ຊົມເຊີຍ..!! ເຈົ້າເມືອງ ວຽງທອງ ແລະ ເຈົ້າຫນ້າທີ່ ທໍາລາຍຊິ້ນສ່ວນສັດປ່າ

    0
    60

    ໃນວັນທີ 21 ພຶດສະພານີ້ ຢູ່ຫ້ອງການກະສິກໍາ ແລະ ປ່າໄມ້ເມືອງວຽງທອງ ໄດ້ຈັດພິທີທໍາລາຍຊິ້ນສ່ວນສັດປ່າ ໂດຍເປັນກຽດເຂົ້າຮ່ວມຂອງທ່ານ ຄໍາແພນ ວິລື້ທໍາ ເຈົ້າເມືອງວຽງທອງ, ມີຫົວໜ້າ, ຮອງຫ້ອງການ, ພະນັກງານ, ນາຍບ້ານ ແລະ ເຈົ້າໜ້າທີທີ່ກ່ຽວຂ້ອງເຂົ້າຮ່ວມ.


    ທ່ານ ອາດ ພົມມະສານ ຫົວໜ້າຫ້ອງການກະສິກໍາ ແລະ ປ່າໄມ້ເມືອງວຽງທອງ ໄດ້ລາຍງານໃຫ້ຮູ້ກ່ຽວກັບສະພາບການຈັດຕັ້ງປະຕິບັດໃນການຕິດຕາມກວດກາການເຄື່ອນໄຫວຂອງເຈົ້າໜ້າທີໃນໄລຍະຜ່ານມາ. ເຊິ່ງຊິ້ນສ່ວນສັດປ່າທີ່ເຈົ້າໜ້າທີຢຶດໄດ້ມາທໍາລາຍໃນຄັ້ງນີ້ປະກອບມີ: ຊິ້ນສ່ວນໝູປ່າ 99 ກິໂລ ແລະ ຟານ 2 ໂຕ ໜັກ 27 ກິໂລ, ການທໍາລາຍ ແມ່ນໄດ້ໃຊ້ວິທີຂຸດຂຸມຝັງ. ຈາກນັ້ນ ທ່ານ ເຈົ້າເມືອງ ຍັງໄດ້ໄປເບິ່ງຟາມການປູກຫຍ້າລ້ຽງງົວຂອງຫ້ອງການກະສິກໍາ ແລະ ປ່າໄມ້.


    ຂ່າວ: ກ້ອງ ປາເຢັງລີ