ພຣະເຕືອນແລ້ວ ປະຊາຊົນບໍ່ຟັງ ຍ້ອນວ່າ ຍາພໍ່ຫຼັກບ້ານ ເພີ່ນໃຫ້ຈັດ

0
136

ພຣະເຕືອນແລ້ວ! ປະຊາຊົນບໍ່ຟັງ ຍ້ອນວ່າ “ຍາພໍ່ຫຼັກບ້ານ ເພີ່ນໃຫ້ຈັດ” ພຣະອາຈານ ສີວິໄລ ວະນາຣາມ ປະທານເຂດໂພນສິມ, ອະດິດ ເຈົ້າອາວາດ ວັດບ້ານໂພນສິມ ໄດ້ໂພສ ຊີ້ແຈງກ່ຽວກັບ ການຈັດງານບຸນບັ້ງໄຟ ທີ່ບ້ານໂພນສິມ ນະຄອນໄກສອນ ພົມວິຫານ ທີ່ກຳລັງເປັນກະແສໃນສື່ສັງຄົມອອນລາຍ ວ່າ:

ບຸນບັ້ງໄຟ ບ້ານໂພນສິມ ນັ້ນແມ່ນບໍ່ກ່ຽວ ກັບຍາທ່ານ ຄູບາອາຈານ ແຕ່ຢ່າງໃດ ແລະ ຍາທ່ານເຈົ້າແຂວງ ເຈົ້າເມືອງ ເຈົ້າຄະນະເຂດ ບໍ່ໄດ້ອະນຸຍາດ ໃຫ້ເຂົາເຈົ້າເຮັດ ຂັ້ນເທີງກໍ່ບໍ່ໄດ້ອະນຸຍາດໃຫ້ເຮັດ. ນີ້ແມ່ນ ໄທບ້ານເຮັດເອງ ເນື່ອງຈາກວ່າຊາວບ້ານຍັງມີຄວາມເຊື່ອ ແບບງົມງວຍກະວ່າແມ່ນ ຖືຜີຫລາຍກວ່າພຣະສົງ ພຣະເວົ້າຫຍັງບໍ່ມີຟັງ ວ່າ

“ຜີຫລັກບ້ານເປັນໃຫຍ່ ເພີ່ນໃຫ້ເຮັດ”ນອກຈາກນີ້ແລ້ວ, ເພີ່ນຍັງໄດ້ເວົ້າຕື່ມວ່າ: ທົ່ວທັງໂລກເຂົ້າຢ້ານພະຍາດໂ ຄ ວິ ດ ເຈົ້າພັດມາຢ້ານຍາພໍ່ຫລັກບ້ານນີ້ບໍ່?

ແຕ່ເຖິງແນວໃດກໍ່ຕາມ, ເມື່ອເລື່ອງເກີດຂຶ້ນແລ້ວ ແລະ ບ້ານດັ່ງກ່າວ ກໍ່ແມ່ນຢູ່ໃນຄວາມຮັບຜິດຊອບຂອງເພີ່ນ. ພຣະອາຈານ ສີວິໄລ ເພີ່ນຍັງໄດ້ຂໍໂທດຕໍ່ຊາວລາວທົ່ວປະເທດ ທີ່ໃຫ້ເລື່ອງນີ້ເກີດ ພ້ອມທັງ, ຂໍຍອມຜິດທັງໝົດທັງຢ່າງ

ຂໍ້ມູນຈາກເຟສບຸກ: ສີວິໄລ ວະນາຣາມ