ສາວແຊຣ໌ ປະສົບການການເດີນທາງຂ້າມໄປໄທໃນຊ່ວງ ໂ ຄ ວ ິ ດ ແບບບໍ່ຜິດກົດໝາຍ

0
1199

ກັກຕົວວັນທີ່ 4 ແລ້ວ ທີ່ໂຮງແຮມເດິມຸກລາກູນ ຈັງຫວັດມຸກດາຫານ ປະເທດໄທໃນສະຖານະການ ໂ ຄ ວ ິ ດ ລະບາດແບບນີ່ ບອກໄດ້ເລີຍວ່າ ກວ່າຈະຂ້າມດ່ານ(ແບບຖືກຕ້ອງຕາມກົດໝາຍ)ໄດ້ນັ້ນ ມັນບໍ່ແມ່ນເລື່ອງງ່າຍ ມື້ນີ້ມີເວລາຫວ້າງ ເລີຍຢາກຂຽນບັນທຶກໄວ້ເປັນຄວາມຊົງຈຳ ເພື່ອລະດູການນີ້ ຂອງປີຖັດໄປ ຈະໄດ້ເຫັນ Facebook ເດັ້ງເຕືອນຄວາມຊົງຈຳ ອີກຢ່າງກໍ່ຢາກແຊປະສົບການ ແລະ ແບ່ງປັນເພື່ອເປັນຂໍ້ມູນໃຫ້ພີ່ນ້ອງລາວເຮົາ ທີ່ຢາກຂ້າມໄປໄທເຊິ່ງຕ້ອງໄດ້ມີເອກສານຕ່າງໆດັ່ງນີ້:

ຂໍວີຊ່າໄທ ຈາກສະຖານທູດໄທປະຈຳລາວ ຢູ່ວຽງຈັນເອກະສານປະກອບມີ:ໜັງສືເດີນທາງ ຂອງເຮົາຂອງແທ້ ແລະ ກັອບປີ , ໜັງສືເດີນທາງຂອງຜົວ(ກັອບປີ່) , ໜັງສືແຕ່ງດອງ(ກັອບປີ່) , ທະບຽນບ້ານ ທີ່ຢູ່ໃນໄທ(ກັອບປີ່) , ຖ້າຜົວເຮັດວຽກຢູ່ໄທ ກໍ່ໃບອະນຸຍາດເຮັດວຽກ (Work permit) , ໃບກວດສຸຂະພາບ ຈາກໂຮງໝໍແຂວງ 245,000ກີບ

ປະກັນໄພ ທີ່ຄວບຄຸມໂ ຄ ວ ິ ດວົງເງິນຄຸ້ມຄອງ ບໍ່ຕ່ຳກວ່າ 1ແສນໂດລາ ຢ່າງນ້ອຍ 3ເດືອນ (2,266,000ກີບ ລ້ານຊ້າປະກັນໄພ) , ໃບຢັ້ງຢືນຖານະການເງິນ ບັນຊີຂອງເຮົງເອງຂໍໃຫ້ທະນາຄານອອກໃບໃຫ້(ບັນຊີລະ20,000ກີບ) ໃບຢັ້ງຢືນການຈອງໂຮງແຮມສໍາລັບກັກຕົວໃນປະເທດໄທ ທາງໂຮງແຮມເພິ່ນອອກໃຫ້ ຈອງອອນໄລນ

ສົ່ງເອກສານອອນໄລນ ລະໄປປິ້ນອອກເອງ (ໂຮງແຮມເດິມຸກລາກູນ ຈັງຫວັດມຸກດາຫານ ປະເທດໄທ ເຊິ່ງເປັນໂຮງແຮມທີ່ທາງໜ່ວຍສະເພາະກິດໄທເພິ່ນກຳນົດ)(7ວັນ 44,000ບາດ)ຍື່ນເອກສານທີ່ກ່າວມາຂ້າງເທິງ ໃຫ້ເຈົ້າໜ້າທີ່ສະຖານທູດໄທ ເພິ່ນຈະກວດເບິ່ງ ຖ້າຄົບ ຈ່າຍຄ່າວີຊ່າ 2,000 ບາດ ແລ້ວເພີ່ນຈະນັດມື້ມາຮັບເອກສານໃຊ້ເວລາ 1-2ວັນ

ຫຼັງຈາກໄດ້ວີຊ່າໄທແລ້ວ ແມ່ນຕ້ອງໄດ້ ໄປແຈ້ງກົງສູນ ກະຊວງຕ່າງປະເທດລາວ ເພື່ອໃ້ຫ້ເພິ່ນ ອອກໃບອານຸຍາດ ເດີນທາງອອກຕ່າງປະເທດໃຫ້ ເອກະສານແມ່ນ ໃຫ້ຂຽນໃບສະເໜີ ແລະ ແນບສຳເນົາ ເອກະສານກຽມແບບດຽວຄືຕອນໄປຂໍວີຊ່າ(ອ່ານຄືນຢູ່ເທິງ ພ້ອມໃບວີຊ່າໄທ ທີ່ໄດ້ກັອບປີ່ມາ) ຍື່ນຢູ່ກົງສູນກະຊວງຕ່າງປະເທດ ເພິ່ນຈະເຮັດໃບນັດ

ໃຫ້ມາຮັບເອກສານ ບໍ່ໄດ້ຈ່າຍຈັກກີບ ໃຊ້ເວລາ ປະມານ 1-2 ອາທິດ (ແລ້ວແຕ່ໂຊກ)ເມື່ອໄດ້ວີຊ່າໄທ ແລະ ໃບອານຸຍາດເດີນທາງ ຈາກກົງສູນກະຊວງຕ່າງປະເທດແລ້ວ ໄປເອົາຕົວຢ່າງກວດ ໂ ຄ ວ ິ ດ ກ່ອນເດີນທາງ ບໍ່ເກີນ 72ຊົ່ວໂມງ ຫຼື 3ວັນ ສະຖານທີ່ ແມ່ນຢູ່ສູນລະບາດວິທະຍາ ຫຼັກ4 ເລີ່ມ 8:00-12:00 ຄ່າກວດຫາເຊື້ອ ໂ ຄ ວ ິ ດ+ເອກະສານຢັ້ງຢືນ 650,000ກີບ

(ຕົວຢ່າງຂ້ອຍມີນັດເດີນທາງວັນທີ່30 ໃຫ້ເຂົ້າໄປກວດ ທີ່28 ໄດ້ຜົນກວດວັນທີ່29 ຖ້າຜົນເປັນລົບ ເດີນທາງໄປສະຫວັນນະເຂດດ່ວນ ເພື່ອໃຫ້ທັນເວລາ ເຊົ້າວັນທີ່30 ເວລາ8:00 ຍື່ນເອກສານ ຕມ ດ່ານຝັ່ງລາວ)

ການເດີນທາງພາຍໃນປະເທດກວ່າຈະຜ່ານແຕ່ລະເມືອງ ແຕ່ລະແຂວງ ກໍ່ບໍ່ແມ່ນຂອງງ່າຍ ເນື່ອງຈາກເປັນໄລຍະລັອກດາວຂອງຫຼາຍແຂວງ ມີດ່ານຢູ່ຫຼາຍຈຸດຕາມທາງ ແລະ ສຳຄັນກວ່ານັ້ນແມ່ນ ລົດໂດຍສານ ແມ່ນບໍ່ມີ ສະນັ້ນ ແມ່ນໄດ້ຫາລົດສ່ວນຕົວຂັບລົງໄປເອງ ຫຼື ໃຫ້ພີ່ນ້ອງຂັບໄປສົ່ງ ແຕ່ຕ້ອງໄດ້ເຮັດໃບສະເໜີໄປຫາໜ່ວຍສະເພາະກິດນະຄອນຫຼວງ ອອກໃບອານຸຍາດໃຫ້ພີ່ນ້ອງຜູ້ຈະຂັບລົດໄປສົ່ງກ່ອນລ່ວງໜ້າ ເພາະໃຊ້ເວລາ 1ມື້

ສຳລັບຂ້ອຍແມ່ນ ຂັບລົດເດີນທາງຜູ້ດຽວ ເພາະເວລາໜ້ອຍ ພີ່ນ້ອງຂໍເອກສານບໍ່ທັນ ຂ້ອຍມີພຽງ ໃບອານຸຍາດເດີນທາງອອກຕ່າງປະເທດຈາກກົງສູນ ສະແດງໃຫ້ດ່ານແຕ່ລະດ່ານເບິ່ງ ເພິ່ນກໍ່ປ່ອຍໃຫ້ໄປໄດ້ ອີກຢ່າງເຮົາມີໃບກວດ ໂ ຄ ວ ິ ດ ແລ້ວ ຜ່ານ!ແຈ້ງເອກະສານທຸກຢ່າງພ້ອມໜັງສືເດີນທາງ ຢູ່ດ່ານຂົວມິຕະພາບ2 ສະຫວັນນະເຂດ ແລ້ວທາງ ຕມ ລາວປະສານຫາ ຕມ ໄທ ແລະ ຕມ ໄທ ສົ່ງອ້າຍຕຳຫຼວດໄທມາຮັບ ຢູ່ຝັ່ງລາວ

ງົງ ເປັນຫຍັງຂ້ອຍຢູ່ແຂວງບໍ່ແກ້ວ ຈະເດີນທາງໄປຊຽງຂອງຈັງຫວັດຊຽງຮາຍ ພາກເໜືອກໍ່ມີຂົວມິດຕະພາບ ແລະ ເປັນດ່ານສາກົນຄືນກັນ ແຕ່ໃຫ້ຂ້ອຍມາຂ້າມຢູ່ພາກໃຕ້ ສະຫວັນນະເຂດພີ້ ເຈົ້າໜ້າທີ່ຢູ່ດ່ານສະຫວັນນະເຂດກໍ່ງົງ ເຈົ້າກໍ່ງົງ ຂ້ອຍແຮງງົງ ແນວໃດກໍ່ຕາມ ຂ້ອຍກໍ່ໄດ້ເຮັດຕາມເງື່ອນໄຂທີ່ເພິ່ນກຳນົດ ແລະ ໄດ້ຂ້າມມາຮອດໄທແລ້ວ

ໂຊກດີທີ່ໄດ້ຂ້າມທັນ 30/4/2021 ຍັງເປັນໄລຍະເພິ່ນມີການຜ່ອນຜັນ ຜູ້ທີ່ມີວັກຊີນຄົບ2ໂດສ ໃຫ້ກັກຕົວພຽງ 7ວັນ (ເຊິ່ງຂ້ອຍໄດ້ສັກວັກຊີນຄົບ2ໂດສພໍດີ)ຍ້ອນການລະບາດຂອງ ໂ ຄ ວ ິ ດ ຮອບໃໝ່ ທັງສອງປະເທດ(ລາວ-ໄທ) ດຽວນີ້ເພິ່ນຍົກເລີກນະໂຍບາຍດັ່ງກ່າວແລ້ວ ກໍ່ຄື ເລີ່ມແຕ່ ທີ່1/5/2021 ເປັນຕົ້ນໄປ ບໍ່ວ່າກໍລະນີໃດ ກໍ່ຕ້ອງໄດ້ກັກຕົວ 14 ວັນ ຄືເກົ່າ

ວ່າດ້ວຍການກັກຕົວຢູ່ໂຮງແຮມ ຈ່າຍແພງຂະໜາດນີ້ ແນ່ນອນບໍລິການດີຫຼາຍ ເພິ່ນມີລົດຂອງໂຮງແຮມໄປຖ້າຮັບຢູ່ດ່ານຝັ່ງໄທ ເຖິງໂຮງແຮມ ມີອາຫານ 3 ຄາບ ພ້ອມການກວດ ໂ ຄ ວ ິ ດ ມີພະຍາບານປະຈຳ 24 ຊົ່ວໂມງ ແລະ ພະນັກງານບໍລິການ ເພື່ອເຮົາຕ້ອງການຫຍັງພິເສດເພິ່ນຊ່ວຍຊອກຫາຊື້ມາໃຫ້
ແບບວ່າ ຢູ່ຕໍ່ເລີຍໄດ້ໄໝ 7ວັນມັນນ້ອຍເກີນໄປ… ຂອບໃຈທີ່ອ່ານຈົບ.