ລັກຜ້າຫໍ່ສົບກັບໄປຊັກໃໝ່ ອັນຕະລາຍຫຼາຍ

    0
    5025

    ເປັນເລື່ອງໜ້າເສົ້າຫຼາຍທີ່ປະເທດອິນເດຍເປັນໜຶ່ງໃນບັນດາປະເທດທີ່ກຳລັງມີການລະບາດຂອງພະຍາດໂຄວິດ-19 ຫຼາຍແຕ່ປະຊາຊົນຈຳນວນໜຶ່ງກັບບໍ່ເຂົ້າໃຈ ແລະຍັງຫາເລື່ອງເຈັບຫົວມາໃຫ້ອີກ ທີ່ບໍ່ຄວນເຮັດເປັນທີ່ສຸດຄືການກໍ່ກຳທຳເຂັນກັບຄົນທີ່ລ່ວງລັບໄປແລ້ວຈະແມ່ນດ້ວຍພະຍາດໂຄວິດ-19 ຫຼື ດ້ວຍພະຍາດປະຈຳໂຕໃດກໍ່ຕາມ.

    ແຕ່ທີ່ມີຂ່າວອອກມາ ຍັງມີຊາຍສະກັນຈຳນວນໜື່ງອອກລ່າລັກຜ້າຫໍ່ສົບໄປຊັກແລ້ວມາຂາຍຕໍ່ ເຊິ່ງຖ້າເປັນຂອງຄົນເສຍດ້ວຍໂຄວິດຍິ່ງຈະແຜ່ລາມໄປເປັນວົງກວ້າງຂຶ້ນ ໂດຍສະເພາະຄອບຄົວຂອງພວກເພິ່ນ ແລະຄົນອື່ນໆທີ່ບໍ່ຮູ້ຫຍັງແຕ່ໃກ້ຊິດກັບຄອບຄົວເພິ່ນແລ້ວຕິດຕໍ່ໆກັນໄປ.

    ຕາມຂອບຕ່າງປະເທດໃຫ້ຮູ້ວ່າ: ຢູ່ລັດອຸດຕະປະເທດ ເຈົ້າໜ້າທີ່ຕຳຫຼວດໄດ້ຈັບຕົວຜູ້ຊາຍ 7 ຄົນທີ່ລັກຜ້າຫໍ່ສົບໃນໂລງ ແລະສະຖານທີ່ເຜົາສົບເພື່ອຊັກແລ້ວນຳໄປຂາຍຕໍ່ກັບນຳມາໃຊ້ໃໝ່.

    ຂອງກາງທີ່ຈັບໄດ້ປະກອບດ້ວຍ ຜ້າຂາວປູໂລງ, ຜ້າຫໍ່ສົບຫຼາຍກວ່າ 800 ຊິ້ນ ຜູ້ກໍ່ເຫດສາລະພາບວ່າໄດ້ເຮັດມາແລ້ວຫຼາຍກວ່າ 10 ປີ ຖືວ່າບໍ່ທຳມະດາ.

    ຖ້າເປັນຄົນເຈັບເປັນທຳມະດາ ຫຼື ປະສົບເຫດດໃດໜຶ່ງເສຍຄົງບໍ່ບັນຫາໃຫຍ່ ແຕ່ກໍລະນີເປັນຜູ້ທີ່ເສຍຊີວິດຈາກໂຄວິດ-19 ແລ້ວໄປລັກມາກໍ່ຍັງພໍໄຄ ສົມມຸດເປັນພະຍາດລະບາດຄືປະຈຸບັນແລ້ວໄປລັກເອົາຜ້າປູມາ ອັນຕະລາຍຫຼາຍ ແພດໝໍເຕືອນແລ້ວເຊື້ອພະຍາດຈະຕາຍໄປດ້ວຍການເຜົາ ຫຼື ຝັງເທົ່ານັ້ນ.