​ທີມ​ແພດ​ຊ່ຽວ​ຊານ ຈາກ ສ​ສ ຫວຽດ​ນາມ ປະຊຸມວາງແຜນຮ່ວມກັບທີມແພດຂອງສປປລາວ ຢູ່ໂຮງໝໍແຂວງຈຳປາສັກ

0
89

ໂຮງໝໍແຂວງຈຳປາສັກລາຍງານວ່າ: ໃນ​ຕອນ​ເຊົ້າ​ຂອງວັນ​ທີ 12 ພຶດ​ສະ​ພາ 2021  ​ທີ່​ ໂຮງ​ໝໍ​ແຂວງຈຳ​ປາ​ສັກ ໄດ້ເປີດກ​ອງ​ປະ​ຊຸມ ວາງ​ແຜນ​ຮ່ວມ​ກັບ ຄະ​ນະ​ທີມ​ແພດ​ຊ່ຽວ​ຊານ ຈາກ ສ​ສ ຫວຽດ​ນາມ.

ໂດຍ​ການ​ເຂົ້າ​ຮ່ວມ ຂອງ ທ່ານ ດຣ ​ປະນອມ ຟອງ​ມະ​ນີ ​ ຮອງຫົວໜ້າກົມອະນາໄມ ແລະ ສົ່​ງ​ເສີມ​ສຸ​ຂະ​ພາບ ກະ​ຊ​ວງ​ສາ​ທາ​ລະ​ນະ​ສຸກ, ທ່ານ.ປອ.ດຣ ເວືອງແອ໋ງເຢືອງ ຮອງກົມຄຸ້ມຄອງກວດ ແລະ ປີ່ນປົວພະຍາດ ສສ ຫວຽດນາມ ພ້ອມຄະນະແພດຊ່ຽວຊານ, ມີ​ທ່ານ ດຣ ຄຳສິງ ແກ້ວ​ທອງກຸ ຜູ້​ອຳ​ນວຍ​ການ​ໂຮງ​ໝໍ​ຈຳ​ປາ​ສັກ, ມີຜູ້ຕ່າງ

ໜ້າຈາກຫ້ອງການກະຊວງສາທາ​ລະ​ນ​ະສຸກ, ​ຕ່າງໜ້າຈາກກົມປີ່ນປົວ-ຟື້ນຟູ ພ້ອມ​ດ້ວຍ​ພະ​ນັກ​ງານ​ແພດ​ໝໍ​​ ໂຮງ​ໝໍ​ແຂວງຈຳ​ປາ​ສັກ​ທີ່​ກ່ຽວ​ຂ້ອງເຂົ້າ​ຮ່ວມ.
ໃນ​ກອງ​ປະ​ຊຸມ ທ່ານ ດຣ ຄຳ​ສິງ ແກ້ວ​ທອງ​ກຸ ຜູ້ອຳນວຍການໂຮງໝໍ​ຈຳ​ປາ​ສັກໄດ້​ລາຍງານສະພາບລວມຂອງການຈັດຕັ້ງປະຕິບັດວຽກງານຄຸ້ມຄອງກໍລະນີ​ຂອງແຕ່ລະສູນໃຫ້​ຄະ​

ນະ​ຜູ້​ແທນກອງ​ປະ​ຊຸມ​ຊາບ​ວ່າ:ປັດຈຸບັນນີ້ ຢູ່​ແຂວງຈຳປາສັກ​ໄດ້​ຂະ​ຫຍາຍ​ສະ​ຖານ​ທີ່ການ​​ປີ່ນ​ປົວ​ຜູ້​ຕິດ​ເຊື້ອ​ພະ​ຍາດ​ ໂ ຄ ວ ິ ດ ໄດ້​ທັງ​ໝົດ 3 ແຫ່ງ ເຊີ່ງ​ປະ​ກອບ​ມີ : ສູນປິ່ນ​ປົວ​ທີ່​ເມືອງໂພນທອງ​ ສາ​ມາດຮອງຮັບຄົນເຈັບໄດ້ 52 ຕຽງ, ໂຮງໝໍພາກສະໜາມ ( ວິທະຍາໄລການເງິນພາກໃຕ້ )​ ສາ​ມາດ​ຮັບ​ຮອງ​ຄົນ​ເຈັບ​ໄດ້ 334 ຕຽງ ແລະ ໂໝໍ

ບໍລິເວນ106 ເຊິ່ງ​ໂຮງ​ໝໍ​ດັ່ງ​ກ່າວນີ້ໄດ້​ກຳ​ນົດເປັນບ່ອນຮອງຮັບຄົນເຈັບໜັກ, ຄົນ​ເຈັບເປັນຕ້ອງໄດ້ຜ່າຕັດ ແລະ ເກີດລູກ.ຈາກນັ້​ນຄະ​ນະ​ທິມ​ແພດ​ຍັງ​ໄດ້​ລົງເບິ່ງຕົວຈິງການ​

ຈັດ​ຕັ້ງ​ປະ​ຕິ​ບັດ​ໃນ​ການ​ປິ່ນ​ປົວ​ຄົນ​ເຈັບຢູ່ສູນ​ປິ່ນ​ປົວທັງ 3 ແຫ່ງ ​ເພື່ອ​ເກັບ​ກຳ​ຂໍ້​ມູນ ແລະ ທົບ​ທວນ​ຄືນວິ​ທີ​ການ​ຈັດ​ຕັ້ງ​ປະ​ຕິ​ບັດ​ຂອງ​ແຕ່​ລະ​ຈຸດ​ການ​ປີ່ນ​ປົວ​ເ​ພື່ອ​ຖອດ​ຖອນ​ບົດ​ຮຽນ ແລະ ​ວາງ​ແຜນໃນ​ການ​ຈັດ​ຕັ້ງ​ປະ​ຕິ​ບັດໃຫ້ແທດ​ເໜາະ​ກັບ​ຕົວ​ຈິງສາມາດແກ້ໄຂການລະບາດຂອງພະຍາດໂ ຄ ວ ິ ດ ທີ່ແຂວງຈຳປາສັກ.