ເມົ າກາ ວແລ້ ວຂົ່ ມຂື ນແ ມ່ຕູ້ 70 ປີ ພ້ອມທຸ ບຕີຈົ ນເສ ຍຊີວ ິດ

    0
    75

    – ວັ ນທີ 18 ພຶດສະພາ ຜ່ານມາ, ເຈົ້າໜ້ າທີ່ກອງບັນຊາການ ປກສ ເມືອງທ່າແຂກ ແຂວງຄຳມ່ວນ ໄດ້ນຳຕົວຜູ້ກະທຳຜິດຊື່ທ້າວ ຕໍ່ ຫຼື ຈະລີ ອາຍຸ 25 ປີ ຢູ່ບ້ານນາກຸ່ມ ເມືອງທ່າແຂກ ໃນຂໍ້ຫາເສບສານລະເຫີຍ ( ກາວ3K ) ໄດ້ຂົ່ມຂືນກະທໍາຊໍາເລົາ ແລະ ຄາດຕະກໍາ ແມ່ຕູ້ສົມ ອາຍຸ 70 ປີ ຄົນບ້ານດຽວກັນ.


    – ເຈົ້າໜ້າທີ່ ປກສ ເມືອງທ່າແຂກ ໃຫ້ຮູ້ວ່າ: ເວລາປະມານ 8:20 ໂມງ ຂອງວັນທີ 17 ມີນາ 2021,ຜູ້ກະທຳຜິດໄດ້ໄປຊື້ກາວ 3K ຢູ່ທີ່ຕະຫຼາດບ້ານນາສະອາດ ຈຳນວນ 1 ປ໋ອງ ໃນລາຄາ 10.000 ກິີບ, ແລ້ວກໍໄດ້ເອົາໄປດົມຄົນດຽວຈົນມີຄວາມມືນເມົາ.ໃນເວລານັ້ນ, ຜູ້ກ່ຽວກໍໄດ້ແນມເຫັນ ແມ່ຕູ້ສົມ ທີ່ກຳລັງຂຸດກະປູຢູ່ທົ່ງນາ. ຫຼັງຈາກນັ້ນ, ຜູ້ກ່ຽວຍ່າງໄປຫາ ແມ່ຕູ້ສົມ ເພື່ອບັງຄັບແມ່ຕູ້ສົມ ຮ່ວມເພດສຳພັນກັບຜູ້ກ່ຽວ, ແຕ່ແມ່ຕູ້ສົມ ໄດ້ປະຕິເສດ ແລະ ເວົ້າວ່າ ຈະເອົາເງິນໃຫ້ 4.000 ກີບ, ເມື່ອໄດ້ຍິນແນວນັ້ນ ທ້າວ ຕໍ່ ເກີດຄວາມຢາກຮ້າຍ ແລ້ວໃຊ້ມືຍູ້ແມ່ຕູ້ສົມ ຈົນລົ້ມລົງພື້ນດິນ ແລ້ວກໍໄດ້ຂົ່ມຂືນຈົນສຳເລັດ.

    – ຫຼັງຈາກນັ້ນ, ຜູ້ກ່ຽວ ຄິດຢ້ານແມ່ຕູ້ສົມ ໄປບອກຄອບຄົວຍາດພີ່ນ້ອງ ຈຶ່ງຈັບເອົາໄມ້ຄ້ອນ ຍາວປະມານ 70 ຊັງຕີເເມັດ ທຸບຕີແມ່ຕູ້ຫຼາຍບາດ ພ້ອມທັງ ໃຊ້ກຳປັ້ນຕີໃບໜ້າ ຈົນແມ່ຕູ້ໝົດສະຕິໄປ.ຈາກນັ້ນ, ກໍກັບໄປດົມກາວທີ່ຍັງເຫຼືອຕໍ່ຢູ່ຖຽງນາບ່ອນເກົ່າຫ່າງ ຈາກຈຸດເກີດເຫດ ປະມານ 45 ແມັດ ແລ້ວກໍໄດ້ເອົາຕົວລົບໜີ. ຕໍ່ມາ ມີຄົນໄປພົບເຫັນແມ່ຕູ້ສົມ ທີ່ໄດ້ຮັບບາດເຈັບສາຫັດ ແລະ ໝົດສະຕິຢູ່ ຈຶ່ງໄປບອກຍາດພີ່ນ້ອງຂອງແມ່ຕູ້ສົມ ແລ້ວນຳສົ່ງໄປປິ່ນ ປົວຢູ່ໂຮງໝໍແຂວງຄຳມ່ວນ, ມາຮອດເວລາ 16:30 ໂມງຂອງວັນດຽວກັນ ແມ່ຕູ້ສົມ ກໍເສຍຊີວິດ.


    – ໃນວັນດຽວກັນ, ເຈົ້າໜ້າທີ່ຕຳຫຼວດ ປກສ ກຸ່ມເໝືອງບ່າ ໄດ້ສົມທົບກັບການຈັດຕັ້ງບ້ານນາກຸ່ມ ກໍສາມາດຕິດຕາມຈັບທ້າວຕໍ່ ສົ່ງໃຫ້ກອງບັນຊາການ ປກສ ເມືອງທ່າແຂກ ດຳເນີນຄະດີຕາມຂັ້ນຕອນຂອງກົດໝາຍຕໍ່ໄປ.
    ຂໍສະແດງຄວາມເສຍໃຈຕໍ່ກັບຄອບຄົວຜູ້ເສຍຊີວິດນຳດ້ວຍ.

    ທີ່ມາ: ຂ່າວ ເດັ່ນ ຂ່າວດັງ