ສຽງສະທ້ອນຈາກນັກຮົບຊຸດຂາວ! ກາງເວັນໄດ້ແຕ່ຢືນ ກາງຄືນບໍ່ໄດ້ນອນ ເປັນກໍາລັງໃຈໃຫ້ທຸກທ່ານ ສູ້ໆເດີ້

    0
    161

    ດັ່ງທີ່ພວກເຮົາຮັບຮູ້ກັນແລ້ວວ່າສະພາບການລະບາດຂອງພະຍາດໂຄວິດ-19 ໃນປະເທດເຮົາຕອນນີ້ແມ່ນໜັກໜ່ວງຂຶ້ນຫຼາຍ ທົ່ວປະເທດ ມີຕົວເລກຜູ້ຕິດເຊື້ອເພີ່ມຂຶ້ນທຸກມື້.

    ສິ່ງດັ່ງກ່າວເປັນສັນຍານເຕືອນບອກເຖິງຄວາມອັນຕະລາຍຂອງພະຍາດຮ້າຍນີ້ ໃຫ້ທຸກຄົນຕ້ອງມີສະຕິປ້ອງກັນຕົນເອງ ເພື່ອໃຫ່ຫ່າງໄກຈາກພະຍາດນີ້ ເພາະຫາກທ່ານຕິດເຊື້ອຂຶ້ນມາ ອີກກຸ່ມຄົນໜຶ່ງທີ່ຕ້ອງທົນລໍາບາກອົດຫຼັບອົດນອນ ເສຍສະລະເວລາຊີວິດເພື່ອພວກເຮົາແມ່ນລບຸກຄະລາກອນການແພດທຸກທ່ານ.

    ແນວໃດກໍ່ຕາມ ເພື່ອປ້ອງກັນຕົວເຮົາເອງ ແລະ ຫຼີກເວັ້ນການເປັນພາລະໃຫ້ສັງຄົມ ໃຫ້ແພດໝໍ ແລະ ປະເທດຊາດ ພວກເຮົາທຸກຄົນຕ້ອງຮ່ວມໃຈກັນ. ເພາະແອັດໄປເຫັນໂພສຂອງບຸກຄະລາກອນການແພດທ່ານໜຶ່ງໄດ້ໂພສພາບ ພ້ອມຂໍ່ຄວາມກ່ຽວກັບສະຖານະການໂຄວິດທີ່ເກີດຂຶ້ນມັນສະເທືອນໃຈຫຼາຍ.

    ໂດຍຜູ້ໃຊ້ເຟສບຸກຊື່ Pern Vannasone ໄດ້ໂພສພາບພ້ອມຂໍ້ຄວາມລະບຸໄວ້ວ່າ: ໃນຄືນທີ່ທຸກຄົນກຳລັງນອນຫຼັບນອນຝັນ ພວກເຮົາພັດກຳລັງຫວາດຜະຫວາ ຄືນນີ້ຊີມີເພີ່ມອີກຈັກຄົນ? ມື້ໜື່ງອາບນຳ້ສະຜົມດ້ວຍນຳ້ຮ້ອນ 3-4ເທື່ອ ແນມເບິ່ງໂມງແມ່ນ2ໂມງກາງຄືນ, ກາງເວັນໄດ້ແຕ່ຢືນກາງຄືນບໍ່ໄດ້ນອນ, ບາງຄັ້ງອາລົມຄົນເຈັບກາມາແບບເປັນຕາຢ້ານອີຫຼີ, ຄິດໄປຄິດມາສົງສານໂຕເອງ ແຕ່ເພາະຮັກໃນອາຊີບນີ້.

    ຂໍ້ຄວາມນີ້ ແອັດອ່ານແລ້ວສຸດທີ່ສະເທືອນໃຈນໍາ ແລະ ເຫັນໃຈທຸກຝ່າຍ ແຕ່ສິ່ງທີ່ປະຊາຊົນຄົນລາວພວກເຮົາຈະເຮັດໄດ້ເຊິ່ງເປັນການຊ່ວຍທຸກຄົນໃນສັງຄົມເລີຍ ຄືການຢູ່ເຮືອນ ຢ່າອອກເລາະໄປບ່ອນສ່ຽງ ບໍ່ວ່າຈະໄປໃສ ຄວນມີຜ້າປິດປາກ-ດັງ ແລະ ແອວກໍຮໍຂ້າເຊື້ອຕິດຕົວໄປນໍາ.