ມາດຕະການປ້ອງກັນ ແລະ ຄວບຄຸມການແພ່ລະບາດຂອງ ໂ ຄ ວ ິ ດ ຂອງລັດຖະບານລາວ ເປັນໜ້າຍ້ອງຍໍຊົມເຊີຍ

0
179

ມາດຕະການປ້ອງກັນ ແລະ ຄວບຄຸມການແພ່ລະບາດຂອງພະຍາດໂ ຄ ວ ິ ດ ຂອງລັດຖະບານລາວ ເປັນໜ້າຍ້ອງຍໍຊົມເຊີຍຂປລ. ຫວ່າງມໍ່ໆມານີ້, ທ່ານ ພັນຄຳ ວິພາວັນ ນາຍົກລັດຖະມົນຕີ ແຫ່ງ ສປປ ລາວ ໄດ້ກ່າວຢ່າງຈະແຈ້ງວ່າ: ຕ້ອງສືບຕໍ່ໃຊ້ມາດຕະການທີ່ເຂັ້ມງວດທີ່ມີຢູ່ໃນປັດຈຸບັນ ເພື່ອສະກັດກັ້ນການແພ່ລະບາດຂອງພະຍາດ ໂ ຄ ວ ິ ດ. ສະນັ້ນ, ຈະຕ້ອງປະຕິບັດມາດຕະການປິດເມືອງໃນຂອບເຂດທົ່ວປະເທດ ຈົນເຖິງວັນທີ 20 ພຶດສະພາ ນີ້.

ວັນທີ 12 ພຶດສະພາ ນີ້, ຜູ້ຖືກບົ່ງມະຕິເປັນພະຍາດ ໂ ຄ ວ ິ ດ ເພີ່ມໃໝ່ໃນປະເທດລາວ ມີ 55 ກໍລະນີ, ລວມທັງໝົດເປັນ 1.417 ກໍລະນີ; ປິ່ນປົວດີ ແລະ ອອກໂຮງໝໍແລ້ວ 328 ຄົນ, ຜູ້ທີ່ພວມປິ່ນປົວຢູ່ໂຮງໝໍ ມີ 1.088 ຄົນ ແລະ ມີຜູ້ເສຍຊີວິດ 1 ຄົນ. ເຖິງແມ່ນວ່າພະຍາດ ໂ ຄ ວ ິ ດ ຍັງແພ່ລະບາດໃນປະເທດລາວ, ແຕ່ກໍບໍ່ຮ້າຍແຮງຄືຫລາຍມື້ທີ່ຜ່ານມາ. ທ່ານ ພັນຄຳ ວິພາວັນ ກ່າວວ່າ: ລັດຖະບານເຫັນວ່າ ມາດຕະການປິດເມືອງ ໄດ້ສ້າງຄວາມຫຍຸ້ງຍາກໃຫ້ແກ່ຊີວິດປະຈຳວັນຂອງ

ປະຊາຊົນ, ແຕ່ພວກເຮົາຈຳເປັນຕ້ອງຮຽກຮ້ອງໃຫ້ໝົດທຸກຄົນປະຕິບັດຕາມ ແລະ ຮັກສາອາລົມເຢັນໄວ້ ເພື່ອຄວບຄຸມການແພ່ລະບາດຂອງພະຍາດ ແລະ ຈະເອົາຊະນະການແພ່ລະບາດຂອງພະຍາດໃນທີ່ສຸດ. ທ່ານ ນາຍົກລັດຖະມົນຕີ ໄດ້ໃຫ້ຄຳໝັ້ນສັນຍາວ່າ ລັດຖະບານຈະສ້າງຄວາມສະດວກຈົນສຸດຄວາມສາມາດ ເພື່ອໃຫ້ປະຊາຊົນສາມາດຟື້ນຟູຊີວິດການເປັນຢູ່ທີ່ເປັນປົກກະຕິໄດ້ເປັນກ້າວໆ. ນະທີ່ນີ້, ພວກເຮົາກໍຂໍສະແດງຄວາມຍ້ອງຍໍຊົມເຊີຍຕໍ່ມາດຕະການປິດເມືອງຂອງລັດຖະບານລາວ. ຍ້ອນວ່າມາດຕະການປິດເມືອງທີ່ຈຳເປັນແມ່ນວິທີທີ່ດີທີ່ສຸດ ແລະ ມີປະສິດທິຜົນທີ່ສຸດໃນການສະກັດກັ້ນການແພ່ລະບາດຂອງພະຍາດ.

ໂດຍຖືເອົາ ນະຄອນອູຮັ້ນ ຂອງຈີນ ເປັນແບບຢ່າງໃນໄລຍະຕົ້ນທີ່ພົບການແພ່ລະບາດຂອງພະຍາດ, ນັບແຕ່ວັນທີ 23 ມັງກອນ ຫາວັນທີ 8 ເມສາ 2020, ລົດເມ, ລົດໄຟໃຕ້ດິນ, ເຮືອໂດຍສານ ແລະ ລົດໂດຍສານ ລະຫວ່າງຕົວເມືອງໄດ້ໂຈະການບໍລິການທັງໝົດ; ຖ້າບໍ່ມີຄວາມຈຳເປັນພິເສດ, ປະຊາຊົນ ນະຄອນອູຮັ້ນ ກໍບໍ່ສາມາດເດີນທາງອອກນອກເມືອງໄດ້; ສະໜາມບິນ ແລະ ສະຖານີລົດໄຟ ກໍໄດ້ໂຈະການບໍລິການກໍຍ້ອນວ່າໄດ້ໃຊ້ມາດຕະການດັ່ງກ່າວ, ນະຄອນອູຮັ້ນ ຈິ່ງສາມາດຕັດຊ່ອງທາງການແພ່ລະບາດຂອງພະຍາດໄດ້ເປັນຢ່າງດີ, ສາມາດສະກັດກັ້ນການແພ່ລະບາດຂອງພະຍາດ ແລະ ສາມາດຮັບປະກັນຄວາມປອດໄພດ້ານຊີວິດ ແລະ ສຸຂະພາບຮ່າງກາຍຂອງປະຊາຊົນໄດ້.

ເດືອນມິຖຸນາ ປີ 2020, ພາຍຫລັງຕະຫລາດຂາຍຍົກຊິນຟາຕີ້ ຂອງນະຄອນຫລວງປັກກິ່ງ ໄດ້ເກີດມີກໍລະນີຫລາຍຄົນຕິດພະຍາດແລ້ວ, ນະຄອນຫລວງປັກກິ່ງ ໄດ້ສັ່ງໂຈະການບໍລິການຂອງຕະຫລາດດັ່ງກ່າວຢ່າງທັນການ, ເມືອງເຟິງທາຍ ທີ່ເປັນເມືອງຄຸ້ມຄອງຕະຫລາດດັ່ງກ່າວຍັງໄດ້ນຳໃຊ້ກົນໄກສຸກເສີນທັນທີໃນການປິດຕະຫລາດ ແລະ ຄຸ້ມຊຸມຊົນຢູ່ໃກ້ຄຽງຕະຫລາດ, ເປີດກວ້າງຂອບເຂດກວດຫານິວຄະເລອິກ, ນະຄອນຫລວງປັກກິ່ງ ໄດ້ກວດນິວຄະເລອິກໃຫ້ປະຊາຊົນທີ່ເຄີຍເຂົ້າໄປຕະຫລາດດັ່ງກ່າວເປັນຫລາຍແສນຄົນ ໃນທີ່ສຸດກໍສາມາດສະກັດກັ້ນການແພ່ລະບາດຂອງພະຍາດຈາກຕົ້ນກຳເນີດໄດ້.

ພາຍໃຕ້ມາດຕະການປ້ອງກັນ ແລະ ຄວບຄຸມຢ່າງຕັ້ງໜ້າຂອງລັດຖະບານລາວ, ການແພ່ລະບາດຂອງພະຍາດຮອບໃໝ່ໄດ້ຖືກສະກັດກັ້ນໄວ້ຢ່າງບັງເກີດຜົນ, ຈຳນວນຜູ້ຖືກບົ່ງມະຕິເປັນພະຍາດນັບມື້ນັບຫລຸດໜ້ອຍລົງ. ພ້ອມດຽວກັນນີ້, ປະເທດຈີນ ກໍໄດ້ໃຫ້ການຊ່ວຍເຫລືອຢ່າງຕັ້ງໜ້າແກ່ຝ່າຍລາວ ໃນການປ້ອງກັນ ແລະຄວບຄຸມພະຍາດ.

ຕອນບ່າຍວັນທີ 4 ພຶດສະພາ ນີ້, ໜ່ວຍງານຊ່ຽວຊານການແພດຈີນ ໄດ້ເດີນທາງເຖິງນະຄອນຫລວງວຽງຈັນ ແລະ ເລີ່ມປະຕິບັດວຽກງານຢູ່ຫລາຍແຂວງໃນປະເທດລາວ. ວັນທີ 10 ພຶດສະພາ ນີ້, ວັດຖຸອຸປະກອນຕ້ານການແພ່ລະບາດຂອງພະຍາດໂ ຄ ວ ິ ດ ທີ່ລັດຖະບານຈີນ ຊ່ວຍເຫລືອລາວ ງວດໃໝ່ກໍໄດ້ຂົນສົ່ງໄປເຖິງສະໜາມບິນວັດໄຕແລ້ວ. ສິ່ງເຫລົ່ານີ້ລ້ວນແຕ່ໄດ້ສ່ອງແສງໃຫ້ເຫັນເຖິງຈິດໃຈຄູ່ຮ່ວມຊາຕາກຳ ລາວ-ຈີນ ທີ່ຕ່າງກໍຊ່ວຍຊູຍູ້ໜູນກັນ.

ພວກເຮົາເຊື່ອໝັ້ນຢ່າງໜັກແໜ້ນວ່າ: ພາຍໃຕ້ການຊີ້ນຳ ນຳພາທີ່ເຂັ້ມແຂງຂອງພັກ ແລະ ລັດຖະບານລາວ, ພາຍໃຕ້ການສະໜັບສະໜູນທີ່ແຂງແຮງຈາກປະຊາຄົມໂລກ ແລະ ພາຍໃຕ້ການຊ່ວຍເຫລືອຈາກ ສະຫາຍຈີນ ອ້າຍນ້ອງ, ປະຊາຊົນລາວ ຍ່ອມຈະສາມາດຍາດເອົາໄຊຊະນະບັ້ນປ້ອງກັນ ແລະ ຄວບຄຸມການແພ່ລະບາດຂອງພະຍາດ ໂ ຄ ວ ິ ດ ຢູ່ປະເທດລາວ ໄດ້ຢ່າງແນ່ນອນ.

ໂດຍ: CRI