ປກສ ນວ ອອກລາດຕະເວນຍັງພົບເຫັນ ຮ້ານອິນເຕີເນັດກາເຟລະເມີດຄຳສັ່ງເລກທີ 15/ນຍ

0
134

ກອງພັນປ້ອງກັນເຄື່ອນທີ່ ປກສ ນວ ອອກລາດຕະເວນຍັງພົບເຫັນ ຮ້ານອິນເຕີເນັດກາເຟ ທີ່ຕັ້ງຢູ່ບ້ານໂນສະອາດ ເມືອງໄຊທານີ ລະເມີດຄຳສັ່ງເລກທີ 15/ນຍ **
ກອງພັນປ້ອງກັນເຄື່ອນທີ່ ປກສ ນະຄອນຫຼວງວຽງຈັນ ໄດ້ສຸມໃສ່ປະຕິບັດຄຳສັ່ງເລກທີ 15/ນຍ ອອກກວດລາລາດຕະເວນຕາມເສັ້ນທາງຕ່າງໆ ໃນຂອບເຂດ 04 ເມືອງໃນ, ນັບແຕ່ເວລາ 20ໂມງ 30ນາທີ ຫາ 23ໂມງ 00ນາທີ; ໃນເວລາອອກເຄື່ອນໄຫວຕາມເສັ້ນທາງພົບເຫັນຮ້ານອິນເຕີເນັດກາເຟ ອອກຊີ່ນາງ ໂມະ ຕັ້ງຢູ່ບ້ານໂນນສະອາດ

ເມືອງໄຊທານີ ນວ ລັກລອບເປີດໃຫ້ບໍລິການ ເຊີ່ງເປັນການລະເມີດຄຳສັ່ງ ແລະ ແຈ້ງການຂອງຂັ້ນເທິງ ເຈົ້າໜ້າທີ່ຈຶ່ງໄດ້ສຶກສາອົບຮົມກ່າວເຕືອນ ພ້ອມທັງເຮັດບົດບັນທຶກ ແລະ ລາຍງານໃຫ້ຂະແໜງການທີ່ກ່ຽວຂອງພິຈາລະນາ, ຖ້າການລະເມີດດັ່ງກ່າວເປັນສາເຫດການແຜ່ນເຊື້ອພະຍາດ ຈະຖືກດໍາເນີນຄະດີອາຍາ ແລະ ຮັບຜິດຊອບທາງແພ່ງຢ່າງເດັດຂາດ.ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງເຈົ້າຂອງກິດຈະການ, ຫົວໜ່ວຍທຸລະກິດຕ່າງໆ ໃຫ້ຕື່ນຕົວເອົາໃຈໃສ່ປະຕິບັດມາດຕະ

ການປ້ອງກັນ ແລະ ຄວບຄຸມການແຜ່ລະບາດຂອງພະຍາດຢ່າງເຂັ້ມງວດ ເພື່ອຄວາມປອດໄພຂອງຄອບຄົວ ແລະ ຕົວທ່ານເອງ. ສະເໜີມາຍັງຊາວນະຄອນຫຼວງວຽງຈັນ ຈົ່ງປະຕິບັດພັນທະຊ່ວຍກັນ, ຖ້າເຫັນສະຖານທີ່ທຸລະກິດໃດຍັງລະເມີດ ແມ່ນໃຫ້ແຈ້ງມາທາງເບີວອດແອັບ 020​28899774 ແລະ ແຈ້ງຜ່ານຊ່ອງທາງເຟສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ