ອົງການອະນາໄມໂລກໄດ້ຮັບຮອງວັກຊິນ ຊະນິດ ຊີໂນຟາມ

0
249

ອີງຕາມຂ່າວສານຊິນຮວາຂອງຈີນລາຍງານ ເມື່ອວັນທີ 7 ພຶດສະພາ 2021 ວ່າ : ອົງການອະນາໄມໂລກໄດ້ຮັບຮອງວັກຊິນ ຊະນິດ ຊີໂນຟາມ ທີ່ຜະລິດໂດຍປະເທດຈີນເພື່ອໃຊ້ໃນກໍລະນີສຸກເສີນແລ້ວໃນວັນທີ 6 ພຶດສະພານີ້. ການຮັບຮອງເທື່ອນີ້ມີຜົນດີຕໍ່ການພັດທະນາວັກຊິນຕ້ານ ໂ ຄ ວ ິ ດ ຂອງໂລກ ແລະຈະເປັນຜົນດີຕໍ່ປະເທດພວມ

ພັດທະນາທີ່ຈະເຂົ້າເຖິງວັກຊິນໄດ້ດີຂຶ້ນ. ຜູ້ອຳນວຍການໃຫຍ່ຂອງອົງການອະນາໄມໂລກກ່າວວ່າ : ຊີໂນຟາມຂອງຈີນໄດ້ກາຍເປັນວັກຊິນຊະນິດທີ 6 ທີ່ອົງການອະນາໄມໂລກຮັບຮອງວ່າປອດໄພແລະມີປະສິດທິພາບດີ ແລະຈະຊ່ອຍໃຫ້ໂຄງການໂຄແວັກຂອງອົງການອະນາໄມໂລກສາມາດຊື້ວັກຊິນເພື່ອແຈກຢາຍໃຫ້ປະເທດພວມພັດທະນາໄດ້ຫລາຍຂຶ້ນ.

ວັກຊິນ ຊີໂນຟາມຂອງຈີນແມ່ນວັກຊິນທີ່ສາມາດໃຊ້ສັກເພື່ອປ້ອງກັນ ໂ ຄ ວ ິ ດ ໃຫ້ຜູ້ທີ່ມີອາຍຸແຕ່ 18 ປີຂຶ້ນໄປ ແລະສັກຫ່າງກັນລະຫວ່າງເຂັມທີ 1 ແລະ ເຂັມທີ 2 ປະມານ 3 ຫາ 4 ອາທິດ. ວັກຊິນຊະນິດນີ້ໄດ້ໃຊ້ສັກຢູ່ໃນ 45 ປະເທດແລ້ວຫລາຍກວ່າ 65 ລ້ານໂດສ ໃນນັ້ນລວມທັງປະເທດລາວທີ່ໄດ້ຮັບການຊ່ອຍເຫຼືອຈາກຈີນ 3 ຊຸດ ຈຳນວນ 1 ລ້ານກວ່າໂດສ.

ສຳລັບວັກຊີນກັນພະຍາດ ໂ ຄ ວ ິ ດ ທີ່ທາງ WHO ໄດ້ມີການຢືນຢັນໃຫ້ນຳໃຊ້ໄດ້ ທັງຫມົດມີດັ່ງນີ້: ວັກຊີນຈາກ Pfizer-BioNTech , ວັກຊີນຈາກ AstraZeneca
ວັກຊີນຈາກ Johnson & Johnson , ວັກຊີນຈາກ Moderna , ວັກຊີນຈາກ Sinopharm