ແມ່ນແທ້ບໍ…!!! ສ້າງສິ່ງກີດຂວາງໃນເສັ້ນທາງດ່ວນ ຍ້ອນຢາກໃຫ້ແກ້ໄຂທາງເຂົ້າອອກດີນ ແຕ່ຖືກດຳເນີນຄະດີ.

    0
    209

    + ວັນທີ 6 ພຶດສະພາ ທີ່ຜ່ານມາ, ກອງບັນຊາການ ປກສ ເມືອງນາຊາຍທອງ ນະຄອນຫຼວງຽງຈັນ ໄດ້ຮັບແຈ້ງຄວາມ ມີຄົນເອົາສາຍເຊືອກ ແລະ ລວດເຫຼັກ ມັດໃສ່ເສົາຂອບທາງເນັ່ງລັດຂ້າມທາງ ແລະ ວາງເຫຼັກຕະປູຕາມຟື້ນຖະໜົນ ສ້າງເປັນສິ່ງກິດຂວາງໃນການສັນຈອນ ຢູ່ເສັ້ນທາງດ່ວນ ເຂດບ້ານສົງເປືອຍ.

    + ຜ່ານມາລົງກວດກາຈຸດເກີດເຫດ ພົບເຫັນຜູ້ກໍ່ເຫດ ຊື່ ທ້າວ ສຸພັນ ອາຍຸ 31 ປີ ຢູ່ບ້ານສົງເປືອຍ ເມືອງນາຊາຍທອງ ນວ ຈຶ່ງໄດ້ກັກຕົວຜູ້ກ່ຽວ.ຜ່ານການສອບສວນ ຜູ້ກ່ຽວຮັບສາລະພາບວ່າ:

    ໃນເວ ລາປະມານ 4:00 ໂມງ ຂອງວັນທີ 6 ພຶດສະພາ, ຜູ້ກ່ຽວໄດ້ນຳເອົາຕະປູ, ເຊືອກ ແລະ ລວດເຫຼັກ ໄປມັດໃສ່ເສົາຂອບທາງເນັ່ງລັດຂ້າມທາງດ່ວນລາວ- ຈີນ ເຂດບ້ານສົງເປືອຍ

    ຈຸດປະສົງຂອງຜູ້ກ່ຽວ ເພື່ອຢາກໃຫ້ເຈົ້າຂອງໂຄງການທາງດ່ວນລາວ-ຈີນ ລົງມາແກ້ໄຂ ກ່ຽວກັບການສ້າງທາງດ່ວນ ຕັນທີ່ ດິນຂອງຜູ້ກ່ຽວ ເຊີ່ງສ້າງຄວາມຫຍຸ້ງຍາກໃນການເຂົ້າ-ອອກດີນຂອງຜູ້ກ່ຽວ.

    + ຜ່ານການສອບສວນ ແລະ ຂໍ້ມູນຫຼັກຖານ ເຫັນວ່າ: ການກະທຳຂອງ ທ້າວ ສຸພັນ, ເປັນ ການສ້າງສິ່ງກິດຂວາງໃນການສັນຈອນຕາມຖະ ໜົນທາງດ່ວນ ຈຶ່ງໄດ້ນຳໃຊ້ມາດຕະການກັກຕົວໄວ້ ເພື່ອດຳເນີນຄະດີຕາມກົດໝາຍ ໃນຂໍ້ກ່າວຫາ ການກິດຂວາງການຈະລາຈອນທາງບົກ.