ແຂວງສາລະວັນ ຍັງລໍຜົນກວດ 199 ຄົນ ທີ່ຢູ່ໃນກຸ່ມສ່ຽງຕິດພະຍາດ ໂ ຄ ວ ິ ດ

0
105

ແຂວງສາລະວັນ ຍັງລໍຜົນກວດ 199 ຄົນ ທີ່ຢູ່ໃນກຸ່ມສ່ຽງຕິດພະຍາດໂ ຄ ວ ິ ດ ຂປລ. ຕາມການລາຍງານຈາກ ທ່ານ ດຣ ອາຄົມ ລ່ຳວິຈິດ ຫົວໜ້າພະແນກສາທາລະນະສຸກແຂວງສາລະວັນ, ຮອງຫົວໜ້າຄະນະສະເພາະກິດຂັ້ນແຂວງ ໄດ້ໃຫ້ຮູ້ວ່າ: ນັບແຕ່ເລີ່ມມີການລະບາດຂອງພະຍາດໂ ຄ ວ ິ ດ ແຂວງສາລະວັນ ໄດ້ເກັບຕົວຢ່າງ ສົ່ງໄປກວດຫາເຊື້ອພະຍາດດັ່ງກ່າວ ໄດ້ທັງໝົດ 2.669 ຄົນ, ຮູ້ຜົນກວດແລ້ວ 2.470 ຄົນ, ໃນນັ້ນພົບເຊື້ອ 7 ຄົນ, ປິ່ນປົວດີ 1 ຄົນ ແລະ ຍັງລໍຖ້າຜົນກວດຈຳນວນ 199

ຄົນ ເນື່ອງຈາກວ່າ ຫ້ອງວິເຄາະໂຮງໝໍແຂວງຈໍາປາສັກ ຮັບຜິດຊອບກວດຕົວຢ່າງ 4 ແຂວງພາກໃຕ້ ຈໍານວນຕົວຢ່າງມີຫລວງຫລາຍ ສາມາດກວດໄດ້ 200 ຄົນຕໍ່ມື້. ສຳລັບຢູ່ແຂວງສາລະວັນ ແມ່ນສາມາດກວດຫາເຊື້ອໄດ້ 6 ຄົນຕໍ່ມື້ເທົ່ານັ້ນ. ນອກຈາກນັ້ນ, ຖ້າວ່າພົບເຊື້ອ ແມ່ນໄດ້ສົ່ງຕົວຢ່າງໄປຢັ້ງຢືນຢູ່ ສູນວິເຄາະ ແລະ ລະບາດວິທະຍາ ກະຊວງສາທາລະນະສຸກ ອີກຄັ້ງ.ໂອກາດນີ້, ທ່ານດຣ ອາຄົມ ລ່ຳວິຈິດ ຍັງຮຽກຮ້ອງມາຍັງສັງຄົມ ຕ້ອງເປັນເຈົ້າການຮ່ວມກັນ ເພື່ອປ້ອງກັນບໍ່ໃຫ້ພະຍາດດັ່ງກ່າວແຜ່ລາມ

ອອກສູ່ວົງກວ້າງ ໂດຍປະຕິບັດຕາມຄຳສັ່ງ ແລະ ມາດຕະການຕ່າງໆ ເປັນຕົ້ນ ຫລີກເວັ້ນອອກໄປຂ້າງນອກ ຖ້າບໍ່ຈຳເປັນ ຫລື ໃຊ້ຜ້າອັດປາກ-ດັງ, ໝັ່ນລ້າງມືດ້ວຍສະບູ, ນ້ຳສະອາດ, ເຈວລ້າງມື ແລະ ຮັັກສາໄລຍະຫ່າງ 1 ແມັດຂຶ້ນໄປ, ຫັນປ່ຽນການໃຊ້ຊີວິດແບບ Newnormal ຫລື ດຳລົງຊີວິດປົກກະຕິແບບໃໝ່ ປອດໄພ.

ຂ່າວ: ວິໄລວອນ ສິດທິໄຊ