ຄິວລົດສາຍໃຕ້ຊີ້ແຈງ! ຂ່າວເປີດບໍລິການໂດຍສານແຕ່ວັນທີ 18ພຶດສະພານັ້ນ ເປັນຂ່າວປອມ

    0
    26

    ເປັນອີກຂ່າວທີ່ປະຊາຊົນໃຫ້ຄວາມສົນໃຈຈໍານວນຫຼາຍ ເມື່ອມີກຸ່ມຄົນບໍ່ຫວັງດີ ບໍ່ມີຂໍ້ມູນທາງການ ອອກມາເຮັດຂ່າວປັ່ນປ່ວນສັງຄົມວ່າຄິວລົດສາຍໃຕ້ເປີດບໍລິການແລ່ນລົດໂດຍສານແລ້ວເມື່ອວັນທີ 18 ພຶດສະພາ 2021 ທີ່ຜ່ານມາ.

    ຫຼ້າສຸດ ເພຈສະຖານີຂົນສົ່ງໂດຍສານສາຍໃຕ້ Bus station – southern and international ໄດ້ອອກມາໂພສຂໍ້ຄວາມຊີ້ແຈງກ່ຽວກັບປະເດັນດັ່ງກ່າວແລ້ວ.

    ໂດຍເພຈໃຫ້ຮູ້ວ່າ: ມື້ນີ້ ວັນທີ 20 ພຶດສະພາ 2021 ທາງສະຖານີ ກຳລັງລໍຖ້າເອກະສານແຈ້ງການຂອງລັດຖະບານຢູ່ ວ່າ ມື້ອື່ນວັນ 21/5/2021 ຈະໄດ້ ເປີດບໍລິການ ຫລື ສືບຕໍ່ປິດ , ສະນັ້ນຈື່ງແຈ້ງມາຍັງຜູ້ໂດຍສານທຸກທ່ານຊາບ, ຖ້າໄດ້ຮັບເອກະສານແລ້ວ ມື້ນີ້ທາງເຮົາຈະໂພດແຈ້ງລົງຫນ້າ Page ໃຫ້ທຸກທ່ານຮັບຮູ້ໃນເວລາ 17:00 ໂມງ , ສ່ວນຂ່າວທີ່ວ່າເປີດຄິວ ວັນທີ 18/5/2021 ທີ່ຜ່ານມາແມ່ນຂ່າວປອມເດີ້ເຈົ້າ.

    ແນວໃດກໍ່ຕາມ ເຕືອນທຸກຄົນຈົ່ງເສບຂ່າວຢ່າງມີສະຕິ ແລະ ລໍຖ້າຟັງຂໍ້ມູນທຸກຢ່າງຈາກທາງການເທົ່ານັ້ນ ຈຶ່ງຈະບໍ່ເກີດຄວາມສົບສົນ.