ສປປ.ເກົາຫລີ ເພີ່ມມາດຕະການປ້ອງກັນໂຄວິດ-19ຢ່າງເຂັ້ມງວດ

    0
    101

    ປັດຈຸບັນ ສປປ ເກົາຫລີ ຍັງບໍ່ທັນ ກວດພົບ ການແຜ່ລະບາດ ໂຄວິດ-19 ໃນປະເທດ ແລະ ໄດ້ດຳເນີນ ມາດຕະການ ປ້ອງກັນ ຢ່າງເຂັ້ມງວດ ເປັນຕົ້ນ ການຄວບຄຸມ ຕາມຊາຍແດນ ຕັ້ງແຕ່ ປີກາຍ ຢ່າງຕໍ່ເນື່ອງ ແລະ ເຂັ້ມງວດທີ່ສຸດ ພາຍຫລັງ ໜັງສືພິມRodong Shinmunຂອງພັກແຮງງານ ສປປ ເກົາຫລີ ເປີດເຜີຍ

    ໃນວັນທີ3ພຶດສະພານີ້ວ່າ: ປະຊາຊົນ ສປປ ເກົາຫລີ ປະຕິບັດ ມາດຕະການ ທີ່ເຂັ້ມງວດ ເພື່ອປ້ອງກັນ ແລະ ສະກັດກັ້ນ ການແຜ່ລະບາດ ເຊື້ອພະຍາດ ໂຄວິດ-19 ເຖິງວ່າ ພາຍໃນປະເທດ ຍັງບໍ່ທັນມີເຊື້ອ ໂຄວິດ-19

    ແຜ່ລະບາດ ກໍ່ຕາມ ເປັນຕົ້ນ ການຮັກສາ ໄລຍະຫ່າງ ທາງສັງຄົມ ຢ່າງເຂັ້ມງວດ ໃນນະຄອນຫລວງ ປຽນຢ່າງ ລວມທັງ ໃສ່ຜ້າອັດປາກ ແລະ ໃຊ້ນ້ຳຢາ ຂ້າເຊື້ອ ພະຍາດ ທີ່ມີຕາມປ້າຍລົດ ໂດຍສານ ປະຈຳທາງ ທຸກແຫ່ງ.

    ນອກນີ້ ສປປ ເກົາຫລີ ຍັງຄົງ ໃຊ້ມາດຕະການ ຂ້າເຊື້ອ ໃຫ້ປະຊາຊົນ ແລະ ກວດວັດແທກ ອຸນຫະພູມ ທີ່ເມືອງຊາຍແດນ ໃນແຂວງ ຮຳຢອງເໜືອ ທາງຕາເວັນອອກ ສ່ຽງເໜືອ ທີ່ກົງກັນຂ້າມກັບ ແຂວງ ຈີ້ຫລິນ ຂອງຈີນ.

    ຮຽບຮຽງຂ່າວໂດຍ ສະໄຫວ ລາດປາກດີ