ຄືມາດີແທ້ ແຈກຫວຍໃຫ້ປະຊາຊົນທີ່ມາສັກວັກຊີນ ຖ້າຖືກຈະໄດ້ 1 ລ້ານໂດລາ

0
515

ວັນທີ 13 ພຶດສະພາ ສະຫາລັດອາເມລິກາ ກຳລັງຫາວິທີທາງ ເພື່ອເປັນແຮງຈູງໃຈໃຫ້ປະຊາຊົນມາສັກວັກຊີນ ໂ ຄ ວ ິ ດ ຫຼັງທີ່ປະຊາຊົນເລີ່ມມາສັກວັກຊີນໜ້ອຍລົງ ແລະ ເພື່ອໃຫ້ອາເມຣິກາສາມາດປະກາດ “ເອກະລາດຈາກ ໂ ຄ ວ ິ ດ ” ໃຫ້ໄດ້ພາຍໃນວັນຊາດ ທີ 7 ກໍລະກົດ ຈະມາຮອດນີ້.

ຫຼ້າສຸດ, ລັດໂອໄຮໂອ ມີຄວາມຄິດສຸດສ້າງສັນຄື ການເຮັດຫວຍວັກຊີນ ຫຼື Lottery Vaccine ໂດຍຈະແຈກໃຫ້ຄົນທີ່ມາສັກວັກຊີນ ໂ ຄ ວ ິ ດ ທຸກຄົນ ແລະ ຈະປະກາດຜູ້ໂຊກດີ ທີ່ຖືກຫວຍ ອາທິດ ລະ 5 ຄົນ ໂດຍມີເງິນລາງວັນເປັນເງິນສົດ ຄົນ ລະ 1 ລ້ານ ໂດລາ.

ເງື່ອນໄຂລາງວັນມີຄື: ຖ້າເປັນຜູ້ໃຫຍ່ທີ່ມີອາຍຸ 18 ປີ ຂື້ນໄປ ກໍຈະໄດ້ຮັບຫວຍ ແລະ ມີສິດລຸ້ນເງິນລ້ານ ແຕ່ຖ້າແມ່ນຜູ້ທີ່ມີອາຍຸຕ່ຳ ກວ່າ 18 ປີ ມາສັກວັກຊີນ ກໍຈະໄດ້ຮັບຫວຍເຊັ່ນກັນ ແຕ່ລາງວັນ ຈະກາຍເປັນທຶນການສຶກສາແທນ ເຊິ່ງເປັນທຶນຮຽນຈົບ 4 ປີ ໃນມະຫາວິທະຍາໄລຕ່າງໆ ໃນລັດໂອໄຮໂອ.