ໜ່ວຍງານໂຄສະນາເຄື່ອນທີ່ເມືອງໂຂງ ສືບຕໍ່ເຜີຍແຜ່ມາດຕະການປ້ອງກັນພະຍາດ ໂ ຄ ວ ິ ດ

0
140

ຂປລ. ແຫລ່ງຂ່າວຈາກເມືອງໂຂງ ແຂວງຈຳປາສັກ ໃຫ້ຮູ້ວ່າ: ໃນໄລຍະຕົ້ນເດືອນ ພຶດສະພາ 2021 ນີ້, ຄະນະສະເພາະກິດຂັ້ນເມືອງ ໄດ້ແຕ່ງຕັ້ງໜ່ວຍງານໂຄສະນາເຄື່ອນທີ່ ເພື່ອລົງໂຄສະນາ, ປຸກລະດົມພໍ່ແມ່ປະຊາຊົນທຸກຊັ້ນຄົນ, ຊາວຕ່າງດ້າວທີ່ອາໄສຢູ່ພາຍໃນເມືອງໂຂງ ໃຫ້ເອົາໃຈໃສ່ໃນການປ້ອງກັນ, ຄວບຄຸມ ແລະ ສະກັດກັ້ນການລະບາດຂອງພະຍາດ ໂ ຄ ວ ິ ດ ຢ່າງເປັນຂະບວນ.

ທ່ານ ພັທ ສົມສະໜຸກ ພະໄຊສົມບັດ ຫົວໜ້າກອງບັນຊາການ ປກສ ເມືອງໂຂງ ໃຫ້ຮູ້ວ່າ: ເພື່ອປະຕິບັດຄຳສັ່ງຂອງນາຍົກລັດຖະມົນຕີ ສະບັບເລກທີ 15/ນຍ ແລະ ຄຳສັ່ງຂອງເຈົ້າແຂວງຈຳປາສັກ ສະບັບເລກທີ 04/ຈຂ.ຈສ ແລະ ເປັນການປະຕິບັດຄຳສັ່ງເພີ່ມເຕີມຂອງທ່ານເຈົ້າເມືອງໂຂງ ເລກທີ 06/ຈມຂ ວ່າດ້ວຍການເພີ່ມທະວີມາດຕະການສະກັດກັ້ນ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດ ໂ ຄ ວ ິ ດ. ຄະນະກອງບັນຊາການ ປກສ ເມືອງພວກເຮົາໄດ້ຈັດສົ່ງກຳລັງ ພ້ອມພາຫະນະ

ລົດ 1 ຄັນ, ສົບທົບຫ້ອງການສາທາລະນະສຸກເມືອງ, ກອງວິຊາການສະຖານີວິທະຍຸ-ໂທລະພາບເມືອງເພື່ອຈັດເປັນທີມໂຄສະນາເຄື່ອນທີ່ ປຸກລະດົມພໍ່ແມ່ປະຊາຊົນທຸກຊັ້ນຄົນ, ຊາວຕ່າງດ້າວທີ່ອາໄສຢູ່ພາຍໃນເມືອງ ເພື່ອໃຫ້ມີສະຕິລະວັງຕົວເພີ່ມຂຶ້ນ.ສຳລັບການລົງເຄື່ອນໄຫວ ຂອງໜ່ວຍໂຄສະນາເຄື່ອນທີ່ ແມ່ນໄດ້ນຳໃຊ້ເຄື່ອງຂະ ຫຍາຍສຽງ

ປະກາດແນະນຳກ່ຽວກັບວິທີການປ້ອງກັນ, ກັນການລະບາດຂອງພະຍາດ ໂ ຄ ວ ິ ດ, ແຈກຢາຍໂປສເຕີໃຫ້ແຕ່ລະຈຸດກວດກາເຂົ້າ-ອອກ, ໃຫ້ແຕ່ລະກຸ່ມບ້ານ ເອົາໃຈ ໃສ່ປະຕິບັດມາດຕະການ ແລະ ເປັນຫູເປັນຕາໃຫ້ຄະນະພັກທຸກຂັ້ນ ລາຍງານບຸກຄົນທີ່ເຂົ້າມາພັກພາຍໃນບ້ານຂອງຕົນ, ສຳຄັນຖ້າຫາກບຸກຄົນໃດ-ຄອບຄົວໃດຫາກບໍ່ມີວຽກ ຈຳເປັນແມ່ນບໍ່ໃຫ້ອອກຈາກບ້ານເຮືອນ ຫລື ທີ່ພັກພາອາໄສຂອງຕົນ ຈົນກວ່າການລະບາດຂອງເຊື້ອພະຍາດດັ່ງກ່າວຈະຫລຸດລົງ.

ຂ່າວ-ພາບ: ພຸດທະສິນ ວົງວິໄລທອງ