​ຜູ້ປ່ອຍ ຂ ່ າ ວ ປ ອ ມ ວ່າຍົກຕົກ​ຢູ່​ເມືອງຊຽງເງິນ ຖືກສຶກສາອົບຮົມ ແລະ​ ເຮັດບົດບັນທຶກ

0
140

​ຜູ້ປ່ອຍ ຂ ່ າ ວ ປ ອ ມ ວ່າຍົກຕົກ​ຢູ່​ເມືອງຊຽງເງິນ ຖືກເຈົ້າໜ້າທີ່ສຶກສາອົບຮົມ ແລະ​ ເຮັດບົດບັນທຶກ,​ ຖ້າເຮັດຜິດອີກຈະຖືກດຳເນີນຄະດີຕາມລະບຽບກົດໝາຍໃນວັນທີ 21 ພຶດສະພາ 2021 ພັທ ສິງແກ້ວ ວົງພະຈັນ ຫົວໜ້າພະແນກສືບ ສວນຄະດີອາຍາ ກົມຕໍາຫຼວດສືບສວນ- ສອບສວນ ກ່າວວ່າ: ພາຍຫຼັງຄຼິບດັ່ງກ່າວ ໄດ້ເຜີຍແຜ່ອອກມາສູ່ສັງຄົມ, ເຈົ້າໜ້າທີ່ວິຊາສະເພາະ ກໍໄດ້ຕິດຕາມຕົວຫາຜູ້ໂພດຄຼິບດັ່ງກ່າວ ລົງສື່ອອນລາຍ ແລະ ຮູ້ວ່າ TikTok ດັ່ງກ່າວ ແມ່ນຊື່ @maisee

4433, ຜ່ານການຕິດ ຕາມຢ່າງເອົາໃຈໃສ່ ກໍຮູ້ວ່າເຈົ້າຂອງ TikTok ໄດ້ພັກເຊົາ ຢູ່ຫ້ອງແຖວເຂດບ້ານພະຂາວ ເມືອງໄຊທານີ ນະຄອນຫຼວງວຽງຈັນ.
ມາໃນວັນທີ 20 ພຶດສາພາ 2021 ກໍສາມາດກັກຕົວຜູ້ກ່ຽວ ມາສອບສວນ; ຜ່ານການສອບສວນ ຈຶ່ງຮູ້ວ່າຜູ້ກ່ຽວ ຊື່ ທ້າວ ໄມສີ ອາຍຸ 23 ປີ ເປັນຄົນຢູ່ບ້ານເມືອງຈໍາ ເມືອງໄຊຈໍາພອນ ແຂວງບໍລິຄໍາໄຊ ແລ້ວມາພັກເຊົາຢູ່ບ້ານພະຂາວ ແລະ ຜູ້ກ່ຽວ ຍັງຮັບວ່າ ເຫດການທີ່ຕົນໂພດລົງ TikTok ໃນຄັ້ງວັນທີ 17 ພຶດ

ສະພາ 2021 ວ່າເກີດເຫດຍົນບັນທຸກຜູ້ໂດຍສານຕົກຢູ່ເມືອງຊຽງເງິນ ແຂວງຫຼວງພະບາງ ແມ່ນບໍ່ມີມູນຄວາມຈິງ, ຕົນເຮັດເພື່ອຢາກໄດ້ຍອດໄລ, ຍອດແຊເທົ່ານັ້ນ​ ແລະ​ ເຈົ້າໜ້າທີ່ຕໍາຫຼວດ ແມ່ນໄດ້ສຶກສາອົບຮົມກ່າວຕັກເຕືອນ, ພ້ອມທັງເຮັດບົດບັນທຶກໄວ້ເປັນຫຼັກຖານຕໍ່ກັບ ທ້າວ​ ໄມສີ, ຫາກມີການກະທຳຜິດກ່ຽວກັບການສ້າງສະຖານະການ ຫຼື ໂພດຂ່າວທີ່ບໍ່ມີມູນຄວາມຈິງລົງສື່ອອນລາຍອີກ ຈະຖືກດຳເນີນຄະດີຕາມລະບຽບກົດໝາຍ.

ເນື້ອໃນຂ່າວຄວາມສະຫງົບ