ໜ້າຊື່ນຊົມ! ສາວໂພສຮູບເຮືອນງາມ ພ້ອມເລົ່າຄວາມທຸກຂອງຕົນ ກວ່າຈະມີມື້ນີ້ໄດ້ບໍ່ແມ່ນຂອງງ່າຍ

    0
    166

    ແອັດເຊື້ອວ່າເລື່ອງທີ່ແອັດຈະນໍາມາແບ່ງປັນຕໍ່ໃນມື້ນີ້ເປັນອີກເລື່ອງລາວທີ່ສ້າງກໍາລັງໃຈໃຫ້ກັບທຸກຄົນໄດ້ເປັນຢ່າງດີ ໂດຍສະເພາະຄົນສູ້ຊີວິດ.

    ເລື່ອງລາວດັ່ງກ່າວເປັນຊີວິດຂອງແມ່ຍິງຄົນໜຶ່ງຜູ້ອົດທົນພະຍາຍາມ ທຸ້ມເຫື່ອເທແຮງ ພິກຊີວິດຕົນເອງຈາກຄອບຄົວລົ້ມລະລາຍເປັນໜີ້ຖ້ວມຫົວ ແຕ່ໃຈສູ້ ຂ້າມຜ່ານມັນມາໄດ້ ແລະ ເຮັດໃຫ້ມີພ້ອມທຸກຢ່າງໃນປັດຈະບັນນີ້.

    ເລື່ອງລາວທີ່ແອັດກ່າວມາຂ້າງເທິງແມ່ນມາຈາກຜູ້ໃຊ້ເຟສບຸກຊື່ Vilaikham Phanthavong ຜູ້ກ່ຽວ ໄດ້ໂພສພາບເຮືອນງາມ ພ້ອມຂໍ້ຄວາມລະບຸໄວ້ວ່າ: ຢູ່ໃນຊ່ວງເກັບລາຍລະອຽດ, ເລີ່ມນັບສູນມາຈາກການເປັນໜີ້ຄອບຄົວລົ້ມລະລາຍກວ່າຈະມີມື້ນີ້ຕ້ອງສູ້ຊົນດ້ວຍເຫື່ອແຮງຕົວເອງ, ຄຸ້ມກັບການອົດທົນພະຍາຍາມການຕັ້ງເປົ້າໝາຍຄືສີ່ງສຳຄັນ, ຄະຕິເຕືອນໄຈເຂົາເຮັດໄດ້ເຮົາກະຕ້ອງເຮັດໄດ້.

    ສາວຄົນດັ່ງກ່າວຍັງຝາກຂໍ້ຄວາໃຫ້ກໍາລັງໃຈທຸກຄົນໄວ້ອີກວ່າ: ໃຜກຳລັງທໍ້ແທ້ຈົ່ງເຂັ້ມແຂງເອົາຊະນະຄວາມທໍ້ໄຫ້ໄດ້ແລ້ວເຮົາຈະຄີດຫາທາງອອກໄດ້, ຂ້ອຍເຄີຍຜ່ານຈຸດທີ່ນັ່ງນອນກືນນ້ຳຕາຈາກຄວາມລຳບາກທີ່ຄອບຄົວລົ້ມລະລາຍ ແລະ ໂຕເອງກະມີໜີ້ຍ້ອນເປັນຜູ້ຄ້ຳປະກັນໃຫ້ຄົນອື່ນໃນເວລາດຽວກັບຄອບຄົວກຳລັງລຳບາກເລີຍແຕ່ລະມື້ເອື້ອຍນ້ອງລົມກັນທັ້ງນ້ຳຕາ, ແຕ່ພໍມາຕັ້ງສະຕີໄດ້ເຮົາກໍ່ຕ້ອງຄີດເດີນໜ້າຢ່າງດຽວຈົນມາຮອດມື້ນີ້ໄດ້, ຟ້າຫຼັງຝົນຍັງມີສະເໝີ.

    ແນວໃດກໍ່ຕາມ ແອັດຂໍຊື່ນຊົມບຸກຄົນນີ້ ທີ່ມີໃຈສູ້ຊົນບໍ່ຍອມແພ້ຕໍ່ອຸປະສັກທີ່ເຂົ້າມາ ແລະ ແອັດກໍ່ເຊື່ອເຫຼືອເກີນວ່ານີ້ຈະເປັນອີກບົດຮຽນ ແລະ ກໍາລັງໃຈດີໆ ອັນໜຶ່ງໃຫ້ກັບຄົນທີ່ກໍາລັງສູ້ຊີວິດຢູ່ແນ່ນອນ.