ແຂວງດຽນບຽນ ສສ ຫຽດນາມ ມອບອຸປະກອນການແພດ ໃຫ້ແກ່ 6 ແຂວງພາກເໜືອຂອງລາວ

0
158

ພິທີມອບ-ຮັບອຸປະກອນການແພດ ລະຫວ່າງ ແຂວງດ່ຽນບ່ຽນ ສສ ຫວຽດນາມ ໃຫ້ແກ່ 6 ແຂວງພາກເໜືອຂອງ ສປປ ລາວ ຄື ແຂວງອຸດົມໄຊ, ຜົ້ງສາລີ, ຫລວງນ້ຳທາ, ຫລວງພະບາງ, ໄຊຍະບູລີ ແລະ ແຂວງບໍ່ແກ້ວ, ພິທີດັ່ງກ່າວໄດ້ຈັດຂື້ນໃນວັນທີ 11 ພຶດສະພາ 2021 ນີ້ ທີ່ຫລັກໝາຍຊາຍແດນ 113, ດ້ານສາກົນເຕີຍຈາງ-ປາງ

ຫົກ ເມືອງໃໝ່ ແຂວງຜົ້ງສາລີ ຝ່າຍ ແຂວງດ່ຽນບ່ຽນ ສສ ຫວຽດນາມ ນຳໂດຍ ທ່ານ ຝາມຢາງນາມ ກຳມະການພັກແຂວງ ຫົວໜ້າພະແນກ ສາທາລະນະສຸກ ແຂວງດ່ຽນບ່ຽນ, ທ່ານ ວັນຊີຖັງ ຮອງຫົວໜ້າພະແນກ ການຕ່າງປະເທດ ແລະ ພະແນກການທີ່ກ່ຽວຂ້ອງຈຳນວນໜື່ງ ແລະ ຕາງໜ້າຝ່າຍລາວ ແມ່ນມີ ຫົວໜ້າ, ຮອງຫົວໜ້າ

ພະແນກສາທາລະນະສຸກ, ພະແນກການຕ່າງປະເທດ ແລະ ພະແນກການທີ່ກ່ຽວຂ້ອງ ຈາກ 6 ແຂວງພາກເໜືອຂອງລາວ ເຂົ້າຮ່ວມ.ໃນພິທີ ທ່ານ ຝາມຢາງນາມ ກຳມະການພັກແຂວງ ຫົວໜ້າພະແນກສາທາລະນະສຸກ ແຂວງດ່ຽນບ່ຽນ ໄດ້ກ່າວຈຸດປະສົງ ແລະ ຄວາມຕັ້ງໃຈຂອງພັກ ລັດຖະບານ ສສ ຫວຽດນາມ ເວົ້າລວມ, ເວົ້າ

ສະເພາະ ກໍ່ຄື ການນຳແຂວງ ແລະ ປະຊາຊົນ ແຂວງດ່ຽນບ່ຽນ ທີ່ເຫັນໄດ້ຄວາມສຳຄັນ ລະຫວາງສອງປະເທດ ທີ່ມີສາຍພົວພັນອັນສະໜິດແໜ້ນ ຊ່ວຍເຫລືອເຊິ່ງກັນ ແລະ ກັນໃນຍາມທຸກຍາກ ເຖິງແມ່ນວ່າ ສສ ຫວຽດນາມ ຈະມີຜູ້ຕິດເຊື້ອພະຍາດ ໂ ຄ ວ ິ ດ ກໍ່ຕາມ ແຕ່ກໍ່ບໍໄດ້ປະຖີ້ມບັນດາເພື່ອນມີດສະຫາຍທີ່ກຳລັງຜະເຊີນກັບສັດຕູໂຕ

ດຽວກັນ. ໂອກາດນີ້ ຕາງໜ້າຝ່າຍລາວ ກໍ່ໄດ້ກ່າວຂອບໃຈ ຕໍ່ກັບນ້ຳໃຈທີ່ການນຳ ກໍ່ຄືປະຊາຊົນ ແຂວງດ່ຽນບ່ຽນ ທີ່ໄດ້ໃຫ້ການຊ່ວຍເຫລືອທາງດ້ານອຸປະກອນການແພດ ໃຫ້ແກ່ບັນດາແຂວງພາກເໜືອຂອງລາວ ເຊີ່ງມັນໄດ້ສະແດງເຖິງສາຍພົວພັນອັນພິເສດ ມິດຕະພາບອັນດີງາມທີ່ມອບໃຫ້ແກ່ກັນ ແລະ ສັນຍາວ່າຈະນຳເອົາບັນດາອຸປະກອນເຫລົ່າ

ນີ້ເຂົ້າໃນວຽກວຽກງານຕ້ານ ແລະ ແກ້ໄຂພະຍາດ ໂ ຄ ວ ິ ດ ໃຫ້ເກີດຜົນປະໂຫຍດສູງສຸດ. ອຸປະກອນທີ່ນຳມາມອບຄັ້ງນີ້ ລວມມີ ຜ້າອັດປາກ-ດັງ ຈໍານວນ 32 ພັນອັນ, ຊຸດປ້ອງກັນ ແລະ ຄວບຄຸມພະຍາດລະບາດຂອງແພດ ຈໍານວນ 300 ຊຸດ, ນ້ຳຢາລ້າງມືຂ້າເຊື້ອ ຈຳນວນ 200 ຂວດ (ຂະໜາດບັນຈຸ 1 ລິດຕໍ່1 ຂວດ) ລວມມູນຄ່າ ແຂວງໜື່ງ ປະມານ 99.680.000 ດົງ.

ໂດຍ: ແສງອາທິດ