ເຫດແຜ່ນດິນໄຫວ ຢູ່ແຂວງ ວຽງຈັນ ຄວາມແຮງ 2.9 ຣີກເຕີ

0
149

ລາຍງານສະພາບການເກີດແຜ່ນດິນໄຫວ ໃນຄັ້ງວັນທີ 18 ພຶດສະພາ 2021, ເວລາ 17:06 ໂມງ ລາຍງານການເກີດແຜ່ນດິນໄຫວ ຈາກສູນຂໍ້ມູນ ຂ່າວສານແຜ່ນດິນໄຫວແຫ່ງຊາດລາວ ໃນຂອບເຂດທົ່ວປະເທດ ຊຶ່ງໄດ້ພົບສັນຍານການເກີດແຜ່ນດິນໄຫວພາຍໃນປະເທດລາວ ຈຳນວນ 01 ຄັ້ງ, ໃນບໍລິເວນແຂວງວຽງຈັນ. ໃນເວລາ 17:06:58

ໂມງ ຂອງໂມງທ້ອງຖິ່ນ ໄດ້ພົບສັນຍານແຜ່ນດິນໄຫວ ຈຸດສູນກາງເສັ້ນຂະໜານທີ 18.87 ອົງສາເໜືອ ແລະ ເສັ້ນແວງທີ 102.44 ອົງສາຕາເວັນອອກ ຄວາມແຮງສັ່ນສະເທືອນວັດແທກໄດ້ 2.9 ຣີກເຕີ, ເຊິ່ງມີຄວາມເລິກ ຈາກເທິງໜ້າດິນປະມານ 4 KM ຈຸດສູນກາງເກີດແຜ່ນດິນໄຫວຢູ່ທີ່ ບ້ານໂພນສຸງ ເມືອງວັງວຽງ ແຂວງວຽງຈັນ, ເຊິ່ງຈຸດເກີດແຜ່ນດິນໄຫວ ແມ່ນຫ່າງຈາກເທສະບານ ເມືອງວັງວຽງ ປະມານ 6 KM. ໃນເບື້ອງຕົ້ນຍັງບໍ່ມີລາຍງານຜົນເສຍຫາຍ.