ຊາຍທີ່ຄົວແບ້ໃນສູນປິ່ນປົວ ໄດ້ມີການຕັກເຕືອນໄປແລ້ວ ສ່ວນການປະຕິບັດວິໄນ ກໍ່ຈະດຳເນີນຫຼັງຈາກທີ່ຜູ້ກ່ຽວຫາຍດີ

0
278

ປອ. ດຣ. ຕຽງຄຳ ປ້ອງວົງສາ ຮອງຫົວໜ້າພະແນກສາທາລະນະສຸກແຂວງສະຫວັນນະເຂດ ພ້ອມທັງເປັນຫົວໜ້າກອງເລຂາຄະນະສະເພາະກິດຕ້ານພະຍາດ ໂ ຄ ວ ິ ດ ຂອງແຂວງສະຫວັນນະເຂດ ໄດ້ອອກມາໃຫ້ສຳພາດຜ່ານລາຍການ ຄລີນິກທັນເຫດການ ກ່ຽວກັບກໍລະນີທີ່ມີພາບຂອງຜູ້ຊາຍກຳລັງຄົວແບ້ຢູ່ໃນເຂດຂອງໂຮງໝໍສະໜາມຢູ່ສະຫວັນນະເຂດຖືກເຜີຍແຜ່ລົງໃນສື່ສັງຄົມອອນລາຍ.

ທ່ານ ດຣ. ຕຽງຄຳ ໄດ້ຢັ້ງຢືນວ່າເຫດການດັ່ງກ່າວເປັນເຫດການທີ່ເກີດຂຶ້ນແທ້ ໂດຍແບ້ທີ່ປາກົດໃນພາບແມ່ນໄດ້ຄົວມາຈາກນອກແລ້ວ ໂດຍຍາດພີ່ນ້ອງຂອງຄົນເຈັບສົ່ງເຂົ້າມາໃຫ້ໃນສູນປິ່ນປົວ.

ແພດແມ່ນໄດ້ຫ້າມແລ້ວ ແຕ່ພວກກ່ຽວໄດ້ລົງມືຄົວກິນແລ້ວ ແລະ ຄົນເຈັບເອງກໍໄດ້ໃຫ້ເຫດຜົນວ່າ “ມື້ນີ້ລິ້ນຮູ້ສຶກດີຂຶ້ນ ຢາກກິນແຊບໆແດ່ ກໍເລີຍຄົວກິນເອງ” ທັງໆທີ່ທາງແພດໝໍກໍບໍ່ໄດ້ແນະນຳໃຫ້ເຮັດແບບນັ້ນ.

ຫຼັງຈາກທີ່ທາງສູນຮັບຮູ້ເລື່ອງລາວດັ່ງກ່າວແລ້ວກໍໄດ້ມີການຫ້າມຫຼິ້ນກິລາບານເຕະໃນສະໜາມ ແລະ ການແຕ່ງຢູ່ຄົວກິນແມ່ນຢ້ານມີຄວາມສ່ຽງ ເພາະເປັນພຽງໂຮງໝໍພາກສະໜາມ. ຕໍ່ກັບບັນຫາດັ່ງກ່າວ ຈຶ່ງໄດ້ໃຫ້ແພດໝໍ, ເຈົ້າໜ້າທີ່ ປກສ ມາຮັບຮູ້ບັນຫາທັງໝົດນຳກັນ ແລະ ໄດ້ວາງກົດລະບຽບ ເພື່ອໃຫ້ເຈົ້າໜ້າທີ່ທັງພາກສ່ວນປິ່ນປົວ ແລະ ປກສ ໃຫ້ມີຄວາມເຂັ້ມງວດໃນການຕິດຕາມຄົນເຈັບໃນສູນ.

ພ້ອມນີ້ ກໍໄດ້ເອີ້ນຄົນເຈັບທີ່ມາປິ່ນປົວທັງໝົດມາຮັບຟັງລະບຽບການຮັກສາຕົວແນວໃດຄວນເຮັດ ແລະ ອັນໃດທີ່ບໍ່ອະນຸຍາດໃຫ້ເຮັດ.
ສວນທ່ານ ພັນໂທ ບຸນເລີດ ຄະທຸມພົນ ຮອງຫົວໜ້າກອງບັນຊາການປ້ອງກັນຄວາມສະຫງົບ ແຂວງສະຫວັນນະເຂດ ໄດ້ໃຫ້ສຳພາດກັບລາຍການດຽວກັນວ່າ ພາບທີ່ປາກົດໃນໂລກອອນລາຍນັ້ນ ແມ່ນເປັນຄົນດຽວກັບເຈົ້າໜ້າທີ່ເຊິ່ງເປັນຄົນເຈັບໂ ຄ ວ ິ ດ ແລະ ພົວພັນກັບກໍລະນີທີ 59 ເຊິ່ງເບື້ອງຕົ້ນກໍໄດ້ມີການຕັກເຕືອນໄປແລ້ວ. ສ່ວນການປະຕິບັດຕາມລະບຽບວິໄນ ກໍ່ຈະດຳເນີນຫຼັງຈາກທີ່ຜູ້ກ່ຽວຫາຍດີແລ້ວ ໂດຍຈະມີການສືບສວນສອບສວນໃນຂັ້ນຕໍ່ໄປ.