ແຂວງບໍ່ແກ້ວ ສືບຕໍ່ສັກວັກຊິນ ຊີໂນຟາມ ເພື່ອປ້ອງກັນພະຍາດ ໂ ຄ ວ ິ ດ

0
139

ຂປລ.ຕາມຂໍ້ມູນ ຈາກຂະແໜງອະນາໄມ-ສົ່ງເສີມສຸຂະພາບ ພະແນກສາທາລະນະສຸກແຂວງບໍ່ແກ້ວ ໃຫ້ຮູ້ວ່າ: ປະຈຸບັນທີມງານພະນັກງານແພດໝໍ ພະແນກສາທາ ລະນະສຸກແຂວງ ແລະ ຫ້ອງການສາທາລະນະສຸກ ເມືອງຫ້ວຍຊາຍ ແມ່ນໄດ້ເອົາໃຈໃສ່ສືບຕໍ່ ປະຕິບັດໜ້າທີ່ວຽກ ງານວິຊາສະເພາະ ໃນການສັກວັກຊີນໃຫ້ແກ່ພະນັກ ງານລັດ-ຖະ

ກອນ, ນັກຮຽນນັກສຶກສາ, ຜູ້ປະກອບການຫ້າງຮ້ານ; ປະຊາຊົນບັນດາເຜົ່າ ແລະ ຄົນຕ່າງປະເທດ ທີ່ມາດຳເນີນທຸລະກິດຢູ່ ແຂວງບໍ່ແກ້ວ ໃນກຸ່ມເປົ້າໝາຍຜູ້ທີ່ມີຄວາມສ່ຽງສູງ ອາຍຸ18 ຫາ 60 ປີ.ການສັກວັກຊີນ ຄັ້ງນີ້ ຕາມແຜນການຜູ້ທີ່ຈະໄດ້ຮັບວັກຊີນຊີໂນຟາມເຂັມທີ່ 1 ມີ 4.900 ຄົນ, ຜ່ານການຈັດຕັ້ງປະຕິບັດຕົວຈິງໄດ້ 4.885

ຄົນ, ເທົ່າກັບ 99,69 % ແລະ ເຂັມທີ 2, ເປົ້່າໝາຍແມ່ນ 4.885 ຄົນ, ສາມາດສັກໄດ້ 4.481 ຄົນ, ເທົ່າກັບ 91,73%. ສຳລັບສັກວັກຊີນ(ຊີໂນຟາມ ເເອຊຕາເຊເນກາ) ເຂັມທີ່ 1 ໃນຮອບທີ 2 ຄັ້ງນີ້ ມີຫລາຍພາກສ່ວນ ແລະ ທຸກເພດໄວ ໄດ້ມີຄວາມຕື່ນຕົວສະໝັກໃຈ ມາລໍຖ້າເພື່ອສັກວັກຊີນເປັນຈໍານວນຫລາຍຮ້ອຍຄົນ ເຮັດໃຫ້

ການປະຕິບັດໜ້າທີ່ ວຽກງານຂອງພະ ນັກງານແພດໝໍ ແມ່ນໄດ້ພົບຄວາມຫຍຸ້ງຍາກ ເນື່ອງຈາກວ່າຈໍານວນຄົນຫລາຍ ແຕ່ສະຖານທີ່ມີຈໍາກັດ ການປະຕິບັດມາດຕະການ

ໄລຍະຫ່າງ ເພື່ອປ້ອງກັນພະຍາດ. ຍັງເຮັດບໍ່ທັນໄດ້ດີເທົ່າທີຄວນ. ຢ່າງໃດກໍຕາມ ພະນັກງານແພດໝໍທຸກຄົນ ໄດ້ເອົາໃຈໃສ່ປະຕິບັດໜ້າທີ່ ເຊັ່ນວ່າ, ການກວດສຸຂະພາບ, ແຈກຟອມການສອບຖາມປະຫວັດ ພະຍາດປະຈໍາຕົວຂອງບຸກຄົນ ການເຄື່ອນໄຫວໃກ້ຊິດກັບກຸ່ມສ່ຽງ ແລະ ອື່ນໆຢ່າງເຄັ່ງຮ້ອນ ກ່ອນຈະເຂົ້າຮັບວັກຊິນ.

ຂ່າວ: ເງິນຫລົງ ຈິດພູວົງ.