ຊົມເຊີຍ ແຂວງຜົ້ງສາລີ ສໍາເລັດການ ປ ິ ່ນ ປ ົວ ຜ ູ ້ ຕ ິ ດ ເຊ ື ້ອ ໂ ຄ ວ ິ ດ ທັງໝົດ 4 ກໍລະນີ

0
101

ທີມແພດໂຮງໝໍແຂວງຜົ້ງສາລີ ໄດ້ປະສົບຜົນສຳເລັດໃນການ ປ ິ ່ນ ປ ົວ ຜ ູ ້ ຕ ິ ດ ເຊ ື ້ອ ໂ ຄ ວ ິ ດ ທັງໝົດ 4 ກໍລະນີຂອງແຂວງ, ໃນຕອນເຊົ້າຂອງວັນທີ 18 ພຶດສະພາ 2021 ນີ້, ຢູ່ທີ່ໂຮງໝໍແຂວງຜົ້ງສາລີ ໄດ້ຈັດພິທີສົ່ງ ຜ ູ ້ ຕ ິ ດ ເຊ ື ້ອ ໂ ຄ ວ ິ ດ ທັງ 4 ກໍລະນີຢູ່ແຂວງຜົ້ງສາລີ ຂື້ນຢ່າງເປັນທາງການ. ໂດຍການເຂົ້າຮ່ວມຂອງທ່ານ ດຣ ບຸນສາລີ ຈີດດາພອນ ຫົວໜ້າພະແນກສາທາລະນະສຸກແຂວງ, ທ່ານ ດຣ ຄຳເພັດ ຈອມອຸ່ນມີໄຊ ອຳນວຍການໂຮງໝໍແຂວງພ້ອມດ້ວຍແພດ, ໝໍ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ຕາມການລາຍງານຂອງ ທ່ານ ດຣ ຄຳເພັດ ຈອມອຸ່ນມີໄຊ ອຳນວຍການໂຮງໝໍແຂວງໃຫ້ຮູ້ວ່າ: ນັບແຕ່ວັນທີ 26 ເມສາ 2021 – ວັນທີ 5 ພືດສະພາ 2021 ແຂວງຜົ້ງສາລີພົບ ຜ ູ ້ ຕ ິ ດ ເຊ ື ້ອ ໂ ຄ ວ ິ ດ ຈຳນວນ 4 ຄົນ ແລະ ໄດ້ເຂົ້າມາຮັບການປີ່ນປົວຢູ່ໂຮງໝໍແຂວງ ນັບແຕ່ ວັນທີ 26 ເມສາ ຈົນເຖີ່ງ ວັນທີ 18 ພືດສະພາ 2021 ແມ່ນສາມາດປີ່ນປົວຄົນໄດ້ທັງໝົດ. ສຳລັບກໍລະນີ ທີ່ 1 ແມ່ນ ທ້າວ ສົມທອງ ລັດສະໜີ ອາຍຸ 23 ປີ ຢູ້ບ້ານກອງຂຸ່ມ, ເມືອງສຳພັນ, ແຂວງຜົ້ງສາລີ, ເປັນນັກສືກສາ ປີ 3 ສາຂາອັກສອນສາດ ຢູ່ແຂວງຟູຈ່ຽງ, ສ ປ ຈີນ. ຜູ້ກ່ຽວໄດ້ປີ່ນປົວ ຢູ່ໂຮງໝໍແຂວງ ເປັນເວລາ 15 ວັນ ແຕ່ວັນທີ 27 ເມສາ – 12 ພຶດສະພາ 2021.

ກໍລະນີ ທີ 2 ແມ່ນ ທ້າວ ອານົນ ທຳມະວົງ ອາຍຸ 38 ປີ ຢູ່ບ້ານ ໂພນແກ້ວ ເມືອງ ແລະ ແຂວງຜົ້ງສາລີ, ເປັນພະນັກງານສັງກັດລັດ ຢູ່ພະແນກກະສີກຳ ແລະ ປ່າໄມ້ແຂວງ, ຜູ້ກ່ຽວໄດ້ປີ່ນປົວ ຢູ່ໂຮງໝໍແຂວງ ເປັນເວລາ 19 ວັນ ແຕ່ວັນທີ 29 ເມສາ – 18 ພຶດສະພາ 2021. ກໍລະນີ ທີ 3 ແມ່ນ ນາງ ນ້ອຍຈັນສະໝອນ ສີພັນ ອາຍຸ 45 ປີ ຢູ່ບ້ານ ໂພນສະອາດ ເມືອງ ແລະ ແຂວງຜົ້ງສາລີ, ເປັນພະນັກງານສັງກັດລັດພະແນກສາທາລະນະສຸກແຂວງ ຜູ້ກ່ຽວໄດ້ປີ່ນປົວ ຢູ່ໂຮງໝໍແຂວງ ເປັນເວລາ 14 ວັນ ແຕ່ວັນທີ 5 – 18 ພຶດສະພາ 2021. ກໍລະນີ ທີ 4 ແມ່ນ ນາງ ບົວແສງ ພິມມະຈັນ ອາຍຸ 40 ປີ ຢູ່ບ້ານ ໂນນສະຫ່ວາງ ເມືອງບຸນເໜືອ, ແຂວງຜົ້ງສາລີ. ເປັນພະນັກງານສັງກັດລັດຢູ່ໂຮງໝໍແຂວງ, ຜູ້ກ່ຽວໄດ້ປີ່ນປົວ ຢູ່ໂຮງໝໍແຂວງ ເປັນເວລາ 14 ວັນ ແຕ່ວັນທີ 5 – 18 ພຶດສະພາ 2021.

ສຳລັບການປິ່ນປົວຢູ່ທີ່ໂຮງໝໍແຂວງຜົ້ງສາລີ ແມ່ນທີມແພດໄດ້ເອົາໃຈໃສ່ປິ່ນປົວ, ຕິດຕາມອາການຂອງຄົນເຈັບຢ່າງເປັນປົກກະຕິ ແລະ ຕໍ່ເນື່ອງ, ຜ່ານການກວດຫາເຊື້ອຈຳນວນ 3 ຄັ້ງ, ອາການຂອງຜູ້ກ່ຽວທັງໝົດກໍ່ປົກກະຕິ ບໍ່ມີໄຂ້, ໄອ,ຈາມ, ບໍ່ເມື່ອຍ, ບໍ່ຫາຍໃຈຜືດ, ກິນ-ດື່ມໄດ້ດີ, ມີແນວຄິດທຸ່ນທ່ຽງປະຕິບັດຕາມຄຳແນະນຳຂອງແພດ-ໝໍໄດ້ເປັນຢ່າງດີ.ສໍາລັບແພດທີ່ເຂົ້າປິ່ນປົວ ແລະ ຄົນເຈັບທີ່ໄດ້ຮັບການປີ່ນປົວໃນຄັ້ງນີ້, ຍັງຈະໄດ້ສືບຕໍ່ ກັກບໍລິເວນຕົນເອງຈຳນວນ 14 ວັນ, ຈິ່ງຈະໄດ້ກັບໄປຢູ່ນໍາຄອບຄົວ ແລະ ໃຊ້ຊີວິດປົກກະຕິໄດ້.