັງປະກົດເຫັນຫ້ອງແຖວຫຼາຍບ່ອນມັກກິນເຂົ້າກິນເບຍຊຸມກັນຕາມນິໄສການກິຮເຂົ້າສາມັກຄີບໍມີປ່ຽນແປງ ເລື່ອງນີ້ອາດບານປາຍຖ້າທຸກຄົນຍັງຖືເບົາຢູ່.

    ຕາມລາຍງານຂອງຄະນະສະເພາະກິດຄວບຄຸມ, ປ້ອງກັນ, ສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ-19 ຖະແຫຼງຂ່າວລາຍງານສະພາບການລະບາດຂອງພະຍາດໂຄວິດ-19 ໃນປະເທດເຮົາ ປະຈໍາວັນທີ 23 ພຶດສະພາ 2021 ພົບຜູ້ຕິດເຊື້ອໂຄວິດ-19 ເພີ່ມ 19ຄົນ.

    ໃນຈໍານວນຜູ້ຕິດເຊື້ອໂຄວິດ-19 ໃໝ່ຈໍານວນ 19ຄົນນັ້ນ ຢູ່ນະຄອນຫຼວງວຽງຈັນ 4ຄົນ, ຈໍາປາສັກ 5ຄົນ, ສະຫວັນະເຂດ 5ຄົນ ແລະ ຄໍາມ່ວນ 5ຄົນ.

    ທັ້ງນີ້ ຄະນະສະເພສະກິດໄດ້ໃຫ້ຂໍ້ມູນກ່ຽວກັບທາມລາຍທີ່ຜູ້ຕິດເຊື້ອໂຄວິດ-19 ໃນນະຄອນຫຼວງວຽງຈັນໄດ້ເດີນທາງໄປຄື: ຫ້ອງແຖວບ້ານໂນຫວາຍ ໜ່ວຍ 34 ຮ່ອມ7 ເມືອງໄຊເສດຖາ(ບ່ອນຜູ້ຕິດເຊື້ອອາໄສຢູ່); ຫ້ອງແຖວບ້ານທາດຫຼວງໃຕ້ ຮ່ອມຫຼັງທາດຫຼວງ; ຫ້ອງແຖວບ້ານເມືອງນ້ອຍ ຮ່ອມ 5 ຫຼັງໂຮງຮຽນກົດໝາຍ ເມືອງໄຊເສດຖາ ແລະ ຫ້ອງແຖວບ້ານດົງຄໍາຊ້າງ ຮ່ອມ 10 ຕິດເສັ້ນທາງໃຫຍ່ ໂຮງຮຽນການເງິນດົງຄໍາຊ້າງ.

    ທັ້ງນີ້ ຂໍ້ມູນດັ່ງກ່າວ ເປັນພຽງຂໍເມູນເບື້ອງຕົ້ນເທົ່ານັ້ນ ລາຍລະອຽດເພີ່ມເຕີມຍັງສືບຕໍ່ສືບສວນອີກຢູ່ ເອີ້ນວ່າມັນລາມໄປຫຼາຍບ່ອນຫຼາຍທີ່ແລ້ວ ຖ້າພວກເຮົາປະໝາດນອກຈາກຈະບໍມີໂອກາດຫາເງິນຈ່າຍຄ່າຫ້ອງແຖວແລ້ວຍັງຕ້ອງໄປປິ່ນປົວຍາວນານ ເວົ້າຄວາມຂີ້ຮ້າຍຖ້າຖືກຄາວຊວຍອາດບໍໄດ້ກັບມາອີກ.

    ທີ່ເວົ້າແບບນີ້ບໍ່ແມ່ນໂຈມຕີຄົນຫ້ອງແຖວ ແຕ່ທີ່ປະກົດເຫັນຍັງມີຄົນທີ່ອາໄສຢູ່ຫ້ອງແຖວຫຼາຍບ່ອນຖືເບົາບໍ່ຮັກສາໄລຍະຫ່າງທາງສັງຄົມ ຍັງຊື້ເຫຼົ້າເບຍມາກິນຊຸມກັນນັ່ງຟັງເພງມ່ວນໆແບບບໍ່ສະທົກສະທ້ານຕໍ່ກະແສໂຄວິດລະບາດແຕ່ຢ່າງໃດ ຈິ່ງຢາກໃຫ້ທຸກຄົນຄວນຕື່ນ ແລະຫ່າງກັນໄວ້ກ່ອນໃນຊ່ວງທີ່ເກີດການລະບາດຂອງເຊື້ອພະຍາດຄືປະຈຸບັນ.